ल़ेह-पेन 17:19 - ह्योल्‍मो

¹⁹ ओहले खुङगी पावलला अरियोपागस माएँ मिह छो़सा ग्‍या़ला ख्‍येर्ती मासीन, “दि लोप्‍च्‍युङ साम्‍बागी तेहन्‍दाला ङ्यिहला प्रा साल नाङदोङ।

ल़ेह-पेन 17:19 ပူးပေါင်းရင်းမြစ်များ

मत्ती 10:18

ङाहगी तेहन्‍दागी पेहती ख्‍याया़ला पोम्‍बो छ्यिम्‍बु दाङ क्‍याहल्‍बुया़गी दिनला लाहङ च्‍य़ूज्‍ये येह। ओहजेला ख्‍याया़गी खुङया़ला ओहले लेहमेन क्‍यिहपागी मिहया़ला ङाहगी तेहन्‍दाला पाङबु तेर कोहच्‍ये येह।

मर्कूस 1:27

दि थोङदी मिह थाम्‍ज्‍यीराङ ह्‍अ ल़ेहदी मासीन, “मिहम्‍बा, दि च्‍यि यिहम्‍बा? दिनी का साम्‍बा दुबा, दि मिहगी ओङ छ्यिम्‍बु जेती मेहचाङा नाम्‍स्‍यीया़ला का नाङगु दु, ओहले मिहरोगी नाङग्‍योगी का ल्‍हेन्‍डीया़गीॱआङ ङ्यिहन्‍गु दु!” म़ेदी मिहया़गी राहङ नाहङदुङ ताम टी़हज्‍ये छ़ूसीन।

यूहन्‍ना 13:34

ता़ह ङाह ख्‍याया़ला का साम्‍बा च्‍यी़ तेर्कें ख्‍याया़ च्‍यी़गी च्‍यी़ला चेवा पेहतोङ। ङाहगी ख्‍याया़ला काह-ठि पेहती चेवा पेहक्‍यो येहबा ओ़ह ल़ेहमुराङ पेहती ख्‍याया़गीॱआङ च्‍यी़गी च्‍यी़ला चेवा पेहतोङ।

ल़ेह-पेन 17:20

दि तामनी ङ्यिहला ज्‍यिबुराङ साम्‍बाज्‍यी ऩेसीन राहङ फे़बेया़गी सुङ नाङज्‍ये जेक्‍यो स्‍याहलगी तेहन्‍दा च्‍यि यिहम्‍बा, ङ्यिहला ह्‍अ कोह च्‍य़ू नाङदोङ म़ेदी मासीन।”

ल़ेह-पेन 17:22

ओहले पावलगी अरियोपागस माएँ छो़बागी दिनला लाहङदी मासीन, “एथेन्‍स क्‍याहसाकी आदा-नो़हया़, राहङ फ़ेबेॱया ज्‍यिबुराङ ल्‍हाया़ला चा़ पेहकु दु।

ल़ेह-पेन 17:34

यिहॱनाङ लाहला मिहया़ पावल ङ्याम्‍बु च्‍याम्‍सीन, ओहले यिह छ्य़ेसीन। खुङया़ नाहङला अरियोपागस छो़बागी डियनुसियस, दामारिस मिहन थो़क्‍यो पी़हमी च्‍यी़ दाङ लेहमेनया़ॱआङ येहकें।

ल़ेह-पेन 23:19

ओहले माक्‍पेन छ्यिम्‍बुगी ओ़ह स्‍यारागी लाहक्‍पाला ज़ुङदी ह्‍अची ख्‍येर्ती, “म़ेदोङ, च्‍यि मा कोहज्‍ये येहबा?” म़ेदी टी़हसीन।

ल़ेह-पेन 24:24

स्‍याहक्‍पु तोबा तिङले फेलिक्‍सगी राहङगी यहूदी पी़हमी द्रूसिल्‍लाला ख्‍योङदी ओहङसीन। ओहले खोगी पावलला क़े क्‍याहप्‍ती येशू मास्‍यीकाला तेहपा पेहकेन्‍गी तेहन्‍दाला पावल लाहमले ङ्यिहन्‍सीन।

ल़ेह-पेन 25:22

दि ताम थे़दी अग्रिपासगी फेस्‍तसला मासीन, “ओ़ह मिहगी ताम ङाह राहङगीराङ ङ्यिहन ङ्युहङना ओहङज्‍ये येहकें।” ओहले फेस्‍तसगी मासीन, “नाहङबारॱराङ राहङगी सेन थुप्‍च्‍ये येह।”

ल़ेह-पेन 26:1

ओहले अग्रिपासगी पावलला मासीन, “ख्‍ये राहङगी तेहन्‍दाला ताम मा ख़ूएँ।” ओहजेला पावलगी राहङगी लाहक्‍पा क्‍या़दी राहङला थार च्‍य़ूज्‍येला दि ल़ेहमु पेहती ताम माज्‍ये छू़सीन–