ल़ेह-पेन 23:9 - ह्योल्‍मो

⁹ ओहले दि तामगी पेहती ओ़ह छो़बाला लोहङटी छ्यिम्‍बु काहल्‍सीन। ओहले फरिसी छो़बागी लाहला छ्य़े-ठिम ताङगे लोबेनया़गी लाहङदी सदुकीया़ला ज्‍यिबुराङ टाह पेहती मासीन, “ङाहगीनी दि मिहगी च्‍यिॱआङ ङ्य़ेहबा पेहक्‍यो मेहथोङ दु। का़हलेॱआङ नाम्‍स्‍यी दाङ स्‍यिहङगामकी स्‍याहप्‍च्‍यीगी दि मिहला दि ल़ेहमु सुङ नाङग्‍यो यिहन्‍सीमानानी च्‍यि काहल्‍बा ले?”

ल़ेह-पेन 23:9 ပူးပေါင်းရင်းမြစ်များ

मर्कूस 2:16

फरिसी बा़लगी छ्य़े-ठिम ताङगेन लाहला मिहया़गी येशूला दि ल़ेहमु पेहती ठाल तुहएँ दाङ लेहमेन तिहक्‍च्‍येम्‍बा मिहया़ ङ्याम्‍बु ज़्‍य़ूदी सोल छ्येक्‍यो थोङदी येशूगी स्‍याहप्‍च्‍यीया़ला टी़हसीन, “येशूगी च्‍यिबे दि ल़ेहमु ठाल तुहएँ दाङ तिहक्‍च्‍येम्‍बा मिहया़ ङ्याम्‍बु ज़्‍य़ूदी सोल छ्येक्‍यो यिहम्‍बा?”

लूका 23:22

ओहले पिलातसगी येहपाराङ टी़हसीन, “च्‍यिबे, दि मिहगी च्‍यि ल़ेह चोक्‍पा पेहती येहबा? ङाहगीनी खोला सेॱराङ कोहएँगी ङ्य़ेहबा काल्‍ज्‍येला तेहन्‍दा च्‍यिॱआङ माहथोङ। टी़हसीन ता़ह ङाह खोला ताक्‍स्‍यु क्‍याहप्‍ती ताङ चाहङगे।”

लूका 23:4

ओहले पिलातसगी पूजाहारी छ्यिम्‍बु दाङ जोम्‍ग्‍यो मिहया़ला, “ङाहगीनी दि मिहला ठिम ताङ कोहएँगी तेहन्‍दा च्‍यिॱआङ मेहथोङ दु” म़ेदी मासीन।

लूका 5:30

ओहले खुङ फ़ेबेॱया ङ्याम्‍बुराङ ज़्‍य़ूदी सोल छ्येकेन थोङदी फरिसी दाङ छ्य़े-ठिमकी लोबेनया़गी येशूगी स्‍याहप्‍च्‍यीया़ला, “ख्‍याया़ च्‍यिबे ठाल तुहएँ दाङ तिहक्‍च्‍येम्‍बा मिह ङ्याम्‍बुॱआङ तेहती साहएँ दाङ थुङगे?” म़ेदी टी़हसीन।

यूहन्‍ना 12:29

ओ़हला लाहङदी तेहक्‍यो मिहया़गी दि थे़दी मासीन, “दिनी नाम क़े तेन्‍ग्‍यो यिहम्‍बा!” लाहलागी मासीन, “स्‍यिहङगामकी स्‍याहप्‍च्‍यी येशू ङ्याम्‍बु स्‍याहल सुङ नाङग्‍यो दुबा!”

ल़ेह-पेन 11:17

चो़वो छ्येवा येशू मास्‍यीकाला यिह-छ्य़े पेहकेमु किन्‍ज्‍योगी ङ्यिहया़ला नाङग्‍योकी काबाप, खुङया़ॱलाङ ओ़ह काबापॱराङ नाङ फान्‍ज्‍यो किन्‍ज्‍योला का़ ख़ूएँ ङाह सु यिहम्‍बा ले?”

