ल़ेह-पेन 15:20 - ह्योल्मो20 यिहॱनाङ ओहराङगी खुङया़ला दि तामया़गी तेहन्दाला ङोह स्येॱराङ च्य़ू कोहएँ, कुला तेरक्यो ची़बु काहल्ग्योगी साहज्ये से़हया़ माहसाह, छ्येउ-छ्येंमु माहबे ओहले ज्यिङबा च्यिर्ते सेक्यो सेम्ज्येनया़गी स्या दाङ ठा़ माहसाह। အခန်းကိုကြည့်ပါ။ |
ल़ेह-पेन 15:20
47 ပူးပေါင်းရင်းမြစ်များ
ओ़ह सोङबे ङाहगी ख्याला ताहन्दा माएँ, “ङाह किन्ज्योला यिह-छ्य़े पेहक्यो नो़ह यिहम्बा” म़ेदी माज्येनी माएँ यिहॱनाङ छ्येउ-छ्येंमु पेहकें, ह्अम्बा पेहकें, कुला छ्येपा फुल्गे, मिह ताम च्येहके, छ्याङसीवा ओहले कुमेन क्याहप्केनया़गी तेहन्दाला माक्यो यिहम्बा। ओ़ह ल़ेहमु मिहया़ ङ्याम्बुनी तेहती तोप्च्याॱआङ माहसाह।
टाहङबु म़ेहबाकी मिहया़ स्यिहङगामकी क्याहल्सीला स्युह ङ्युहङज्ये म़ेह माएँ ताम च्यि ख्याया़ला क्यी़ह म़ेहबा? राहङगी राहङला चिहन माहक्याहप। देक्षागी बान्डन ल़ेह पेहकेनया़, कुला छ्येपा फुल्गेया़, छ्येउ-छ्येंमु पेहकेनया़, मिहगी ख्योवा दाङ पी़हमी थो़ला देक्षागी सेम च्याङगेनया़, ख्योवा पेहजा नाहङदोङ पा़हमा पेहकेनया़,
ङाह येहपाराङ ओहङगेमु ङाहती किन्ज्योगी ङाहला ख्याया़गी दिनला फेमा ज़ो नाङज्ये येह म़ेदी ङाहला ज्यी़सु येहबा, ओहले खुङया़गी तोहङले तिहक्पा पेहक्यो येहकें, ओहले राहङगी पेहक्योकी मेहचाङा ल़ेहया़, छ्येउ-छ्येंमु दाङ छारा ल़ेहया़ लाहमले तोहरोङॱआङ खुङया़गी स्या़बा माहन्डुपा सोङबे ङाहगी खुङगी तेहन्दाला ङ्याहङेन पेह कोहच्ये येह।
पा़हमा, मिह थाम्ज्यीगी ची़नाङ पेहच्ये सी़हगेन्दी ओहङ कोहएँ, ख्योवागी राहङगी पी़हमी क्याहपला लेहमेन पी़हमी छोल्ज्ये मेहयोहङगे, पी़हमीगीॱआङ राहङगी ख्योवा क्याहपला लेहमेन ख्योवा छोल्ज्ये मेहयोहङगे। च्यिबेमाना छारा ल़ेह पेहकें दाङ छ्येउ-छ्येंमु पेहकेनया़ला किन्ज्योगी ङ्य़ेहबा काल नाङज्ये येह।
काहल्ग्यो ङ्यिहमाया़ला लेहमेन क्यिहपागी मिहया़गी ल़ेहमु पेहती ख्याया़गी छ्येउ-छ्येंमु पेहको येहकें, ज़ुबुकी तेहन्दाला चोक्पा-चोक्पा सेमया़ थोउ येहकें, छ्याङसीवा येहकें, खाम्साङ-ङ्याहम्साङ पेहको येहकें, कुहन्डुमकी-निङगु थुङगेन्गी डेनया़ ज़्या़गो येहकें, ओहले नाम्दो लाहङज्ये ल़ेहमु कुया़ला छ्येपा फुल्दी तेहको येहकें।
ကြော်ငြာတွေ