ल़ेह-पेन 16:25 - ह्योल्‍मो

²⁵ नुहप फेचेला फार पावल दाङ सिलास किन्‍ज्‍योला सोल्‍वाङ ताप्‍ती छ्ये़-लु लेहन्‍गेॱराङ त़ेरा फुल तेहती येहकें, ओहले चोन-खाङला येहकेन लेहमेन मिहया़दी ङ्यिहन तेहते येहकें।

ल़ेह-पेन 16:25 ပူးပေါင်းရင်းမြစ်များ

लूका 22:44

येशूगी थु ज्‍यिबुराङ ङ्युङदी येहकें यिहॱनाङ येशूगी तोहरोङॱआङ माहङबु सोल्‍वाङ ताप नाङसीन, ओहजेला येशूगी ङुल्‍ज्‍यु ठा़गी थी़बा ल़ेहमुराङ साला ताहप्‍सीन।]

ल़ेह-पेन 15:22

ओहले ल़ेह-पेनया़, एल्‍डरया़ दाङ यरूशलेमगी छेन्‍छोककी मिहया़गी टे़ह क्‍याहप्‍ती मिह ङ्यी़ दाम्‍दी पावल दाङ बारनाबास ङ्याम्‍बु एन्‍टिओखिया क्‍याहसाला ताङज्‍ये ठाबे ऩेसीन। ओहले आदा-नो़हया़गी पाहरक्‍यीले यहूदा माएँगी बारसाबास दाङ सिलासला दाम्‍सीन। खुङ ङ्यी़दी किन्‍ज्‍योला यिह-छ्य़े पेहकें मिहया़गी एल्‍डर यिहन्‍गे।

ल़ेह-पेन 16:19

ता़ह ओ़ह पोहमो-पेहजाकी ताहक्‍पुया़गी राहङदी टाङगा ओहङगेन्‍गी लाहम छ्य़ेक्‍यो थोङदी खुङगी पावल दाङ सिलासला ज़ुङदे क्‍याहसाकी पोम्‍बोया़ छो़गेन्‍गी ग्‍या़ला टिहते ख्‍येर्सीन।

ल़ेह-पेन 16:33

ओहले चोन-खाङगी स्‍युहङ-पेनगी पावल दाङ सिलासला ओ़ह कुहङमुराङ ख्‍येर्ती नाहन्‍दीया़ ठी़ तेर्सीन। ओहले खो दाङ खोगी खाङबा मे़हमेगी बप्‍तिस्‍मा लेहन्‍सीन।

ल़ेह-पेन 5:41

ओहले ल़ेह-पेनया़ येशूगी छेनला तुहक्‍पु दाङ स्‍ये़हन्‍डील खुर्च्‍ये सी़हसीन माएँ तामला ज्‍यिबुराङ क़ेहनाङ पेहती छो़बा क्‍याहप्‍क्‍यो ग्‍या़लेगी फिला थेन्‍दी काहल्‍सीन।

रोमी 12:12

राहङ रेहवाला काहसो पेह, तुहक्‍पु-तुहङालला ना़स्‍यीङ छ्यिम्‍बु पेहतोङ, सोल्‍वाङ ताप्‍तेॱराङ तेहतोङ।

रोमी 5:3

ओहजे च्‍यी़राङ मिहम्‍बा, तुहक्‍पुकी ती़हजीॱलाङ ओहराङ क़ेहनाङ पेहकें च्‍यिबेमाना तुहक्‍पुगी ओहराङला ना़ ख़ूएँकी ओङ तेर्के,

२ कोरिन्‍थी 6:10

ङ्यिह माहङबुराङ तुहक्‍पु ङ्युहङग्‍यो येहबा यिहॱनाङ ङ्यिह सेम काहसो पेहकें। ङ्यिह प्राङबु येहबा यिहॱनाङ मिह माहङबुला छ्युक्‍पु ज़ोएँ। ङ्यिह ङ्याम्‍बु च्‍यिॱआङ म़ेह यिहॱनाङ ना थाम्‍ज्‍यीराङ येह।

एफिसी 5:19

यिहॱनाङ च्‍यिगी च्‍यी़ ङ्याम्‍बु किन्‍ज्‍योकी छ्ये़-लु, त़ेरा तेच्‍या दाङ यिहक्‍तेन लुया़ लेहन्‍दोङ ओहले राहङदी निङ थाक्‍पा यिहन्‍ज्‍युराङ चो़वोकी तेहन्‍दाला लुया़ लेहन्‍गेनॱराङ त़ेरा तेच्‍या फुल्‍दोङ।

फिलिप्‍पी 2:17

का़हलेॱआङ ख्‍यागी फुल्‍ग्‍यो यिह-छ्य़ेकी मार्च्‍येला ङाहतीॱआङ ठा़ मार्च्‍ये ल़ेहमुराङ पेहती फुल्‍दी स्‍याहल च्‍य़ू कोहॱनाङ ङाहला काहसो येह, ओहले ङाह ख्‍या थाम्‍ज्‍यी ङ्याम्‍बु क़ेहनाङ पेहकें।

कलस्‍सी 1:24

ता़ह ख्‍याया़गी तेहन्‍दाला ङाहगी तुहक्‍पु खुर्केमु ङाह सेम काहसो पेहकें, ओहले मास्‍यीकाकी कुसो छेन्‍छोककी तेहन्‍दाला मिहरोदी खादी लिहक्‍यो तुहक्‍पुया़ ङाहती ज़ुबुला खुर्ते छाङबु पेहकें।

हिब्रू 5:7

येशू राहङगी मिहगी मिहली नोम नाङगेमु राहङला स्‍यिएँगी ओङलेगी थार च्‍य़ू थुप्‍केन किन्‍ज्‍यो ङ्याम्‍बु स्‍योम्‍दी मिज्‍यु ताङगेराङ सोल्‍वाङ ताप नाङसीन। मास्‍यीकाकी दि रोहवा स्‍यिहवा दाङ किन्‍ज्‍योला क्‍याप्‍क्‍यो ज़ी़दी किन्‍ज्‍योगी मिहरोगी सोल्‍वाङ सेन नाङसीन।

याकूब 1:2

ए ङाहगी आदा-नो़ह दाङ आज्‍यी-नुहमुया़, नामे-नाजो तुहक्‍पु-तुहङालया़ ओहङगेमु सेम काहसो पेहतोङ।

याकूब 5:13

च्‍यि ख्‍या पाहरक्‍यीला सुलाॱआङ च्‍यिरा खेन्‍दा-का़हबु काहल्‍दी येहबा? खोगी सोल्‍वाङ ताप्‍च्‍यु। च्‍यि सुॱआङ सेम काहसो काहल्‍दी येहबा? खोगी त़ेरा तेच्‍या फुल्‍गेन्‍गी छ्ये़-लु लेहन्‍ज्‍यु।

१ पत्रुस 4:14

का़हलेॱआङ मास्‍यीकाकी छेनला ख्‍याला मिहया़गी स्‍ये़हन्‍डील पेहसीनमाना ख्‍या काहजे सोनाम-साक्‍पु यिहम्‍बा। च्‍यिबेमाना ज़िज्‍यिद दाङ किन्‍ज्‍योकी नाम्‍पार-ताहक्‍पा थु ख्‍याया़ ङ्याम्‍बु ज़्‍य़ू नाङदी येह।