ल़ेह-पेन 16:13 - ह्योल्‍मो

¹³ ओहले छ्यु-चाङबु सुहरया़ला यहूदीया़की सोल्‍वाङ ताप्‍केन ग्‍या़ येहबा नि माएँ सेम क्‍ये़दी यहूदीगी थाङ सोएँ ङ्यिहमाला ङ्यिह ओ़हला काहल्‍सीन, ओहले ओ़हला छो़क्‍योगी पी़हमी-पेहजाया़ ङ्याम्‍बु तेहती ताम मासीन।

ल़ेह-पेन 16:13 ပူးပေါင်းရင်းမြစ်များ

मत्ती 13:2

ओहले येशूगी कोर-क्‍यिहलेॱराङ मिह माहङबुराङ जोम ओहङग्‍यो सोङबे येशू टुह-छ्युङ च्‍यी़ला जा़दी ज़्‍य़ू नाङसीन। मिह मिह-माहङया़दी छोगी सुहरलाॱराङ लाहङदी तेहसीन।

मर्कूस 16:15

ओ़ह तिङले येशूगी खुङया़ला सुङ नाङसीन, “जाम्‍बुलीङ थाम्‍ज्‍यीला काहल्‍दी मिह थाम्‍ज्‍यीलाराङ या़हबु लेहङगु स्‍येतोङ!

लूका 13:10

ङ्यिहमा च्‍यी़ थाङ सोएँ ङ्यिहमु येशूगी छो़खाङला सुङदेन नाङगेराङ येहकें।

यूहन्‍ना 8:2

ओहले नाहङबार च्‍युङ नाहम्‍सीमुॱराङ येशू छ्योखाङला लो़हदी फेप नाङसीन। ओहले मिह माहङबुराङ येशूसाला जोम ओहङसीन। ओहले येशू ओ़हला ज्‍यू़दे मिहया़ला सुङ ख्‍येप्‍टा नाङज्‍ये छ़ूसीन।

ल़ेह-पेन 13:14

ओहलेगी पावल दाङ बारनाबासती पर्गालेगी पिसिदिया साने़की एन्‍टिओखिया क्‍याहसाला काहल्‍सीन। ओहले थाङ सोएँ ङ्यिहमाला यहूदीया़की छो़खाङला काहल्‍दी तेहसीन।

ल़ेह-पेन 13:42

पावल दाङ बारनाबास छो़खाङलेगी थेन्‍दी डोज्‍ये पेहकेमु मिहया़गी, “तिङमा थाङ सोएँ ङ्यिहमाला येहपाराङ फेप्‍ते दि तामगी तेहन्‍दाला तोहरोङ ङ्यिहला स्‍ये नाङदोङ” म़ेदी स्‍युहसीन।

ल़ेह-पेन 16:16

ओहले ङ्यिहमा च्‍यी़ ङ्यिह सोल्‍वाङ ताप्‍के ग्‍या़ला डोएँॱराङ येहकें ओहजेला ङ्यिहगी यो़मु पोहमो पेहजा च्‍यी़ला थ़ूसीन। ओ़ह पोहमो पेहजाला ङ्येहम्‍बा नाम्‍स्‍यी स्‍युहक्‍यो येहकें, ओहले ङ्येहम्‍बा नाम्‍स्‍यीगी ओङगी मोह त़ेदी राहङ ताहक्‍पुला माहङबुराङ टाङगा जे़दे तेर्को तेहके।

ल़ेह-पेन 16:6

किन्‍ज्‍योगी थुगी पावल, सिलास दाङ तिमोथीला एशिया क्‍याहल-खाप छ्यिम्‍बुला सुङ ख्‍येप्‍टा तेर्च्‍येला डो च्‍यु माहनाङ। ओ़ह सोङबे खुङ फ़ेबेॱया फ्रिगिया दाङ गलातीया साने़लेगी पेहती काहल्‍सीन।

