ल़ेह-पेन 22:1 - ह्योल्मो1 “क़ेहङगेन दाङ आदा-नो़हया़, राहङ फे़बेया़गी दिनला ङाहगी राहङगी तेहन्दाला मा कोहएँगी ताम सेन नाङदोङ!” म़ेदी पावलगी मासीन। အခန်းကိုကြည့်ပါ။ |
ल़ेह-पेन 22:1
21 ပူးပေါင်းရင်းမြစ်များ
ओहले ओ़ह छो़बाला सदुकी दाङ फरिसी माएँ छो़बा ङ्यिकाराङ येहबा माएँ क्यी़ह येहकें सोङगोराङ पावलगी क़े छ्यिम्बु तेन्दी मासीन, “ए आदा-नो़हया़, ङाह फरिसीगी पुह फरिसीॱराङ यिहम्बा! स्यिक्यो मिह येहपाराङ सोम्बो लो़हज्ये येह म़ेदी रेहवा पेहक्यो सुङगोराङ ङाहला देला ठिम ताङगेराङ येह!” म़ेदी पावलगी मासीन।
ओहले स्युहङ-पेन छ्यिम्बु फेलिक्सगी ताम माज्येला का नाङ फान्ज्यो पावलगी मासीन, “राहङ दि क्याहल-खापला स्युहङ-पेन छ्यिम्बु दाङ ठिम ताङगे छ्या़ले जे नाङग्योदी लोह माहङबुराङ काहल्सीन माएँ ताम ङाहला क्यी़ह येहबा। ओ़ह सोङबे राहङगी दिनला ङाह राहङगी ताम प्रा साल ङ्युहङगेमु ङाहगी सेम काहसो काहल्दी येह।
ओहले ङ्यिहमा सुम तिङले पावलगी रोमला येहकेन्गी यहूदीया़की गोबाया़ला क़े क्याहप्सीन। ओहले खुङया़ जोम फान्ज्यो पावलगी मासीन, “आदा-नो़हया़, ङाहगी ओहराङगी क्यिहपा दाङ ओहराङगी चावाया़ यिहन्ज्यु ची़दे ओहङग्योगी पे-ठिमगी तेहन्दाला च्यिॱआङ ल़ेह चोक्पाया़ पेहती म़ेह। यिहॱनाङ यहूदी आदा-नो़हया़गी ङाहला यरूशलेमला ज़ुङदी रोमीया़गी लाहक्पाला चि क्याहप्सीन।
ख्या थो़ला बाप्क्यो तुहक्पु लाहमले किन्ज्योगी च्यि जे नाङबा, टेहम्बा साल्दोङ, दि तुहक्पुगी ख्याया़ला तेहम्बा-तेहन्सुम ज़ोसीन, च्यिॱआङ क्येन म़ेह म़ेदी तेन्ज्येला सेमला मेह ती़ह च्य़ूसीन, ख्याया़ला काहन्डुमु स्यिहताङ लाहङ च्य़ूबा, ख्याला काह-ठि तुहङाल लाहङ च्य़ूबा, ख्याला काह-ठि नोम्साङ ताङ च्य़ूबा ओहले किन्ज्योला क्याप्च्येला काहन्डुमु सेम्बा क्ये च्य़ूबा। ख्याया़ नाहङला तिहक्पा पेहकेनया़ला ङ्य़ेहबा काल्गेन्गी सेमॱआङ क्येसीन। दि थाम्ज्यी लाहमले ख्याया़ला च्यिॱआङ क्येन मेह माएँ ताम क्यी़ह ज्योर्के।
ख्याया़ला नाहम-माना ङाहगी सेम नाहङला ज़्या़दी येह। दि ल़ेहमु पेहच्येला ङाहला ठाबे ऩेसीन च्यिबेमाना ताहन्दा ङाह चोन-खाङ नाहङला येहकेंमु ओहले चोन-खाङ म़ेदी फिला येहकेमुॱआङ ख्याया़गी ङाहला या़हबु लेहङगु स्येकेन्गी ल़ेहला ओहले दिला सी़दे ज़्या़ज्येला किन्ज्योगी नाङग्यो दि थाम्ज्यी काटीनला ख्याया़ ङाह ङ्याम्बुराङ पी़मा काहल्दी येह।
ကြော်ငြာတွေ