ता़ह या़हबु पेहती ङ्यिहन्दोङ, ङाह ख्याया़साला लुहङतेम्बा, खेम्बा ताहक्पु मिहया़ दाङ तेहन्दामकी छ्य़े-ठिमकी लोबेनया़ ताङ चाहङज्ये येह। खुङया़ नाहङला ख्याया़गी लाहलाला सेच्ये येह, लाहलाला क्याहङस्यीङला च्याङज्ये येह ओहले लाहलालादी छो़खाङया़ला ताक्स्यु क्याहप्च्ये येह ओहले लाहलाला क्याहसा च्यी़ले लेहमेन क्याहसा थु ङेच्ये येह।
ल़ेह-पेन 15:32 - ह्योल्मो32 यहूदा दाङ सिलास खुङ फे़बे ङ्यिकाराङ लुहङतेम्बा यिहन्गे सोङबे किन्ज्योला यिह-छ्य़े पेहक्यो नो़हया़ला सुङ लाहमले लोप्ताम क्याहप्ती खुङ फे़बेया़ला आ़र क्ये च्य़ूसीन। အခန်းကိုကြည့်ပါ။ |
ल़ेह-पेन 15:32
39 ပူးပေါင်းရင်းမြစ်များ
ओहले खुङ ङ्यी़गी ओ़ह ग्या़ला येहकेन्गी चो़वो छ्येवागी स्याहप्च्यीया़ला यिह-छ्य़ेला सान्दी ज़ोएँॱराङ किन्ज्योला यिह छ्य़ेदी तेहच्येला स्युक क्ये च्य़ूसीन। सेमले खाल्दी थिक-चि पेहती तेहच्येला आ़र क्ये च्य़ूसीन। किन्ज्योगी क्याहल्सीला लेप्कें म़ेदी तोहङले ओहराङगी माहङबुराङ तुहक्पु खुर कोहज्ये येह म़ेदी लोप्ताम क्याहप्सीन।
ओहले ल़ेह-पेनया़, एल्डरया़ दाङ यरूशलेमगी छेन्छोककी मिहया़गी टे़ह क्याहप्ती मिह ङ्यी़ दाम्दी पावल दाङ बारनाबास ङ्याम्बु एन्टिओखिया क्याहसाला ताङज्ये ठाबे ऩेसीन। ओहले आदा-नो़हया़गी पाहरक्यीले यहूदा माएँगी बारसाबास दाङ सिलासला दाम्सीन। खुङ ङ्यी़दी किन्ज्योला यिह-छ्य़े पेहकें मिहया़गी एल्डर यिहन्गे।
ओहले छेन्छोककी आदा-नो़हया़गी खुङया़ला ओ़ह ग्या़ले ताङ चाहङसीन। ओहले खुङया़ फोनिके दाङ सामरिया युहलले पेहती काहल्सीन, ओहजेला खुङया़गी ग्या़ ग्या़ला किन्ज्योला यिह-छ्य़े पेहक्यो आदा-नो़हया़ला लेहमेन क्यिहपागी मिहया़गीॱआङ किन्ज्योला सेमले खाल्दे येह माएँ ताम स्येसीन दि थे़दी खुङया़ ज्यिबुराङ क़ेहनाङ पेहसीन।
ता़ह ज्युक्स्योलला आदा-नो़ह दाङ आज्यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्मा च्याहर्ती दि उर्चु पेहको येह, ख्या फ़ेबे-म़ेहमेया़गी ङ्यिह लाहमले किन्ज्योला थु ङ्ये़एँगी डोलु-तेहलुया़ लोप नाङदी येह ओहले लोप्क्यो ल़ेहमुराङ ख्या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्या फ़ेबे-म़ेहमेॱया जेन-जेन या़हबु पेहती फेप नाङदोङ।
आदा-नो़ह दाङ आज्यी-नुहमुया़ ङ्यिह ख्या फ़ेबे-म़ेहमेया़ला दि लोप्ताम क्याहप्को येह ख्या फ़ेबे-म़ेहमेया़गी ल़ेहमी-लाहम पेहकेनया़ला लोप्ताम क्याहप नाङदोङ। ओहले सेम मा-फाम्बु पेहकेनया़ला स्युक क्ये च्य़ू नाङदोङ ओहले ला़ म़ेह खाएँया़ला रो़हराम जे नाङदोङ। ओहले खुङ थाम्ज्यी ङ्याम्बु ना़स्यीङ छ्यिम्बु जे नाङदोङ।
थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह।
ကြော်ငြာတွေ