ल़ेह-पेन 2:42 - ह्योल्मो42 ओहले खुङ ल़ेह-पेनया़ ङ्याम्बु लोप्कें, छोक्पा पेहकें, चो़वोगी डेन साहउ येहकें, ओहले सेम च्यी़ डी़दी नाहम माॱनाङ किन्ज्योला सोल्वाङ ताप्ती तेहको येहकें। အခန်းကိုကြည့်ပါ။ |
ल़ेह-पेन 2:42
35 ပူးပေါင်းရင်းမြစ်များ
ओहले खुङ ङ्यी़गी ओ़ह ग्या़ला येहकेन्गी चो़वो छ्येवागी स्याहप्च्यीया़ला यिह-छ्य़ेला सान्दी ज़ोएँॱराङ किन्ज्योला यिह छ्य़ेदी तेहच्येला स्युक क्ये च्य़ूसीन। सेमले खाल्दी थिक-चि पेहती तेहच्येला आ़र क्ये च्य़ूसीन। किन्ज्योगी क्याहल्सीला लेप्कें म़ेदी तोहङले ओहराङगी माहङबुराङ तुहक्पु खुर कोहज्ये येह म़ेदी लोप्ताम क्याहप्सीन।
सातागी तोहङस्यो कार्मा ज़ा-ङ्यिहमा कुहङॱसेला चो़वो येशूला यिह-छ्य़े पेहकेन्गी स्याहप्च्यीया़ ङ्याम्बु चो़वो येशूगी सोह सुङदी का नाङग्योकी डेन साहज्येला ङ्यिह छो़सीन। ओहले पावलगी खुङया़गी दिनला ताम माज्ये छ़ूसीन। ओहले नाहङबार च्युङ डो कोहच्ये येहकें सोङबे नुहप फे़ थु खुङया़ ताम म़ेदी तेहसीन।
ओ़ह सोङबे आदा-नो़ह दाङ आज्यी-नुहमुया़, ङाह ख्यासाला ओहङगेमु ख्याया़ सुज्यीगीॱआङ ङोह मे़हस्येएँगी ताम साम्बाया़ मासीमाना ख्याला च्यि फेन थो़ज्ये ले? यिहॱनाङ ङाह ख्यागी पाहर्कीला ओहङगेमु किन्ज्योगी तेन नाङग्योकी तामया़, येहन्देनगी सुङ, लुहङदेन दाङ लुहङ ख्योङदी ओङसीमाना ओ़ह ख्याया़ला तेहम्बाराङ फेन थो़ज्ये येह।
किन्ज्योगी रो़हराम जे नाङज्यु म़ेदी ख्याया़गी नाहम्माॱनाङ सोल्वाङ ताप्तोङ। ती़हजी थाम्ज्यीला नाम्पार-ताहक्पा थुगी ओङ लाहमले सोल्वाङ ताप्तोङ। दि केच्या सेमला ज़्या़दी नाहम्माॱनाङ जेम्बु पेहती सोल्वाङ ताप्तेॱराङ तेहतोङ ओहले मास्यीकाकी थाम्ज्यीराङ नाम्पार-ताहक्पा मिहया़की तेहन्दालाॱआङ सोल्वाङ ताप्तोङ।
ကြော်ငြာတွေ