ल़ेह-पेन 16:16 - ह्योल्‍मो

¹⁶ ओहले ङ्यिहमा च्‍यी़ ङ्यिह सोल्‍वाङ ताप्‍के ग्‍या़ला डोएँॱराङ येहकें ओहजेला ङ्यिहगी यो़मु पोहमो पेहजा च्‍यी़ला थ़ूसीन। ओ़ह पोहमो पेहजाला ङ्येहम्‍बा नाम्‍स्‍यी स्‍युहक्‍यो येहकें, ओहले ङ्येहम्‍बा नाम्‍स्‍यीगी ओङगी मोह त़ेदी राहङ ताहक्‍पुला माहङबुराङ टाङगा जे़दे तेर्को तेहके।

ल़ेह-पेन 16:16 ပူးပေါင်းရင်းမြစ်များ

ल़ेह-पेन 16:13

ओहले छ्यु-चाङबु सुहरया़ला यहूदीया़की सोल्‍वाङ ताप्‍केन ग्‍या़ येहबा नि माएँ सेम क्‍ये़दी यहूदीगी थाङ सोएँ ङ्यिहमाला ङ्यिह ओ़हला काहल्‍सीन, ओहले ओ़हला छो़क्‍योगी पी़हमी-पेहजाया़ ङ्याम्‍बु तेहती ताम मासीन।

ल़ेह-पेन 16:18

ओहले मोहगी ङ्यिहमा माहङबु थु ओ़ह ल़ेहमुराङ म़ेदी क़े तेन्‍दीराङ तेहसीन। ओहले पावल छेर्स्‍यी लाहङदी ल्‍होक लो़हदी ओ़ह ङ्येहम्‍बा नाम्‍स्‍यीला, “येशू मास्‍यीकागी छेनला ख्‍ये दि पोहमोले थेन्‍दी सोङ” म़ेदी ठो़ तेन्‍दी मासीन ओ़हजेलाराङ ओ़ह ङ्येहम्‍बा नाम्‍स्‍यी ओ़ह पोहमोगी ज़ुबुले थेन्‍दी काहल्‍सीन।

ल़ेह-पेन 16:19

ता़ह ओ़ह पोहमो-पेहजाकी ताहक्‍पुया़गी राहङदी टाङगा ओहङगेन्‍गी लाहम छ्य़ेक्‍यो थोङदी खुङगी पावल दाङ सिलासला ज़ुङदे क्‍याहसाकी पोम्‍बोया़ छो़गेन्‍गी ग्‍या़ला टिहते ख्‍येर्सीन।

ल़ेह-पेन 19:24

डेमेत्रियस माएँ सेर ल़ेह पेहकें मिहगी अर्तेमीस ल्‍हागी ङुलगी फेमा-फेमा छ्योखाङया़ ज़ोउ येहकें। दि ल़ेह पेहती खो दाङ खोगी ज़्‍या़क्‍यो मिहया़गीॱआङ टाङगा माहङबुराङ ज़ोउ येहकें।

गलाती 5:20

कुया़ला छ्येपा फुल्‍गेन, ङ्येहन क्‍याहप्‍केन, मिहला टाह पेहकेन, ठुक्‍स्‍यी सिहङदा पेहकें, ठादो पेहकेन, स्‍यिहताङ ङाहर्क्‍याल पेहकें, राहङ च्‍यी़राङ गो़ थेन्‍ज्‍ये छोल्‍गे, मिहया़ला ठू़ च्‍य़ूएँ, छो़बा ज़ोएँ,

१ तिमोथी 6:10

च्‍यिबेमाना ल़ेह चोक्‍पा ना थाम्‍ज्‍यीगी चार्ङ्यीदी क्‍युह-नोहरकी निङज्‍यी यिहम्‍बा। काहजे मिहया़गीनी क्‍युह-नोहरकी ह्‍अम्‍बाला छ्यिती तेहपा पेहच्‍ये क्‍युर्ती चोक्‍पा लाहम ङो़ले स्‍य़ूहदी येहबा। ओहले तुहक्‍पुगी खुङया़की सेम ज्‍यिबुराङ सुह क्‍याहप्‍ती येह।

२ तिमोथी 3:8

यान्‍नेस दाङ याम्‍ब्रेसगी मोशाला टाह पेहक्‍यो ल़ेहमुराङ, दि मिहया़गीॱआङ तेहन्‍दामकी स्‍याहलला टाह पेहकें। दि मिहया़गी नावा नोहङग्‍यो दाङ यिह-छ्य़े ची़हमा ओहङगे।

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।