Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ल़ेह-पेन 17:2 - ह्योल्‍मो

2 ओहले पावल राहङगी ठिम ची़दे खुङ ङ्याम्‍बु ओ़ह यहूदीया़की छो़खाङला काहल्‍सीन, ओहले साता सुम थु सुङरापगी तामया़ लाहमले स्‍येपा तुहर्सीन।

အခန်းကိုကြည့်ပါ။ ကော်ပီ




ल़ेह-पेन 17:2
18 ပူးပေါင်းရင်းမြစ်များ  

सुङरापला प्रुहक्‍यो ल़ेहमुराङ मिहगी स़ेबुनी डोॱराङ कोहएँ। यिहॱनाङ काहजे छा़ तुहवा ओ़ह मिहला, का़हन्‍दीगी मिहगी स़ेबुला ज़ुङ च्‍य़ूगे। खोनी तोहरोङ क्‍येॱराङ मा़हक्‍येबा येहना या़हबु ओहङज्‍ये येहकें!”


ओहले येशू राहङ छारक्‍यो युहल नासरतला फेप नाङसीन। ओहले तोहङमा ल़ेहमुराङ जेती थाङ सोएँ ङ्यिहमाला छो़खाङला फेप नाङसीन। ओहले येशू छ्य़े टा़हज्‍येला ज़्‍याङ नाङसीन।


ओहले येशूगी खोला ल़ेहन क्‍याहप नाङसीन, “ङाहगी लुहङबा थाम्‍ज्‍यीगी दिनला मा सिहन्‍दी येह। थाम्‍ज्‍यी यहूदीया़ जोम्‍गेन्‍गी ग्‍या़ छो़खाङ दाङ छ्योखाङया़ला ङाहगी नाहम पेहॱनाङ सुङदेन तेर्ती येह। ङाहगी यिहप्‍ती-यिहप्‍ती सुङदेन तेर्ती म़ेह।


ओहलेगी पावल दाङ बारनाबासती पर्गालेगी पिसिदिया साने़की एन्‍टिओखिया क्‍याहसाला काहल्‍सीन। ओहले थाङ सोएँ ङ्यिहमाला यहूदीया़की छो़खाङला काहल्‍दी तेहसीन।


ओहले सलामीस माएँ क्‍याहसाला लेप्‍ती यहूदीया़की छेन्‍छोकला काहल्‍दी किन्‍ज्‍योगी या़हबु लेहङगु स्‍येसीन। खुङ ङ्यी़ला रो़ह पेहच्‍येला मर्कूस माएँगी यूहन्‍नाॱआङ खुङ ङ्याम्‍बुराङ येहकें।


आइकोनियन साने़ला पावल दाङ बारनाबास यहूदीया़की छो़खाङला काहल्‍दी ज्‍यिबुराङ या़हबु पेहती लोप्‍च्‍युङ तेर्सीन, ओ़हजेलाराङ यहूदीया़ दाङ ग्रीक मिहया़गी चो़वो छ्येवा येशूला सेमले खाल्‍सीन।


ओहले नाहम से़-लुहङ मे़हबाराङ चो़वो येशूला यिह-छ्य़े पेहकेन्‍गी आदा-नो़हया़गी पावल दाङ सिलासला बेरिया क्‍याहसाला ताङ चाहङसीन। ओहले खुङ ङ्यी़ बेरिया क्‍याहसाला लेप फान्‍ज्‍यो यहूदीया़की छो़खाङला काहल्‍सीन।


ओ़ह सोङबे खो यहूदीया़की छो़खाङला काहल्‍दी यहूदीया़ दाङ किन्‍ज्‍योगी ज्‍यिक्‍पा पेहकेन्‍गी ग्रीक क्‍यिहपागी मिहया़ ङ्याम्‍बु येशूगी तेहन्‍दाला ताम मामा चेउ येहकें। ओ़ह ल़ेहमुराङ पेहती ङ्यिहमा-टाहङमाराङ क्‍याहसाकी छोङ-ठोमया़ला येहकेन्‍गी मिहया़ ङ्याम्‍बुॱआङ येशूकी तेहन्‍दाला स्‍येपा तुहर्को येहकें।


