ल़ेह-पेन 20:34 - ह्योल्‍मो

³⁴ राहङ फे़बेया़ला थुयी़ येहबा, दि लाहक्‍पागीॱराङ ल़ेह पेहती ङाह दाङ ङाहगी रो़हया़ला कोहकेन्‍गी से़हया़ ज्‍योर्सीन।

ल़ेह-पेन 20:34 ပူးပေါင်းရင်းမြစ်များ

ल़ेह-पेन 18:3

खुङया़गी पा़ल ज़ोएँगी ल़ेह पेहती राहङगी टेहपा सोउ येहकें। पावलॱआङ खुङया़ ङ्याम्‍बुराङ तेहसीन च्‍यिबेमाना खोगीॱआङ खुङया़गी ल़ेहमुराङ पा़ल ज़ोएँगी ल़ेह पेहती टेहपा सोउ येहकें।

ल़ेह-पेन 19:22

ओ़ह तिङले पावलगी राहङला स्‍याहप्‍तो स्‍युहएँ तिमोथी दाङ इरास्‍तसला माकेडोनियाला ताङ चाहङसीन यिहॱनाङ खो राहङदी ङ्यिहमा तोबा थु एशिया क्‍याहल-खाप छ्यिम्‍बुलाॱराङ तेहसीन।

ल़ेह-पेन 19:29

ओहले खुङगी क़ेगी क्‍याहसाला पा़हज्‍या छ्या़सीन ओहले क्‍याहसा काहङ्येॱराङ लोहङटी काहल्‍सीन। मिह मिह-माहङ क्‍याहप्‍ती ओहङसीन ओहले माकेडोनिया लुहङबाले ओहङग्‍यो पावलगी रो़ह ङ्यी़ गायस ताङ अरिस्‍तार्खसला ज़ुङदी टिहती क्‍याहसाकी मिह छो़सा ठोमला ख्‍येर्सीन।

ल़ेह-पेन 20:35

ङाहगी थाम्‍ज्‍यी तामला राहङ फे़बेया़ला पे तेन सिहन्‍दी येह, राहङ फे़बेया़गीॱआङ दि ल़ेहमुराङ तुहक्‍पु पेहती ला़ मेहखाएँया़ला रो़ह पेह कोहएँ। चो़वो छ्येवा येशूगी सुङ नाङग्‍योकी दि स्‍याहल टेहम्‍बा साल्‍दी तेहतोङ, ‘लेहन्‍गे म़ेदी तेर्के सोनाम-साक्‍पु’!” म़ेदी पावलगी एफिससकी छो़बाया़गी गोबाया़ला मासीन।

१ कोरिन्‍थी 4:12

ओहले साहज्‍ये थुङज्‍येगी तेहन्‍दाला ङ्यिह राहङदीराङ लाहक्‍पागी कादुप च्‍येती ल़ेह पेहको येह। लेहमेन मिहया़गी मे़मु क्‍याहप्‍केमु ङ्यिहगी खुङला मेलाम क्‍याहप्‍को येह। ओहले मिहया़गी तुहक्‍पु तेर्केमु ङ्यिह ना़दी तेहको येह।

१ थेसलोनिकी 2:9

ए आदा-नो़ह दाङ आज्‍यी-नुहमुया़, ङ्यिहगी तुहक्‍पु दाङ कादुप च्‍येक्‍यो राहङ फ़ेबे-म़ेहमेया़ला टेहम्‍बा येहॱराङ येह। ख्‍या फ़ेबे-म़ेहमेॱया सुज्‍यीलाॱआङ तुहक्‍पु माहयोहङज्‍यु म़ेदी ङ्यिहगी ङ्यिहन-नुहप ल़ेह पेहती किन्‍ज्‍योगी लेहङगु या़हबु ख्‍या फ़ेबे-म़ेहमेया़ला स्‍य़ेसीन।

तीतस 3:15

देला ङाह ङ्याम्‍बु येहकें थाम्‍ज्‍यीगीराङ ख्‍येला टास्‍यी-देले ताङदे येह। यिह-छ्य़ेला ङ्यिहला निङज्‍यी पेहकें आदा-नो़हया़ला टास्‍यी-देले म़ेदी म़े तेर। ख्‍या थाम्‍ज्‍यी ङ्याम्‍बु किन्‍ज्‍योकी काटीन ज्‍यू़-नाङज्‍यु!