Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ल़ेह-पेन 15:5 - ह्योल्‍मो

5 ओहजेला किन्‍ज्‍योला यिह-छ्य़े पेहक्‍यो फरिसी छो़बागी रेहरे मिहया़गी लाहङदी दि ल़ेहमु मासीन, “लेहमेन क्‍यिहपागी मिहया़गीॱआङ यहूदी ठिमला ल़ेहमु पेहती स्‍या-ताक पेहॱराङ कोहकें ओहले खुङया़गी मोशागी नाङग्‍यो छ्य़े-ठिम थाम्‍ज्‍यीराङ ची़ॱराङ कोहएँ।”

အခန်းကိုကြည့်ပါ။ ကော်ပီ




ल़ेह-पेन 15:5
14 ပူးပေါင်းရင်းမြစ်များ  

यिहॱनाङ फरिसी दाङ सदुकी छो़बागी मिह माहङबुराङ बप्‍तिस्‍मा लेहन्‍ज्‍येला यूहन्‍नासाला ओहङग्‍यो थोङदी यूहन्‍नागी खुङया़ला मासीन, “ए प्रुहलगी छार्क्‍यीनया़, किन्‍ज्‍योगी ताङ नाङगेन्‍गी ठिमलेगी थार ख़ूएँ म़ेदी ख्‍याया़ला सुगी लोप्‍पा?


ओहले लाहला मिहया़ यहूदीया साने़लेगी एन्‍टिओखिया क्‍याहसाकी आदा-नो़हया़साला ओहङदी दि ल़ेहमु लोप्‍च्‍युङ लोप्‍च्‍ये छ़ूसीन, “ख्‍या फ़ेबेॱया मोशागी नाङग्‍यो ठिमला ल़ेहमु स्‍या-ताक माहकाहल्‍बा येहनानी ख्‍या फे़बेया़गी थार्पा ज्‍योर मी़हखुएँ।”


ङ्यिहगी पाहरक्‍यीले रेहरे मिहया़ ओहङदी राहङ फे़बेया़ला फिर्च्‍या लोप्‍च्‍युङया़ तेर्ते ज्‍यिबुराङ तुहक्‍पु तेर्सीन लो माएँ ताम ङ्यिहगी थ़ेसीन। यिहॱनाङ ओ़ह मिहया़ला ङ्यिहगी ताङग्‍यो मिहन।


दि तामया़ थे़सीम्‍बाराङ खुङगी किन्‍ज्‍योला थुज्‍यी-छ्ये़ फुल्‍सीन। ओहले खुङया़गी पावलला मासीन, “नो़ह, देला यहूदीया़ तोङरा तोङरागी चो़वो येशूला यिह-छ्य़े पेहती मोशागी नाङग्‍यो छ्य़े-ठिमॱलाङ ज्‍यिबुराङ छान्‍दी पेहती ची़उ येहबा।


यिहॱनाङ दि तामदी ङाह माएँ, थार्पा थोप्‍केन्‍गी लाहमला खुङया़गी दि तेहन्‍दाम मिहम्‍बा म़ेदी माएँ, ओ़ह लाहमलाराङ तिङ ङ्यादी ङाह राहङगी आख्‍ये मे़हमेया़गी किन्‍ज्‍योला क्‍याप्‍केन ओहले छ्य़ेसेम पेहकें। यिहॱनाङ लुहङतेम्‍बाया़गी प्रुह नाङग्‍योकी छ्य़े दाङ मोशागी नाङग्‍यो थाम्‍ज्‍यीराङ छ्य़े-ठिमला ङाह यिह-छ्य़े पेहकें।


ङ्यिहगी ङोह स्‍येक्‍योगी दि मिह ज्‍यी़ज्‍ये ल़ेहमु ल़ेह चोक्‍पाया़ पेहती डोएँगी मिह यिहम्‍बा। ओहले दि मिह नासरी माएँ छो़बागी गोबा पेहती जाम्‍बुलीङगी थाम्‍ज्‍यीराङ यहूदीया़की पाहरक्‍यीला ठ़ूस्‍यी सिहङदा पेह च्‍य़ूदी डोॱराङ पेहक्‍यो ङ्यिहगी थोङदी येह।


यिहॱनाङ ङ्यिहला राहङगी ताम ङ्यिहन्‍ज्‍ये सेम्‍बा येहबा च्‍यिबेमाना राहङगी छो़बागी तेहन्‍दाला काहने थेतेराङ ताम लोहङटी पेहक्‍योदी ङ्यिहॱलाङ क्‍यी़ह येह” म़ेदी मासीन।


ओहले पूजाहारी गो-छ्येवा दाङ खोगी रो़ह सदुकीया़गी ल़ेह-पेनया़ला ज्‍यिबुराङ ठादो पेहसीन।


सुज्‍यीला किन्‍ज्‍योगी क़े क्‍याहप नाङगेमु खोती तोहङलेराङ स्‍या-ताक काहल सिहन्‍ग्‍यो यिहन्‍सीमानानी ता़ह खोगी स्‍या-ताक सेच्‍ये माहछोल्‍ज्‍यु। ओहले किन्‍ज्‍योगी स्‍या-ताक माहबेबा सुज्‍यीला क़े क्‍याहप नाङग्‍यो येहसीमानानी ता़ह खोगी स्‍या-ताक पेहच्‍ये माहछोल्‍ज्‍यु।


यिहॱनाङ केफास एन्‍टिओखियाला ओहङ फान्‍ज्‍यो ङाहगी खोला मिह थाम्‍ज्‍यीगी दिनलाराङ बार्ता लाङसीन। च्‍यिबेमाना खोगी ल़ेह नोहर च्‍यू़क्‍यो येहकें।


खुङ या़हबु लेहङगुगी तेन्‍ग्‍योकी तेहन्‍दामकी लाहम क्‍यो़दी काहल्‍ग्‍यो थोङ फान्‍ज्‍यो ङाहगी मिह थाम्‍ज्‍यीगी दिनलाराङ केफासला मासीन, “राहङ यहूदी यिहन्‍दीॱआङ यहूदी ल़ेहमु जे माहनाङबा लेहमेन क्‍यिहपाकी मिहया़गी ल़ेहमु डोलु-तेहलु जे नाङगे मासीमाना, लेहमेन क्‍यिहपाकी मिहया़ला यहूदीगी ल़ेहमुराङ मिहजी ताङज्‍येला राहङगी च्‍यिबे उर्चु जे नाङगे ले?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