ल़ेह-पेन 22:6

दमस्‍कसला लेप्‍च्‍ये पेहकेमु नामले माहर मी़राङ छ्यिप्‍केन पेहती येहसेर च्‍यी़ ङाह थो़ला क्‍याहप्‍सीन। ओहजेला ङ्यिहमा फ़ेचे काहल्‍दी येहकें।

ल़ेह-पेन 22:7

ओहले ङाह साला रिहल्‍सीन, ओहले ङाहगी दि रोहवा सुङ-क़े च्‍यी़ थ़ेसीन, ‘ए शाऊल, ए शाऊल ख्‍येगी ङाहला च्‍यिबे तुहक्‍पु तेर्कें?’ म़ेदी टी़हक्‍यो थ़ेसीन।

ल़ेह-पेन 23:29

यिहॱनाङ खोगी स्‍यिॱराङ कोहकें थुकी ङ्य़ेहबा दाङ चोन-खाङला तेह कोहकेन्‍गी ल़ेहया़ च्‍यिॱआङ पेहक्‍यो मिहन्‍दु। खोगी ङ्य़ेहबा खुङया़दीॱराङ छ्य़े-ठिमगी टी़हदापगी तेहन्‍दाला दुबा।

ल़ेह-पेन 23:8

च्‍यिबेमाना सदुकीया़गी मिह स्‍यि फान्‍ज्‍यो येहपाराङ सोम्‍बो लो़हगे माएँ तामला यिह मे़हछ्येएँ येहकें ओहले स्‍यिहङगामकी स्‍याहप्‍च्‍यी दाङ नाम्‍स्‍यी येहॱराङ म़ेह म़ेदी माउ येहकें। यिहॱनाङ फरिसीया़गीदी दि ताम सुमला यिह छ्ये़उ येहकें।

ल़ेह-पेन 25:25

खोला सेॱराङ कोहएँगी ल़ेह नोहरक्‍यो स्‍यी़हक्‍यो ल़ेहमुनी ङाहगी च्‍यिॱआङ च्‍य़ेह माहसीहन। ओहले खो खोराङगीराङ रोमी क्‍याहल्‍बु छ्यिम्‍बु साला ख्‍येर्तोङ म़ेदी माक्‍यो सुङगोराङ ङाहगी खोला रोमी क्‍याहल्‍बु छ्यिम्‍बु साला ताङज्‍येला साम्‍लु ताङसीन।

ल़ेह-पेन 26:31

ओहले खुङया़ फिला थेन्‍दी डोएँमु खुङ नाहङदुङ दि ल़ेहमु म़ेदी ताम मासीन, “दि मिहगी स्‍यिॱराङ कोहएँ ङ्य़ेहबा दाङ चोन-खाङला ल़ू कोहएँ थुगी ल़ेहनी च्‍यिॱआङ पेहती मिहन्‍दु” म़ेदी मासीन।

ल़ेह-पेन 27:23

ङाह किन्‍ज्‍योगी मिह यिहम्‍बा ओहले ङाह किन्‍ज्‍योला स्‍याहप्‍तो स्‍युहएँ। ओहले तिहरीङ नुहङमु किन्‍ज्‍योगी स्‍याहप्‍च्‍यी च्‍यी़ ङाह पोहला फेप्‍ती सुङ नाङसीन,

ल़ेह-पेन 5:39

यिहॱनाङ दि किन्‍ज्‍यो ङो़ले यिहन्‍सीमानानी ख्‍या फे़बेया़गी दि मिहया़ला का़ मी़हखुएँ। का़हलेॱआङ का़ज्‍ये पेहसीमाना ख्‍यागी किन्‍ज्‍योला टा़ह पेहक्‍यो म़ेदी ङोह स्‍ये़ज्‍ये येह।”

ल़ेह-पेन 9:4

शाऊल साला च्‍यार-ताप क्‍याहप्‍सीन, ओहले याहङमे-याहङ खोगी दि ल़ेहमु सुङ-क़े च्‍यी़ थ़ेसीन, “शाऊल, ए शाऊल ख्‍ये ङाहला च्‍यिबे तुहक्‍पु तेर्के?”

१ कोरिन्‍थी 10:22

च्‍यि ओहराङगी चो़वोला ठादो लाहङच्‍युएँ? च्‍यि ओहराङ चो़वो म़ेदी ओङ छ्यिम्‍बु येहबा ले?