ल़ेह-पेन 20:16 - ह्योल्‍मो

¹⁶ एशिया क्‍याहल-खाप छ्यिम्‍बुला ख्‍योल्‍गे म़ेदी पावल एफिसस क्‍याहसाला मेहन्‍डोएँ म़ेदी थाक ताङसीन। च्‍यिबेमाना खोला यरूशलेमला लेप्‍च्‍येला छारा काहल्‍दी येहकें। खो पेन्तिकोस माएँगी छ्येपाला ला़ खाजेबा ग्‍यो़बाराङ लेप्‍च्‍ये सेम पेहती येहकें।

ल़ेह-पेन 20:16 ပူးပေါင်းရင်းမြစ်များ

ल़ेह-पेन 12:13

ओहले पत्रुसगी क़े क्‍याहप्‍ती कोह तुहङगेमु रोदा मिहन थो़क्‍यो यो़मु च्‍यी़गी कोह खा फे़ ओहङसीन।

ल़ेह-पेन 16:6

किन्‍ज्‍योगी थुगी पावल, सिलास दाङ तिमोथीला एशिया क्‍याहल-खाप छ्यिम्‍बुला सुङ ख्‍येप्‍टा तेर्च्‍येला डो च्‍यु माहनाङ। ओ़ह सोङबे खुङ फ़ेबेॱया फ्रिगिया दाङ गलातीया साने़लेगी पेहती काहल्‍सीन।

ल़ेह-पेन 18:19

खुङया़ एफिसस क्‍याहसाला लेप्‍सीन, ओहले पावलगी खुङया़ला ओ़हला क्‍युर ज़्‍या़सीन। पावलदी एफिससगी छो़खाङला स्‍य़ूहदी यहूदीया़ ङ्याम्‍बु स्‍येपा तुहर्च्‍ये छ़ूसीन।

ल़ेह-पेन 18:21

पावलगी खुङ ङ्याम्‍बु दि ल़ेहमु म़ेदी कोहङबा स्‍युहसीन “किन्‍ज्‍योगी थुला ठुङदी येहसीमाना ङाह ख्‍या फे़बेया़साला लो़ह ओहङगे” म़ेदी पावल छ्यु-टुहला जा़दे एफिसस क्‍याहसाले काहल्‍सीन।

ल़ेह-पेन 19:1

अपोल्‍लोस कोरिन्‍थी क्‍याहसाला येहकेंमु पावल ग्‍या़ माहङबुराङ कोरा क्‍याहप्‍ती एफिसस क्‍याहसाला लेप्‍सीन। एफिसस क्‍याहसाला लेप्‍सीम्‍बाराङ पावलगी चो़वो येशूला यिह-छ्य़े पेहकेन्‍गी लाहला स्‍याहप्‍च्‍यीया़ला थ़ूसीन।

ल़ेह-पेन 19:21

ओहले पावलगी, “माकेडोनिया दाङ अखैया लुहङबाले पेहती यरूशलेमला डोएँ” म़ेदी थाक ताङसीन। ओहले, “यरूशलेमला काहल फान्‍ज्‍योनी ङाह रोम क्‍याहसाॱलाङ डोॱराङ कोहकें” म़ेदी मासीन।

ल़ेह-पेन 2:1

यहूदीया़की पेन्तिकोस माएँगी छ्येपा लेप्‍केमु चो़वो छ्येवा येशूला यिह छ्य़ेगे मिह थाम्‍ज्‍यीराङ ग्‍या़ च्‍यी़ला छो़दी तेहती येहकें।

ल़ेह-पेन 20:13

त्रोआस क्‍याहसालेगी ङ्यिह छ्यु-टुहला जा़दी अस्‍सोस क्‍याहसाला काहल्‍सीन। ओहले पावलगी, “ङाह अस्‍सोस थु काङबागी डोएँ, ओहले ओ़हला लेप्‍ती ख्‍या फ़ेबेॱया डोएँगी छ्यु-टुहलाॱराङ ङाहॱआङ जा़गे” म़ेदी अस्‍सोस थु काङबागी काहल्‍सीन।

ल़ेह-पेन 20:18

ओहले खुङ ओहङदीले पावलगी मासीन, “आदा-नो़हया़, एशिया क्‍याहल-खाप छ्यिम्‍बुला ओहङ यिहन्‍ज्‍यु ङाहगी काहन्‍डुमु डोलु-तेहलु पेहपा ओ़हदी ख्‍या फे़बेया़ला क्‍यी़हराङ येह।

ल़ेह-पेन 20:22

ओहले ताहन्‍दा किन्‍ज्‍योगी थुगी सुङ नाङग्‍योदी ङ्यिहन्‍दी ङाह यरूशलेमला डोउ येहबा। ओ़हला ङाहला च्‍यि च्‍यि ओहङगे ओ़हदीनी ङाहॱलाङ क्‍यी़ह म़ेह।

ल़ेह-पेन 20:4

ओहले लो़हदी डोएँमु बेरियागी पुरसकी पुह सोपात्रोस, थेसलोनिकेगी अरिस्‍तार्खस दाङ सिकन्‍दस, डर्बीगी गायस दाङ तिमोथी, ओहले एशिया क्‍याहल-खाप छ्यिम्‍बुकी तुखिकस दाङ त्रोफिमस पावल ङ्याम्‍बुराङ काहल्‍सीन।

ल़ेह-पेन 20:6

ओहले ङ्यिहदी थार्पा छ्येपा सिहन फान्‍ज्‍यो फिलिप्‍पी क्‍याहसाले छ्यु-टुहला जा़सीन। ओहले ङ्यिहमा ङा तिङले त्रोआस क्‍याहसाला लेप्‍ती रो़हया़ला थ़ूसीन। ओहले ङ्यिह ओ़हला स्‍याहक्‍पु तिहन थु तेहसीन।

ल़ेह-पेन 21:4

ओहले ओ़हला तेहकेन्‍गी चो़वो येशूगी स्‍याहप्‍च्‍यीया़ला ङ्यिह थु काहल्‍सीन ओहले ङ्यिह खुङ ङ्याम्‍बु साता च्‍यी़ तेहसीन। ओहले नाम्‍पार-ताहक्‍पा थु लाहमले रिहक्‍स्‍यी ज्‍योर्ती खुङगी पावलला यरूशलेमला माहन्‍डो म़ेदी उर्चु पेहसीन।

ल़ेह-पेन 24:17

लोह माहङबुराङ काहल फान्‍ज्‍यो ङाह राहङगी यहूदी आदा-नो़हया़ला रो़हराम पेहच्‍ये दाङ डेल्‍बा फुल्‍ज्‍येला यरूशलेमला ओहङग्‍यो येहकें।

१ कोरिन्‍थी 16:8

यिहॱनाङ पेन्तिकोस छ्येपा थु ङाह एफिससलाॱराङ तेहकें।