ल़ेह-पेन 17:2

ओहले पावल राहङगी ठिम ची़दे खुङ ङ्याम्‍बु ओ़ह यहूदीया़की छो़खाङला काहल्‍सीन, ओहले साता सुम थु सुङरापगी तामया़ लाहमले स्‍येपा तुहर्सीन।

ल़ेह-पेन 18:4

ओहले पावल थाङ सोएँ ङ्यिहमा-टाहङमाराङ यहूदीया़की छो़खाङला काहल्‍दी यहूदी दाङ ग्रीक क्‍यिहपागी मिहया़ ङ्याम्‍बु चो़वो येशूगी तेहन्‍दाला ताम मामा चेउ येहकें ओहले खुङया़ला प्रा साल तेर्च्‍ये छोल्‍गो येहकें।

ल़ेह-पेन 20:7

सातागी तोहङस्‍यो कार्मा ज़ा-ङ्यिहमा कुहङॱसेला चो़वो येशूला यिह-छ्य़े पेहकेन्‍गी स्‍याहप्‍च्‍यीया़ ङ्याम्‍बु चो़वो येशूगी सोह सुङदी का नाङग्‍योकी डेन साहज्‍येला ङ्यिह छो़सीन। ओहले पावलगी खुङया़गी दिनला ताम माज्‍ये छ़ूसीन। ओहले नाहङबार च्‍युङ डो कोहच्‍ये येहकें सोङबे नुहप फे़ थु खुङया़ ताम म़ेदी तेहसीन।

ल़ेह-पेन 21:5

यिहॱनाङ साता च्‍यी़चे तेह फान्‍ज्‍यो खुङया़ ङ्याम्‍बु कोहङबा स्‍यी़हदी काहल्‍सीन। चो़वोला यिह-छ्य़े पेहकेन्‍गी ओ़ह ग्‍या़गी आदा-नो़ह थाम्‍ज्‍यी, आज्‍यी-नुहमु दाङ पेहजाया़गीॱआङ ङ्यिहला क्‍याहसा फि थु क्‍याल्‍ज्‍येला ओहङसीन। ङ्यिह थाम्‍ज्‍यीगी छो-क्‍याहम्‍जोकी सुहरला पी़मु च़ूदी सोल्‍वाङ ताप्‍सीन।

ल़ेह-पेन 9:20

ओहले खो लाहम्‍साङराङ यहूदीया़की छो़खाङया़ला स्‍य़ूहदी, “चो़वो छ्येवा येशूॱराङ किन्‍ज्‍योगी स़ेबु यिहम्‍बा” म़ेदी स्‍येच्‍ये छ़ूसीन।

गलाती 3:28

ओ़ह सोङबे यहूदी मिह यिहॱना़ यिहन, लेहमेन क्‍यिहपागी मिह यिहॱना़ यिहन, योक्‍पु यिहॱना़ यिहन, सुज्‍यीदीॱआङ ओङ चो़ला ज्‍युल्‍दी माहतेहबाकी मिह यिहॱना़ यिहन, क्‍येप-ख्‍योवा यिहॱना़ यिहन, पी़हमी-पेहजा यिहॱना़ यिहन, येशू मास्‍यीकाला ख्‍या थाम्‍ज्‍यी च्‍यी़राङ यिहम्‍बा।

कलस्‍सी 1:23

तेहम्‍बाराङ ख्‍याया़ राहङगी तेहपाला सान्‍दी दाङ थिक-चि पेहती तेहतोङ। ख्‍याया़गी रेहवा पेहक्‍यो या़हबु लेहङगुला क्‍युरॱराङ माहक्‍युर। दि या़हबु लेहङगुॱराङ थाम्‍ज्‍यी लुहङबाकी मिहया़ला प्रा साल्‍दी येह। दि या़हबु लेहङगु स्‍येच्‍येलाॱराङ ङाह पावल योक्‍पु काहल्‍सीन।