ल़ेह-पेन 20:21 - ह्योल्मो21 ङाहगी यहूदी दाङ ग्रीक क्यिहपागी मिह ङ्यिकालाराङ, ‘सेमगी स्या़बा पेहती तिहक्पागी ल़ेहया़ पाङदी राहङगी सेम किन्ज्यो ङो़ले ग्युर्तोङ, ओहले ओहराङगी चो़वो छ्येवा येशू मास्यीकाला तेहपा पेहतोङ’ म़ेदी प्रा साल्सीन। အခန်းကိုကြည့်ပါ။ |
ल़ेह-पेन 20:21
51 ပူးပေါင်းရင်းမြစ်များ
ओहले ङाह तोहङले दमस्कस, यरूशलेम, यहूदीया साने़की युहल युहल दाङ लेहमेन क्यिहपागी साने़या़ला काहल्दी मिहया़ला, ‘सेमगी स्या़बा पेहती तिहक्पा पाङदी राहङगी सेम किन्ज्यो ङो़ले ग्युर्तोङ’ म़ेदी स्येसीन। ओहले ‘किन्ज्यो ङो़ले सेम ग्युरक्यो यिहम्बा म़ेदी दास्यी राहङगी पेहक्योगी ल़ेह ङो़ले तेन कोहकें’ म़ेदी लोप्सीन।
ओ़ह तिङले खुङया़गी पावलगी ताम ङ्यिहन्ज्येला छ्येतेन ज़्या़सीन। ओहले छ्येतेन ज़्या़क्योगी ङ्यिहमाला माहङबुराङ यहूदीया़ जोम्दी पावल तेहक्यो खाङबाला ओहङसीन। ओ़ह ङ्यिहमु पावलगी ङाटु यिहन्ज्यु से-रुप थु किन्ज्योगी क्याहल्सीगी तेहन्दाला लोप्च्युङ तेर्सीन। सुङरापला मोशा दाङ लुहङतेम्बाया़गी प्रुहक्योगी ताम म़ेदी पावलगी येशूगी तेहन्दाला प्रा साल्गेनॱराङ खुङया़ला यिह-छ्य़े च्य़ूज्ये छोल्सीन।
यिहॱनाङ, दि केच्या ङ्यिहगी ङोह स्ये़सीन– येशू मास्यीकाला तेहपा पेहना मिहम्बा, छ्य़े-ठिम ची़देनी मिह किन्ज्योगी दिनला टाहङबु सी़ह मी़हखुएँ। ओ़ह सोङबे ओहराङ छ्य़े-ठिम लाहमले मिहम्बा यिहॱनाङ मास्यीका थो़ला पेहक्योकी यिह-छ्य़े लाहमले टाहङबु सी़ह ख़ूज्यु म़ेदीराङ ओहराङगीॱआङ ओहराङगी तेहपा मास्यीका येशू थो़ला ज़्या़क्यो यिहम्बा, च्यिबेमाना छ्य़े-ठिम लाहमले सुज्यीॱआङ टाहङबु सी़ह मी़हखुएँ।
ङाहगी निङबा मिहली मास्यीका ङ्याम्बुराङ क्याहङस्यीङला च्याङदी स्यिक्यो येह, ता़ह यिहन्ज्यु ङाह मिहम्बा ङाह नाहङला मास्यीका ज़्य़ू नाङदी येहबा। ताहन्दा ङाह ज़ुबुला थार्ती तेहक्योदी ङाहला माहङबुराङ चेवा जेती ङाहगी तेहन्दाला मिहजी नाङगे किन्ज्योगी स़ेबु थो़ला तेहपा पेहती थार्केराङ येहबा।
ကြော်ငြာတွေ