ल़ेह-पेन 22:21 - ह्योल्‍मो

²¹ ओहले चो़वोगी सुङ नाङसीन, ‘ख्‍ये सोङ, ङाहगी ख्‍येला लेहमेन क्‍यिहपागी मिहया़साला था़-रिहङबु रिहङबु थु ताङज्‍ये येह’!”

ल़ेह-पेन 22:21 ပူးပေါင်းရင်းမြစ်များ

ल़ेह-पेन 13:2

ओहले खुङ फ़ेबेॱया ङ्युङने तेहती सोल्‍वाङ ताप्‍ती चो़वो छ्येवाला त़ेरा फुल तेहके ती़हजीला किन्‍ज्‍योगी थुगी खुङया़ला सुङ नाङसीन, “शाऊल दाङ बारनाबासला ङाहगी का़हन्‍दी ल़ेहगी तेहन्‍दाला दाम्‍ग्‍यो, ओ़ह ल़ेहला खुङया़ला खा फ़ेदोङ!”

ल़ेह-पेन 18:6

ओहले खुङया़गी पावलला खा लो़हदी स्‍ये़हन्‍डील पेहसीन। ओ़ह सोङगोराङ पावलगी राहङगी काप्‍च्‍या प्रू़दी खुङया़ला दि ल़ेहमु मासीन, “ख्‍याया़गी तिहक्‍पा ख्‍याया़लाॱराङ फो़ज्‍यु, ता़ह ङाहला ङ्य़ेहबा फो़ज्‍ये म़ेह। ता़ह यिहन्‍ज्‍यु ङाह लेहमेन क्‍यिहपागी मिहया़साला डोज्‍ये येह।”

ल़ेह-पेन 9:15

यिहॱनाङ चो़वो छ्येवागी हननिया़ला सुङ नाङसीन, “ख्‍ये सोङ, च्‍यिबेमाना लेहमेन क्‍यिहपाया़ला, क्‍याहल्‍बुया़ला ओहले इस्राएली छार्क्‍यीनया़गी दिनला ङाहगी मिहन ङोह स्‍य़े च्‍य़ूज्‍येला ङाहगी खोला दाम्‍दी येह।

रोमी 1:5

मास्‍यीका लाहमले किन्‍ज्‍योगी ङ्यिहला काटीन दाङ ल़ेह-पेनगी छ्या़ले नाङसीन। लेहमेन क्‍यिहपागी मिह थाम्‍ज्‍यीगी तेहपा पेहती मिहरोगी सुङ नाङग्‍योकी स्‍याहल ङ्यिहन्‍ज्‍यु म़ेदी मिहरोगी तेहन्‍दाला किन्‍ज्‍योगी छ्या़लेला कुल नाङसीन।

रोमी 11:13

ता़ह ङाह लेहमेन क्‍यिहपाकी मिहया़ला माएँराङ येह। ङाह लेहमेन क्‍यिहपाया़की तेहन्‍दाला दाम्‍ग्‍यो मास्‍यीकाकी ल़ेह-पेन यिहम्‍बा ओ़ह सोङबे ङाह दि स्‍याहप्‍तो स्‍युहएँ ल़ेहला तेहम्‍बाराङ चा़ छ्यिम्‍बु ने़दी ल़ेह पेहकें।

रोमी 15:16

लेहमेन क्‍यिहपाया़गी तेहन्‍दाला किन्‍ज्‍योगी ङाहला मास्‍यीका येशूला स्‍याहप्‍तो स्‍युहएँकी मिह ज़ो नाङसीन। लेहमेन क्‍यिहपाकी मिहया़ नाम्‍पार-ताहक्‍पा थु लाहमले चाङमा काहल्‍दी किन्‍ज्‍योकी थु ङ्ये़बाकी डेल्‍बा ओहङ ख़ूज्‍यु म़ेदी मिहरोगी ङाहला राहङदी या़हबु लेहङगु स्‍येच्‍येला पूजाहारीगी ल़ेहया़ चि क्‍याहप नाङसीन।

रोमी 16:26

यिहॱनाङ ता़ह नाहम्‍स्‍यी किन्‍दु ज़्‍य़ू नाङगेन्‍गी किन्‍ज्‍योगी का नाङदी लुहङतेम्‍बाया़गी छ्य़े प्रुह नाङसीन। ओहले दि सुङराप लाहमले थाम्‍ज्‍यी क्‍यिहपाकी मिहया़गी यिह छ्य़ेदी किन्‍ज्‍योकी काया़ ची़ज्‍यु म़ेदी दि साङदी ज़्‍या़ नाङग्‍योकी या़हबु लेहङगु क्‍याहल-खाप थाम्‍ज्‍यीला स्‍येकेराङ येहबा।

एफिसी 3:3

ओ़ह तिहङ-रिहङबुकी केच्‍या किन्‍ज्‍योगी ङाहला तेन नाङदी ङोह स्‍य़े च्‍य़ू नाङसीन।

१ तिमोथी 2:7

ओ़ह सोङबे ङाहगी लेहमेन क्‍यिहपागी मिहया़ला तेहपा दाङ तेहन्‍दामला लुहङ प्रा-साल्‍ज्‍येला चो़वोगी ङाहला ल़ेह-पेन दाङ लोबेन ज़ो नाङसीन। ङाहगी तेहम्‍बाराङ माक्‍यो यिहम्‍बा, स्‍योप क्‍याहप्‍ती म़ेह।

२ तिमोथी 1:11

ओ़ह या़हबु लेहङगु स्‍येच्‍येलाॱराङ किन्‍ज्‍योगी ङाहला या़हबु लेहङगु स्‍येकेन्‍गी मिह, ल़ेह-पेन दाङ लोबेन ज़ो नाङसीन।