ल़ेह-पेन 16:7 - ह्योल्‍मो

⁷ ओहले माइसिया साने़की सा-छेन्‍जामला लेप्‍केमु खुङया़गी बिथिनिया लुहङबाला डोज्‍ये म़ेदी साम्‍लु ताङसीन, ओहजेला येशूकी थुगी खुङया़ला डो च्‍यु माहनाङ।

ल़ेह-पेन 16:7 ပူးပေါင်းရင်းမြစ်များ

लूका 24:49

त़ेदोङ, ङाहगी याहपगी ज़्‍या़ नाङग्‍योकी ताहम्‍ज्‍या ङाह ख्‍यासाला ताङगे, यिहॱनाङ याहरले ओङ माहन्‍ज्‍योर थु ख्‍यादी क्‍याहसाला कू़हदी तेहतोङ।”

ल़ेह-पेन 16:8

ओ़ह सोङगोराङ खुङ माइसिया साने़की लाहमले पेहती थेका सिरे छो-क्‍याहम्‍जोकी सुहरला फाप्‍सीन, ओहले त्रोआस माएँ क्‍याहसाला लेप्‍सीन।

ल़ेह-पेन 8:29

ओहजेला नाम्‍पार-ताहक्‍पा थुगी फिलिपला, “ख्‍ये सोङ ओहले स्‍यिङता-खोर्लो ङ्याम्‍बु-ङ्याम्‍बुराङ सोङ!” म़ेदी सुङसीन।

रोमी 8:9

का़हलेॱआङ तेहम्‍बाराङ किन्‍ज्‍योकी थु ख्‍या नाहङला ज़्‍य़ू नाङसीमाना, ख्‍या तिहक्‍पाकी पेहताङकी ओङ चो़ला मेहयोहङगे यिहॱनाङ ख्‍या नाम्‍पार-ताहक्‍पा थुगी ओङ चो़ला ओहङगे। मास्‍यीकाकी थु मे़हबाया़ मास्‍यीकाती मिहम्‍बा

गलाती 4:6

ओहराङ किन्‍ज्‍योदीॱराङ छार्क्‍यीन यिहम्‍बा म़ेदी तेन्‍ज्‍येला किन्‍ज्‍योगी राहङ स़ेबुकी थु ओहराङगी लोला ताङ नाङसीन। ओहले ओ़ह थुगीॱराङ ओहराङ लो लाहमले “ओ़ अब्‍बा, ओ़ याहप,” म़ेदी क़े क्‍याहप नाङगे यिहम्‍बा।

फिलिप्‍पी 1:19

यिहम्‍बा, ङाह क़ेहनाङ पेहकें। च्‍यिबेमाना ङाहला क्‍यी़ह येह ख्‍याया़गी ताप्‍क्‍यो सोल्‍वाङ दाङ चो़वो येशू मास्‍यीकाकी थुगी नाङग्‍यो रो़हरामकी जेती ङाह दि चोन-खाङलेगी थेन ङ्युहङज्‍ये येह।

१ पत्रुस 1:1

येशू मास्‍यीकाकी ल़ेह-पेन ङाह पत्रुस लाहमले पोन्‍टस, गलातीया, कापाडोकिया, एशिया दाङ बिथिनिया साने़या़ला राहङगी क्‍याहल-खाप यिहन्‍ज्‍यु काहल्‍दी फेतोर कोहतोर काहल्‍ग्‍योया़ला,

१ पत्रुस 1:11

लुहङतेम्‍बाया़गी दि काह-ठि पेहती ओहले नाहम ओहङगे यिहम्‍बा म़ेदी ङोह स्‍ये़ज्‍ये छोल्‍ग्‍यो येहकें। खुङ नाहङला येहकेन्‍की मास्‍यीकाकी थुगी मास्‍यीकाकी तुहक्‍पुया़ दाङ ओ़ह तिङले ओहङगेन ज़िज्‍यिदकी तेहन्‍दाला तोहङलेराङ खुङया़ला तेन नाङग्‍यो येहकें।