Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ल़ेह-पेन 15:9 - ह्योल्‍मो

9 किन्‍ज्‍योगी लेहमेन क्‍यिहपा दाङ ओहराङगी पाहरक्‍यीला ङ्येम्‍बा-ङ्य़ेहरी जे माहनाङ, ओहले खुङया़गी किन्‍ज्‍योला सेमले खाल्‍सीन ओहले मिहरोगी खुङया़गी यिहला चाङमा ज़ो नाङसीन।

အခန်းကိုကြည့်ပါ။ ကော်ပီ




ल़ेह-पेन 15:9
24 ပူးပေါင်းရင်းမြစ်များ  

ओहले येहपाराङ पत्रुसगी दि रोहवा क़े च्‍यी़ थ़ेसीन, “किन्‍ज्‍योगी चाङमा ज़ो नाङग्‍योकी से़हया़ला ख्‍येगी चाङमा म़ेह म़ेदी साम्‍लु माहताङ।”


ओहले पत्रुसगी खुङया़ला मासीन, “लेहमेन क्‍यिहपागी मिहया़ ङ्याम्‍बु च्‍याम्‍दे खुङया़ ङ्याम्‍बु छो़दी तेहच्‍येला ङ्यिह यहूदीया़ला ङ्यिहगी छ्य़े-ठिमगी मेहतेर्कें माएँ ताम राहङ फे़बेया़ला थुयी़राङ येहबा, यिहॱनाङ किन्‍ज्‍योगी ङाहला सु मिहॱलाङ ख्‍ये मेहचाङा म़ेदी माज्‍ये मेहयोहङगे माएँ स्‍याहल सुङ नाङदी येह।


ओहले पत्रुसगी ताम माज्‍ये छ़ूसीन, “दि ताम तेहम्‍बाराङ यिहम्‍बा दु किन्‍ज्‍योगी सुॱलाङ ङ्येम्‍बा-ङ्य़ेहरी जे मेहनाङगे।


ओहले नाम्‍पार-ताहक्‍पा थुगी ङाहला, ‘यिहन्‍जे मिहन्‍जे ताम मा़हमेबा पेहती खुङ ङ्याम्‍बु सोङ!’ म़ेदी सुङ नाङसीन। ओहले किन्‍ज्‍योला यिह-छ्य़े पेहक्‍योगी मेहन्‍दा ट़ूह नो़हया़ॱआङ ङाह ङ्याम्‍बुराङ ओहङसीन ओहले ङ्यिहया़ कर्नेलियसकी खाङबा नाहङला स्‍य़ूहसीन।


आइकोनियन साने़ला पावल दाङ बारनाबास यहूदीया़की छो़खाङला काहल्‍दी ज्‍यिबुराङ या़हबु पेहती लोप्‍च्‍युङ तेर्सीन, ओ़हजेलाराङ यहूदीया़ दाङ ग्रीक मिहया़गी चो़वो छ्येवा येशूला सेमले खाल्‍सीन।


एन्‍टिओखिया क्‍याहसाला लो़ह ओहङ फान्‍ज्‍यो पावल दाङ बारनाबासगी छेन्‍छोककी मिह थाम्‍ज्‍यीला क़े क्‍याहप्‍सीन। ओहले किन्‍ज्‍योगी खुङ लाहमले काहन्‍डुमु काहन्‍डुमु छ्या़लेया़ जे नाङबा ओ़ह तामया़ थाम्‍ज्‍यीराङ स्‍येसीन। ओहले किन्‍ज्‍योगी लेहमेन क्‍यिहपागी मिहया़लाॱआङ किन्‍ज्‍योला तेहपा पेहकें लाहम तेन नाङसीन माएँ तामया़ स्‍येसीन।


दि ल़ेहमु पेहती येशू मास्‍यीकाला तेहपागी मिह थाम्‍ज्‍यीला किन्‍ज्‍योगी टाहङबु सी़ह च्‍य़ू नाङगे च्‍यिबेमाना किन्‍ज्‍योगी सुलाॱआङ ङ्येम्‍बा-ङ्य़ेहरी जे मेहनाङगे,


