ल़ेह-पेन 21:13 - ह्योल्‍मो

¹³ ओहजेला पावलगी, “च्‍यिबे ख्‍यागी दि ल़ेहमु पेहती ङी़हदी ङाहगी सेम सुह क्‍याहप च्‍य़ूएँ? ङाह यरूशलेमला ताहम्‍ज्‍येज्‍यीराङ मिहम्‍बा, चो़वो येशूगी तेहन्‍दाला स्‍यि कोहॱनाङ स्‍यि ख़ूएँ” म़ेदी मासीन।

ल़ेह-पेन 21:13 ပူးပေါင်းရင်းမြစ်များ

ल़ेह-पेन 20:24

यिहॱनाङ, ङाहगी मिहली ङाहगी तेहन्‍दालानी च्‍यिॱआङ फेन थो़ज्‍ये म़ेह। ङाहला देजे च्‍यी़राङ सेम्‍बा येहबा, किन्‍ज्‍योगी मिहया़ला काटीन जे-नाङदी येहबा माएँ या़हबु लेहङगुगी तामया़ मिहया़ला स्‍य़े ख़ूज्‍यु म़ेदी ओ़ह छ्या़लेया़ तेहन्‍दा डुप च्‍य़ूज्‍येला चो़वो येशूगीराङ ङाहला कुल नाङग्‍यो यिहम्‍बा।

ल़ेह-पेन 20:37

खुङया़ थाम्‍ज्‍यीराङ ङुहसीन ओहले पावलला प्राहङज्‍या ताप्‍ती खा लेहन्‍दी कोहङबा स्‍युहसीन।

ल़ेह-पेन 5:41

ओहले ल़ेह-पेनया़ येशूगी छेनला तुहक्‍पु दाङ स्‍ये़हन्‍डील खुर्च्‍ये सी़हसीन माएँ तामला ज्‍यिबुराङ क़ेहनाङ पेहती छो़बा क्‍याहप्‍क्‍यो ग्‍या़लेगी फिला थेन्‍दी काहल्‍सीन।

ल़ेह-पेन 9:16

ओहले ङाहगी मिहनगी तेहन्‍दाला खोगी काहजे तुहक्‍पु ना़ कोहच्‍ये येह, ओ़ह ङाहगी खोला तेन्‍ज्‍ये येह” म़ेदी चो़वो छ्येवागी सुङ नाङसीन।

१ कोरिन्‍थी 15:31

आदा नो़ह दाङ आज्‍यी-नुहमुया़, ख्‍याया़ दाङ ङ्यिह ङ्यी़ चो़वो येशू मास्‍यीकाला येहकेन्‍गी ङाहगी छ्य़ेन्‍दोगी ङाह दि मा ख़ूएँ “ङाह ङ्यिहमा-टाहङमाराङ स्‍यिएँ।”

फिलिप्‍पी 2:17

का़हलेॱआङ ख्‍यागी फुल्‍ग्‍यो यिह-छ्य़ेकी मार्च्‍येला ङाहतीॱआङ ठा़ मार्च्‍ये ल़ेहमुराङ पेहती फुल्‍दी स्‍याहल च्‍य़ू कोहॱनाङ ङाहला काहसो येह, ओहले ङाह ख्‍या थाम्‍ज्‍यी ङ्याम्‍बु क़ेहनाङ पेहकें।

फिलिप्‍पी 2:26

खोगी ख्‍याया़ला थू़ज्‍ये म़ेदी ज्‍यिबुराङ सेम्‍बा पेहती येहकें। खो ने़हदी येह माएँ लेहङगु ख्‍यागी थे़क्‍यो सोङबे खो ज्‍यिबुराङ तुहङाल लाहङग्‍यो येहकें।

कलस्‍सी 1:24

ता़ह ख्‍याया़गी तेहन्‍दाला ङाहगी तुहक्‍पु खुर्केमु ङाह सेम काहसो पेहकें, ओहले मास्‍यीकाकी कुसो छेन्‍छोककी तेहन्‍दाला मिहरोदी खादी लिहक्‍यो तुहक्‍पुया़ ङाहती ज़ुबुला खुर्ते छाङबु पेहकें।

२ तिमोथी 1:4

ख्‍येती मिज्‍युला टेहङगेमु ङ्यिहन-नुहप ख्‍येला थू़ज्‍ये सेम क्‍येदी ओहङगे। ख्‍येला थ़ू ङ्युहङसीमाना ङाह काहजे क़ेहनाङ लाहङज्‍ये येहकें।

२ तिमोथी 4:6

च्‍यिबेमाना ता़ह ङाह स्‍यिएँगी ती़हजी पोहलाराङ लेप सिहन्‍दी येह। ता़हनी ङाह दि जाम्‍बुलीङ क्‍युर ज़्‍या़दी डोएँगी ती़हजी लेप सिहन्‍सीन।

२ पत्रुस 1:14

ङाहला दि तामॱआङ क्‍यी़ह येह, ता़ह ङाहगी दि ङ्यिहमा ङ्यी़की ज़ुबु ग्‍यो़बाराङ क्‍युर ज़्‍या़दी डो कोहएँगी ती़हजी पोहला लेप सिहन्‍दी येह माएँ ताम ओहराङ चो़वो येशू मास्‍यीकागी ङाहला छ्यिसाल-नाहङसाल जेती तेन नाङ सिहन्‍दी येह।

ज्‍याल्‍गा 12:11

ल़ूह स्‍ये़बुकी ठा़गी, खुङया़गी प्रा साल्‍ग्‍यो तेहन्‍दामकी सुङगी ओहले खुङया़ स्‍यिज्‍येलाॱआङ ठाबे काहल्‍ग्‍यो सोङबे खुङया़गी खोला क्‍याहल सिहन्‍दी येह।

ज्‍याल्‍गा 3:10

ख्‍येगी ना़स्‍यीङ छ्यिम्‍बु पेहती ङाहगी काया़ ची़क्‍यो सोङबे, ता़ह थाम्‍ज्‍यी क्‍यिहपाया़ला ङ्याहम च्‍येच्‍येला दि जाम्‍बुलीङ थो़ला बाप ओहङज्‍ये पेहक्‍यो तुहक्‍पुलेगी ङाह ख्‍येला थार च्‍य़ूज्‍ये येह।