ल़ेह-पेन 16:32 - ह्योल्‍मो

³² ओहले खुङ ङ्यी़गी चो़वोगी या़हबु लेहङगु खो दाङ खोगी खाङबा म़ेहमे थाम्‍ज्‍यीलाराङ स्‍येसीन।

ल़ेह-पेन 16:32 ပူးပေါင်းရင်းမြစ်များ

मर्कूस 16:15

ओ़ह तिङले येशूगी खुङया़ला सुङ नाङसीन, “जाम्‍बुलीङ थाम्‍ज्‍यीला काहल्‍दी मिह थाम्‍ज्‍यीलाराङ या़हबु लेहङगु स्‍येतोङ!

ल़ेह-पेन 16:31

“चो़वो येशूला यिह-छ्य़े पेहतोङ, ओहले ख्‍ये दाङ ख्‍येगी म़ेहमे थाम्‍ज्‍यीगीराङ थार्पा ज्‍योर्च्‍ये येह” म़ेदी पावल दाङ सिलासगी मासीन।

ल़ेह-पेन 16:33

ओहले चोन-खाङगी स्‍युहङ-पेनगी पावल दाङ सिलासला ओ़ह कुहङमुराङ ख्‍येर्ती नाहन्‍दीया़ ठी़ तेर्सीन। ओहले खो दाङ खोगी खाङबा मे़हमेगी बप्‍तिस्‍मा लेहन्‍सीन।

रोमी 1:14

च्‍यिबेमाना ग्रीक क्‍यिहपा यिहॱना़ यिहन, ग्रीक म़ेदी लेहमेन क्‍यिहपा यिहॱना़ यिहन, ख्‍येम्‍बा-ताहक्‍पु यिहॱना़ यिहन, उल्‍दुम्‍बा यिहॱना़ यिहन खुङ थाम्‍ज्‍यीला या़हबु लेहङगु स्‍येच्‍येला ङाहला ठाल फो़दी येह।

रोमी 1:16

या़हबु लेहङगु स्‍येच्‍येला ङाह ङोह मेहछाएँ। च्‍यिबेमाना यिह-छ्य़े मिह थाम्‍ज्‍यीगी तेहन्‍दाला, दि थार्पा तेर्केन्‍गी किन्‍ज्‍योकी ओङ यिहम्‍बा, तोहङस्‍यो यहूदी क्‍यिहपाया़की तेहन्‍दाला ओहले लेहमेन क्‍यिहपाया़गी तेहन्‍दालाॱआङ।

एफिसी 3:8

मास्‍यीकाकी नाम्‍पार-ताहक्‍पा मिहया़ नाहङला ङाह थाम्‍ज्‍यी म़ेदी फेनराङ मे़हथोएँ येहॱनाङ मिहकी नावागी ङोहॱराङ स्‍य़े मी़हखुएँ मिहरोकी क्‍युहकी या़हबु लेहङगु लेहमेन क्‍यिहपाकी मिहया़ला स्‍येकेन्‍गी काटीन किन्‍ज्‍योगी ङाहला नाङसीन।

१ थेसलोनिकी 2:8

तेहम्‍बाराङ ङ्यिहगी ख्‍या फ़ेबे-म़ेहमेया़ला निङज्‍यी पेहती येह, राहङ फेबे-मे़हमेया़दी ङ्यिहला ज्‍यिबुराङ निङ च्‍येहएँ, माज्‍येराङ माना किन्‍ज्‍योकी लेहङगु या़हबु च्‍यी़राङ मिहम्‍बा ङ्यिहगी मिहली थाम्‍ज्‍यीराङ ख्‍या फ़ेबे-म़ेहमेया़गी तेहन्‍दाला तेर्च्‍येलाॱआङ ठाबे काहल्‍दी येहकें।