ल़ेह-पेन 2:41 - ह्योल्‍मो

⁴¹ ओहले मिह माहङबुगीराङ पत्रुसकी तामला यिह छ्य़ेदी बप्‍तिस्‍मा लेहन्‍सीन। ओ़ह ङ्यिहमु तोङरा सुमजे मिहया़ खुङया़गी टाहङजीला खेन पा़हसीन।

ल़ेह-पेन 2:41 ပူးပေါင်းရင်းမြစ်များ

यूहन्‍ना 14:12

तेहम्‍बाराङ ङाह ख्‍याया़ला माएँ, सुगी ङाहला यिह छ्य़ेगे, खोगी ङाहगी पेहक्‍यो ल़ेहमु ल़ेहया़ पेहच्‍ये येह, ओहले ओ़ह म़ेदीॱआङ छ्यिम्‍बु ल़ेहया़ पेहच्‍ये येह, च्‍यिबेमाना ङाह याहप्‍च्‍येन आबासाला डोॱराङ येह।

यूहन्‍ना 21:11

ओहले सिमोन-पत्रुस छ्यु-टुह जा़दी छ्यिम्‍बु-छ्यिम्‍बु ङ्याहगी काहङग्‍यो ङ्याहटाला टिहती साला ख्‍योङसीन। ओ़ह ङ्याहटाला छ्यिम्‍बु-छ्यिम्‍बु ङ्याह खाल तिहन दाङ च्‍यू़सुम छ्यिक्‍यो दुबा। ओहजे माहङा ङ्याह छ्यितीॱआङ ङ्याहटा माहराहल।

ल़ेह-पेन 1:15

ओहले ओ़ह ती़हजीला चो़वो छ्येवा येशूला यिह-छ्य़े पेहकेन मिहया़ खाल टू़हचे जोम्‍दी येहकें। ओहजेला पत्रुसगी खुङगी पाहरक्‍यीला लाहङदी मासीन,

ल़ेह-पेन 13:48

दि ताम थे़दी लेहमेन क्‍यिहपागी मिहया़ क़ेहनाङ पेहती किन्‍ज्‍योगी नाङग्‍योकी या़हबु लेहङगुला ची़नाङ पेहसीन। ओहले नाहमॱआङ स्‍यिज्‍ये म़ेहबागी मिहली ज़ाङबु थोप्‍च्‍येला दाम्‍ग्‍योया़गी चो़वो छ्येवा येशूला यिह-छ्य़े पेहसीन।

ल़ेह-पेन 2:37

पत्रुसकी ताम थे़दी मिहया़गी सेम नाहसीन। ओहले पत्रुस दाङ लो़हलो ल़ेह-पेनया़ला खुङया़गी, “ए आदा-नो़हया़, ओ़हठी यिहन्‍सीमानानी ङ्यिह च्‍यि पेहतोङ ले?” म़ेदी टी़हसीन।

ल़ेह-पेन 2:47

ओहले किन्‍ज्‍योला त़ेरा तेच्‍या फुल्‍गो येहकें। लेहमेन मिहया़गीॱआङ खुङया़ला या़हबु ऩेगो येहकें। ओहले थार्पा थोप्‍क्‍योया़ला चो़वोगी ङ्यिहमा-टाहङमाराङ टाहङजीला खेन पा़ह नाङगो येहकें।

ल़ेह-पेन 27:37

ओ़ह छ्यु-टुहला ङ्यिह मेहन्‍दा ङ्यी़क्‍या दाङ तिहन-टू़ह येहकें।

ल़ेह-पेन 3:23

ओहले ओ़ह लुहङतेम्‍बागी स्‍याहल मिहङ्यीहन्‍गे मिहया़दी किन्‍ज्‍योगी राहङ मिहया़लेगी खा फे़ नाङज्‍ये येह ओहले खुङया़ तोङदी डोज्‍ये येह’।”

ल़ेह-पेन 4:4

यिहॱनाङ लोप्‍च्‍युङ ङ्यिहन्‍गेया़ नाहङला मिह माहङबुगीराङ येशूला यिह छ्य़ेसीन, ओहले यिह-छ्य़े पेहकेन क्‍येप-ख्‍योवाया़गी टाहङजी तोङरा ङाजे काहल्‍सीन।

ल़ेह-पेन 7:14

ओहले योसेफगी राहङगी आबा याकूबला, ‘खाङबा म़ेहमे थाम्‍ज्‍यीराङ ख्‍योङदी मिश्र क्‍याहल-खापला फेप नाङदोङ’ म़ेदी लेहङगु ताङसीन। ओ़ह सोङबे याकूब राहङगी खाङबा म़ेहमे तिहन-ङा ख्‍योङदी मिश्र क्‍याहल-खापला ओहङसीन।

रोमी 13:1

मिह थाम्‍ज्‍यी क्‍याहल-ठिम ताङगेन्‍गी ओङ चो़ला तेहच्‍यु। किन्‍ज्‍यो लाहमले ओहङग्‍यो ओङ मिहम्‍बा लेहमेन का़हन्‍दीॱआङ ओङ मेहयोहङगे। ओहले थाम्‍ज्‍यी ओङ छ्य़ेगे मिहया़ला किन्‍ज्‍योगीॱराङ कुल नाङग्‍यो यिहम्‍बा।

१ थेसलोनिकी 1:6

ख्‍या फ़ेबे-म़ेहमेया़गी ङ्यिह दाङ चो़वोला पे तासीन, च्‍यिबेमाना नाम्‍पार-ताहक्‍पा थुगी नाङग्‍योकी सुङ ख्‍या फ़ेबे-म़ेहमेया़गी ज्‍यिबुराङ तुहक्‍पुगी ती़हजीॱलाङ सेम काहसो पेहती ल़ेहन नाङसीन।

१ पत्रुस 3:20

ओ़ह नाम्‍स्‍यीया़दी, ताहङबो नोआगी छ्यु-टुह ज़ो नाङगे ती़हजीला तिहक्‍पालेगी लो़हगे यिहम्‍बानी म़ेदी किन्‍ज्‍योगी लाहम ज़ी़ नाङग्‍योकी नाम्‍स्‍यीया़ यिहन्‍गे। यिहॱनाङ खुङया़गी किन्‍ज्‍योला माहङ्यीहन। छ्यु-टुह नाहङला येहकें ङ्युहङसे़ मिहया़, मेहन्‍दा क्‍ये़ह च्‍यी़राङ छ्यु लाहमले थार्सीन।

ज्‍याल्‍गा 16:3

दि तिङले ङ्यिपा स्‍यिहङगामकी स्‍याहप्‍च्‍यीगी राहङगी फार्को छो-क्‍याहम्‍जोला पुङ नाङसीन ओहले छो-क्‍याहम्‍जोकी छ्यु स्‍यिक्‍यो मिहगी ठा़ ल़ेहमुराङ काहल्‍सीन ओहले छो-क्‍याहम्‍जोला येहकेन्‍गी सोम्‍बो सेम्‍ज्‍येनया़ थाम्‍ज्‍यीराङ स्‍यिसीन।