ल़ेह-पेन 19:23 - ह्योल्मो23 ओहजे काहङला पावलगी थार-लाहमगी तेहन्दाला स्येक्यो सोङगोराङ एफिसस क्याहसाला लोहङटी काहल्सीन। အခန်းကိုကြည့်ပါ။ |
ल़ेह-पेन 19:23
10 ပူးပေါင်းရင်းမြစ်များ
यिहॱनाङ, रेहरेगी सेम सान्दी पेहती चो़वो येशूगी सुङदेन माहङ्यीहन, पावलगी लोप्च्युङ तेर्केमु तोहरोङ मिह थाम्ज्यीगी दिनला थार-लाहमगी तेहन्दाला स्ये़हन्डील पेहसीन। ओ़ह सोङगोराङ पावल खुङया़गी छो़बा खाङबाला डोज्ये क्युर्सीन ओहले चो़वो येशूला यिह-छ्य़े पेहकेन्गी स्याहप्च्यीया़ला राहङ ङ्याम्बुराङ ख्येर्ती काहल्सीन। ओ़ह तिङले पावलगी टुरान्नस लोप्टाला ङ्यिहमा-टाहङमाराङ मिहया़ ङ्याम्बु थू़दी थार्पागी तेहन्दाला स्येपा तुहर्सीन।
यिहॱनाङ दि तामदी ङाह माएँ, थार्पा थोप्केन्गी लाहमला खुङया़गी दि तेहन्दाम मिहम्बा म़ेदी माएँ, ओ़ह लाहमलाराङ तिङ ङ्यादी ङाह राहङगी आख्ये मे़हमेया़गी किन्ज्योला क्याप्केन ओहले छ्य़ेसेम पेहकें। यिहॱनाङ लुहङतेम्बाया़गी प्रुह नाङग्योकी छ्य़े दाङ मोशागी नाङग्यो थाम्ज्यीराङ छ्य़े-ठिमला ङाह यिह-छ्य़े पेहकें।
ओहले “दमस्कस छो़खाङगी पोम्बोया़ला ङाहगी ङोहस्यी तेर्ते यिहगी प्री़हदी नाङदोङ,” म़ेदी स्युहसीन। “दमस्कसला काहल्दी ओ़ह थार्पा ज्योर्केन माएँ लाहमला स्युहक्योगी क्येप-ख्योवा दाङ पी़हमी-पेहजा थाम्ज्यीलाराङ छोल्दे छोल्दे ज़ुङदी यरूशलेमला ख्योङ ङ्युहङज्यु,” म़ेदी खोगी गो-छ्येवा पूजाहारी ङ्याम्बु ओङ लाङसीन।
ङाह कोर्याङला डोएँमु लेहमा माहङबुराङ चाङबुगी ज्यिक्पा, च्याहक्पाया़गी ज्यिक्पा, राहङदीराङ क्यिहपागी मिहया़गी ज्यिक्पा, लेहमेन क्यिहपागी मिहया़गी ज्यिक्पा, क्याहसाकी ज्यिक्पा, रिह काम्बुगी ज्यिक्पा, छो-क्याहम्जोकी ज्यिक्पा, चिहन क्याहप्के नो़हया़ लाहमले ओहङगेन्गी ज्यिक्पाला छ्यिसीन।
ကြော်ငြာတွေ