ओ़हठी यिहन्‍सीमाना च्‍यि ओहराङ यहूदीया़ लेहमेन क्‍यिहपाया़ म़ेदी या़हबु यिहम्‍बा ले? मिहम्‍बा, ओ़ह ल़ेहमु यिहनॱराङ मिहन। यहूदी दाङ लेहमेन क्‍यिहपाया़ॱआङ तिहक्‍पाकी ओङ चो़ला येह म़ेदी ङाहगी फातुर च़ू सिहन्‍दी येह।


च्‍यिबेमाना मिहरोगी क़े क्‍याहप नाङग्‍योकी मिहया़ ओहराङॱआङ यिहम्‍बा। मिहरोगी यहूदीया़ला च्‍यी़राङ क़े क्‍याहप माहनाङ यिहॱनाङ लेहमेन क्‍यिहपाकी मिहया़लाॱआङ क़े क्‍याहप नाङसीन।


कोरिन्‍थी लुहङबाला येहकेन्‍की किन्‍ज्‍योकी छेन्‍छोकला ङ्यिह दि यिहगी प्रुहएँॱराङ येह। मास्‍यीका येशूला नाम्‍पार-ताहक्‍पा काहल्‍ग्‍यो दाङ खुङया़ ङ्याम्‍बु-ङ्याम्‍बुराङ ग्‍या़ थाम्‍ज्‍यीला मास्‍यीकाकी नाम्‍पार-ताहक्‍पा मिह डोज्‍येकी तेहन्‍दाला क़े क्‍याहप नाङग्‍योया़ थाम्‍ज्‍यी, का़हन्‍दी का़हन्‍दीगी चो़वो येशू मास्‍यीकाकी छेनला क्‍याप्‍केन, ओ़ह चो़वो येशू मास्‍यीकाॱराङ ओहराङ दाङ खुङया़की चो़वो यिहम्‍बा:


सुज्‍यीला किन्‍ज्‍योगी क़े क्‍याहप नाङगेमु खोती तोहङलेराङ स्‍या-ताक काहल सिहन्‍ग्‍यो यिहन्‍सीमानानी ता़ह खोगी स्‍या-ताक सेच्‍ये माहछोल्‍ज्‍यु। ओहले किन्‍ज्‍योगी स्‍या-ताक माहबेबा सुज्‍यीला क़े क्‍याहप नाङग्‍यो येहसीमानानी ता़ह खोगी स्‍या-ताक पेहच्‍ये माहछोल्‍ज्‍यु।


ओ़ह सोङबे यहूदी मिह यिहॱना़ यिहन, लेहमेन क्‍यिहपागी मिह यिहॱना़ यिहन, योक्‍पु यिहॱना़ यिहन, सुज्‍यीदीॱआङ ओङ चो़ला ज्‍युल्‍दी माहतेहबाकी मिह यिहॱना़ यिहन, क्‍येप-ख्‍योवा यिहॱना़ यिहन, पी़हमी-पेहजा यिहॱना़ यिहन, येशू मास्‍यीकाला ख्‍या थाम्‍ज्‍यी च्‍यी़राङ यिहम्‍बा।


स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।


ओ़ह तिहङ-रिहङबुकी केच्‍या च्‍यि यिहम्‍बा मासीमाना, लेहमेन क्‍यिहपाकी मिहया़गीॱआङ या़हबु लेहङगु लाहमले इस्राएलीया़गी ल़ेहमुराङ किन्‍ज्‍योकी मेलामया़ ज्‍योर ख़ूएँ काहल्‍सीन। लेहमेन क्‍यिहपाकी मिहया़ॱआङ ज़ुबु च्‍यी़गी ओङबुया़ यिहन ओहले मास्‍यीका येशू लाहमले किन्‍ज्‍योगी ज़्‍या़ नाङग्‍योकी ताहम्‍ज्‍या पी़मागी हकदार काहल्‍दी येह।


ओ़ह सोङबे दि साम्‍बा मिहजीला ग्रीक दाङ यहूदी, स्‍या-ताक पेहक्‍यो दाङ स्‍या-ताक माहबेबा, यिहगी मे़हस्‍येगेन दाङ रिहदोङ क्‍यिलगी मिह, योक्‍पु पेहक्‍यो दाङ माहबेबाला च्‍यिॱआङ ख्‍येपार म़ेह, यिहॱनाङ मास्‍यीकाॱराङ ना थाम्‍ज्‍यी यिहम्‍बा, ओहले मिहरो थाम्‍ज्‍यी ङ्याम्‍बु ज़्‍य़ू नाङदी येह।


ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