ओहले पावल थाङ सोएँ ङ्यिहमा-टाहङमाराङ यहूदीया़की छो़खाङला काहल्‍दी यहूदी दाङ ग्रीक क्‍यिहपागी मिहया़ ङ्याम्‍बु चो़वो येशूगी तेहन्‍दाला ताम मामा चेउ येहकें ओहले खुङया़ला प्रा साल तेर्च्‍ये छोल्‍गो येहकें।


ओहले पावल दावा सुम थु यहूदीया़की छो़खाङला काहल्‍दी मा़हन्‍ज्‍यीबा पेहती मिहया़ला लोप्‍च्‍युङ तेर्सीन। ओहले खोगी किन्‍ज्‍योगी क्‍याहल्‍सीगी तेहन्‍दाला प्रा साल्‍दी खुङया़ला यिह-छ्य़े पेह च्‍य़ूज्‍येला ला़ खाजे स्‍युक पेहसीन।


यिहॱनाङ पावलगी, “किन्‍ज्‍योगी छ्य़ेगी काया़ ङ्यिहन्‍दी ल़ेह पेह कोहकें, ओहले राहङगी सेमला थिक-चि ज़्‍या़ कोहकें ओहले किन्‍ज्‍योगी ठिम ताङगे ती़हजी ओहङगेॱराङ येहबा” माएँ ताम स्‍येकेमु फेलिक्‍सगी का क्‍याहल्‍दी मासीन, “टी़हसीन, तिहरीङला देजेराङ येहच्‍यु, ता़ह ख्‍ये डो ख़ूएँ। लोहङ ओहङगे ती़हजीला ख्‍येला येहपाराङ क़े क्‍याहप्‍के।”


ओ़ह तिङले खुङया़गी पावलगी ताम ङ्यिहन्‍ज्‍येला छ्येतेन ज़्‍या़सीन। ओहले छ्येतेन ज़्‍या़क्‍योगी ङ्यिहमाला माहङबुराङ यहूदीया़ जोम्‍दी पावल तेहक्‍यो खाङबाला ओहङसीन। ओ़ह ङ्यिहमु पावलगी ङाटु यिहन्‍ज्‍यु से-रुप थु किन्‍ज्‍योगी क्‍याहल्‍सीगी तेहन्‍दाला लोप्‍च्‍युङ तेर्सीन। सुङरापला मोशा दाङ लुहङतेम्‍बाया़गी प्रुहक्‍योगी ताम म़ेदी पावलगी येशूगी तेहन्‍दाला प्रा साल्‍गेनॱराङ खुङया़ला यिह-छ्य़े च्‍य़ूज्‍ये छोल्‍सीन।


ओहले फिलिपगी ओ़ह सुङराप लाहमलेॱराङ खोला येशूगी तेहन्‍दाला या़हबु लेहङगुगी ताम स्‍येसीन।


ओहले खो लाहम्‍साङराङ यहूदीया़की छो़खाङया़ला स्‍य़ूहदी, “चो़वो छ्येवा येशूॱराङ किन्‍ज्‍योगी स़ेबु यिहम्‍बा” म़ेदी स्‍येच्‍ये छ़ूसीन।


च्‍यिबेमाना ङाहगी च्‍यि ज्‍योर्पा ओ़ह ङाहगी थाम्‍ज्‍यी म़ेदी चा़ छ्यिम्‍बु ने़दी ख्‍याया़ला चि क्‍याहप्‍सीन, ओ़ह च्‍यि यिहम्‍बामाना, नाम्‍पार-ताहक्‍पा सुङरापगी सुङग्‍यो ल़ेहमु “मास्‍यीका ओहराङगी तेहन्‍दाला टोहङ नाङसीन।”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