ल़ेह-पेन 2:39 - ह्योल्मो39 दि ताहम्ज्यादी ख्या फ़ेबेॱया दाङ ख्या फे़बेया़गी पुह पोहमोया़गी तेहन्दाला ओहले था़-रिहङबु रिहङबु येहकेन थाम्ज्यीगी तेहन्दाला यिहम्बा, का़हन्दी का़हन्दीला चो़वो ओहराङ किन्ज्योगी क़े क्याहप नाङगे।” အခန်းကိုကြည့်ပါ။ |
ल़ेह-पेन 2:39
41 ပူးပေါင်းရင်းမြစ်များ
एन्टिओखिया क्याहसाला लो़ह ओहङ फान्ज्यो पावल दाङ बारनाबासगी छेन्छोककी मिह थाम्ज्यीला क़े क्याहप्सीन। ओहले किन्ज्योगी खुङ लाहमले काहन्डुमु काहन्डुमु छ्या़लेया़ जे नाङबा ओ़ह तामया़ थाम्ज्यीराङ स्येसीन। ओहले किन्ज्योगी लेहमेन क्यिहपागी मिहया़लाॱआङ किन्ज्योला तेहपा पेहकें लाहम तेन नाङसीन माएँ तामया़ स्येसीन।
ओहले छेन्छोककी आदा-नो़हया़गी खुङया़ला ओ़ह ग्या़ले ताङ चाहङसीन। ओहले खुङया़ फोनिके दाङ सामरिया युहलले पेहती काहल्सीन, ओहजेला खुङया़गी ग्या़ ग्या़ला किन्ज्योला यिह-छ्य़े पेहक्यो आदा-नो़हया़ला लेहमेन क्यिहपागी मिहया़गीॱआङ किन्ज्योला सेमले खाल्दे येह माएँ ताम स्येसीन दि थे़दी खुङया़ ज्यिबुराङ क़ेहनाङ पेहसीन।
खुङ इस्राएलीया़ यिहम्बा ओहले किन्ज्योगी खुङया़ला राहङदीराङ पुह-पोहमो ज़ो नाङसीन। किन्ज्योगी राहङगी ज़िज्यिद खुङया़ला तेन नाङसीन। खुङया़ ङ्याम्बुराङ किन्ज्योगी राहङगी ताहम्ज्या ज़्या़ नाङसीन ओहले खुङला छ्य़े-ठिम नाङसीन, किन्ज्योला स्याहप्तो स्य़ूहज्येला लोप नाङसीन, मिहरोगी ताहम्ज्याया़ खुङया़गी ज्योर्सीन।
ओ़ह ती़हजीला ख्याया़ मास्यीका यिहन्ज्यु खा फ़ेदी तेहती येहकें। ख्याया़ किन्ज्योगी दाम नाङग्योकी क्यिहपा इस्राएलीया़ ङ्याम्बु डोलु तेहलुॱराङ म़ेहबा येहकें ओहले मिहरोगी ताहम्ज्या ज़्या़ नाङदी थि नाङग्यो ताहम्ज्याला ख्याया़ छ्यि-क्याहपा मिहया़ येहकें। ख्याया़ दि जाम्बुलीङला रेहवाराङ म़ेहबाकी मिहया़ ल़ेहमु येहकें ओहले ख्यागी किन्ज्योला ङोहॱराङ स्य़ेदी म़ेहबा येहकें।
ओ़ह सोङबे किन्ज्योगी का़हन्दी मिहलीगी तेहन्दाला ख्या फ़ेबे-म़ेहमेया़ला क़े क्याहप नाङग्यो यिहम्बा, ओ़ह मिहलीला ते़बे राहङगी मिहजी ताङज्येला सी़हएँगी मिहया़ ज़ो नाङज्यु ओहले राहङ फ़ेबे-म़ेहमेया़गी सेमला या़हबु ऩेक्योगी थाम्ज्यीराङ से़हया़ दाङ तेहपागी छ्या़लेया़ किन्ज्योकी ओङगी जेतीॱराङ तेहन्दा डुप च्य़ू नाङज्यु।
किन्ज्योगी ताहम्ज्या ज़्या़ नाङग्यो नाहम्स्यी किन्दु लिहकेन्गी मेलामया़ मास्यीका लाहमले क़े क्याहप नाङग्यो मिहया़गी ज्योर ख़ूज्यु म़ेदी दि साम्बा ताहम्ज्या ङ्याम्बु लाहम्बा जे नाङगेन्दी मास्यीकाॱराङ यिहम्बा। तोहङस्यो ताहम्ज्याकी ती़हजीला मिहया़गी पेहक्यो तिहक्पालेगी खुङया़ला खा फे़ नाङज्येला मास्यीका टोहङ नाङसीन।
थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह।
ကြော်ငြာတွေ