ल़ेह-पेन 16:14 - ह्योल्‍मो

¹⁴ ङ्यिहगी माक्‍योगी ताम ङ्यिहन्‍गेनया़ नाहङला लिडिया माएँ पी़हमी च्‍यी़ येहकें। मोह थिआटीरा क्‍याहसादी यिहन्‍गे ओहले मोह क्‍ये़हज्‍येन काप्‍च्‍यागी छोङ क्‍याहप्‍को येहकें। ओहले मोहगी किन्‍ज्‍योला छ्येपा फुल्‍गो येहकें। ओहले पावलगी माक्‍योगी तामला या़हबु पेहती ङ्यिहन्‍दी पेहच्‍यु म़ेदी चो़वोगी मोहगी सेम खा फे़ नाङसीन।

ल़ेह-पेन 16:14 ပူးပေါင်းရင်းမြစ်များ

लूका 24:45

ओहले सुङरापला प्रुहक्‍योगी स्‍याहल ङोह स्‍य़े च्‍य़ूज्‍येला येशूगी खुङया़ला ङोह स्‍ये़एँगी ओङ नाङसीन।

यूहन्‍ना 12:20

थार्पा छ्येपाला छ्येपा फुल्‍ज्‍ये म़ेदी डोएँ मिहया़ नाहङला लाहला ग्रीक क्‍यिहपागी मिहया़ॱआङ येहकें।

ल़ेह-पेन 10:2

खो दाङ खोगी म़ेहमे थाम्‍ज्‍यीगीराङ किन्‍ज्‍योला म़ेहबा पेहती किन्‍ज्‍योगी ज्‍यिक्‍पाला तेहको येहकें। कर्नेलियसगी प्राङबु मिहया़ला सेम काहसो पेहती रो़हराम पेहको येहकें ओहले खो नाहम-माना किन्‍ज्‍योला सोल्‍वाङ ताप्‍को येहकें।

ल़ेह-पेन 11:21

ओहले चो़वो खुङ ङ्याम्‍बु ज़्‍य़ू नाङग्‍यो येहकें सोङगोराङ मिह माहङबुगीराङ यिह-छ्य़े पेहती चो़वो ङो़ले लो़हसीन।

ल़ेह-पेन 13:43

छो़बा सिहन फान्‍ज्‍यो यहूदीया़ दाङ यहूदी छ्य़े पेहकें लेहमेन क्‍यिहपागी माहङबुराङ मिहया़ पावल दाङ बारनाबासकी तिङदा तिङ काहल्‍सीन। पावल दाङ बारनाबासकी खुङया़ ङ्याम्‍बु ताम म़ेदी “राहङ फ़ेबेॱया नाहम माॱनाङ किन्‍ज्‍योगी काटीनला ज्‍यू़दोङ म़ेदी स्‍युहसीन।”

ल़ेह-पेन 13:50

यिहॱनाङ यहूदीया़गी छ्य़ेसेम पेहकें दाङ मिहन थोप्‍क्‍यो पी़हमी-पेहजाया़ ओहले क्‍याहसाकी गोबाया़ला ताम ख्‍येर क्‍याहप्‍ती पावल दाङ बारनाबासला ओ़ह दे-खामले ङेसीन।

ल़ेह-पेन 16:40

ओहले पावल दाङ सिलास चोन-खाङले थेन्‍दी लिडियागी खाङबाला काहल्‍सीन। ओहले चो़वोला यिह-छ्य़े पेहक्‍यो आदा-नो़हया़ ङ्याम्‍बु थू़दी खुङया़ला आ़र क्‍ये च्‍य़ूदी खुङ ङ्यी़ काहल्‍सीन।

ल़ेह-पेन 18:7

ओहले खो ओ़ह ग्‍या़ले किन्‍ज्‍योला छ्य़ेसेम पेहकेन तीतस युस्‍तस माएँ मिहगी खाङबाला काहल्‍सीन। खोगी खाङबा छो़खाङगी पोहलाराङ येहकें। खो ग्रीक क्‍यिहपागी मिह यिहन्‍गे।

ल़ेह-पेन 8:27

ओहले खो लाहङदी काहल्‍सीन, ओहले खोगी इथियोपिया क्‍याहल-खापकी ङुहरुम मिह च्‍यी़ला थ़ूसीन, खोदी इथियोपिया क्‍याहल-खापगी क्‍याहल्‍मु कन्‍दाकीदी नोहरया़ ताएँ मिह छ्यिम्‍बु यिहन्‍गे। ओहले खोती यरूशलेमला काहल्‍दी किन्‍ज्‍योला छ्येपा फुल्‍दी खाङबाला लो़ह डोॱराङ येहकें।

रोमी 9:16

ओ़ह सोङबे मिहगी सेम्‍बा दाङ स्‍युक थो़ला दि ले खाल मी़हखुएँ, यिहॱनाङ किन्‍ज्‍योकी थुज्‍यी थो़ला ले खाल ख़ूएँ।

फिलिप्‍पी 2:13

च्‍यिबेमाना किन्‍ज्‍योगी ख्‍यागी पाहरक्‍यीला नाहम-माना छ्या़ले जे-नाङदी येह। मिहरोगी थु-सेम जे नाङग्‍योकी छ्या़लेया़ तेहन्‍दा डुप च्‍य़ूज्‍येला मिहरोगीॱराङ ख्‍याया़ला सेम्‍बा दाङ ओङ नाङगे।

ज्‍याल्‍गा 1:11

ख्‍येगी थोङग्‍योकी तामया़ ता़ह यिहगी च्‍यी़ला प्री़हदीॱमाराङ एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया दाङ लाउडिकिया क्‍याहसाला येहकेन्‍गी छेन्‍छोक तिहन्‍गालाॱराङ ताङदोङ।

ज्‍याल्‍गा 3:20

त़ेदोङ, ङाह कोहला लाहङदी कोह तुहङगेनॱराङ येह। सुज्‍यीगी ङाहगी क़े थे़दे कोह खा फे़ तेर्सीमाना ङाह नाहङला ओहङज्‍ये येह ओहले ङाह खो ङ्याम्‍बु डेन साहज्‍ये येह ओहले खोॱआङ ङाह ङ्याङबुराङ साहज्‍ये येह।

ज्‍याल्‍गा 3:7

“फिलाडेल्‍फियाकी छेन्‍छोकला चारा पेहकेन्‍गी स्‍यिहङगामकी स्‍याहप्‍च्‍यीला दि ताम प्री़हदोङ: ‘किन्‍ज्‍योॱराङ नाम्‍पार-ताहक्‍पा दाङ तेहन्‍दाम यिहन, मिहरो ङ्याम्‍बुराङ क्‍याहल्‍बु दाऊदकी दिमी येहबा, मिहरोगी खा फे़ नाङग्‍योकी कोह सुज्‍यीगीॱआङ क्‍याहप मी़हखुएँ ओहले मिहरोगी क्‍याहप नाङग्‍योकी कोह सुज्‍यीगीॱआङ खा फे़ मी़हखुएँ मिहरोगी दि ल़ेहमु सुङ नाङगु दु।