ल़ेह-पेन 24:22 - ह्योल्मो22 फेलिक्सला थार्पागी लाहमगी तेहन्दाला या़हबु पेहती क्यी़ह येहकें। ओ़ह सोङबे खोगी मासीन, “ता़ह ख्या फे़बेया़गी उजूरी माक्पेन छ्यिम्बु लुसियस फेप्तीले च्यी़राङ साम्लु ताङगे” म़ेदी मासीन। အခန်းကိုကြည့်ပါ။ |
ल़ेह-पेन 24:22
11 ပူးပေါင်းရင်းမြစ်များ
ओहले स्युहङ-पेन छ्यिम्बु फेलिक्सगी ताम माज्येला का नाङ फान्ज्यो पावलगी मासीन, “राहङ दि क्याहल-खापला स्युहङ-पेन छ्यिम्बु दाङ ठिम ताङगे छ्या़ले जे नाङग्योदी लोह माहङबुराङ काहल्सीन माएँ ताम ङाहला क्यी़ह येहबा। ओ़ह सोङबे राहङगी दिनला ङाह राहङगी ताम प्रा साल ङ्युहङगेमु ङाहगी सेम काहसो काहल्दी येह।
यिहॱनाङ दि तामदी ङाह माएँ, थार्पा थोप्केन्गी लाहमला खुङया़गी दि तेहन्दाम मिहम्बा म़ेदी माएँ, ओ़ह लाहमलाराङ तिङ ङ्यादी ङाह राहङगी आख्ये मे़हमेया़गी किन्ज्योला क्याप्केन ओहले छ्य़ेसेम पेहकें। यिहॱनाङ लुहङतेम्बाया़गी प्रुह नाङग्योकी छ्य़े दाङ मोशागी नाङग्यो थाम्ज्यीराङ छ्य़े-ठिमला ङाह यिह-छ्य़े पेहकें।
यिहॱनाङ ङाहगी रोमी क्याहल्बु छ्यिम्बुला खोगी तेहन्दाला च्यिॱआङ प्रुह मा़हखु। ओ़ह सोङबे ङाहगी खोला राहङ फे़बेया़गी दिनला तेहम्बाराङ माज्ये माना क्याहल्बु अग्रिपासगी दिनला ख्योङज्ये सेम पेहक्यो यिहम्बा। राहङ फे़बेया़गी दि तामकी तेहन्दाला ताम टी़हदाप जे नाङसीमानानी ङाहला प्रुहज्ये ताम ज्योर्केनी म़ेदी रेहवा पेहती येहबा।
ओहले “दमस्कस छो़खाङगी पोम्बोया़ला ङाहगी ङोहस्यी तेर्ते यिहगी प्री़हदी नाङदोङ,” म़ेदी स्युहसीन। “दमस्कसला काहल्दी ओ़ह थार्पा ज्योर्केन माएँ लाहमला स्युहक्योगी क्येप-ख्योवा दाङ पी़हमी-पेहजा थाम्ज्यीलाराङ छोल्दे छोल्दे ज़ुङदी यरूशलेमला ख्योङ ङ्युहङज्यु,” म़ेदी खोगी गो-छ्येवा पूजाहारी ङ्याम्बु ओङ लाङसीन।
ကြော်ငြာတွေ