ल़ेह-पेन 15:13 - ह्योल्‍मो

¹³ ओहले खुङ ङ्यी़गी ताम मा सिहन फान्‍ज्‍यो याकूबगी लाहङदी मासीन, “आदा-नो़हया़, सेन नाङदोङ!

ल़ेह-पेन 15:13 ပူးပေါင်းရင်းမြစ်များ

मर्कूस 15:40

लाहला पी़हमी पेहजाया़गीॱआङ था़-रिहङबुलेगीॱराङ लाहङदी त़ेदी तेहक्‍यो येहकें। ओ़ह पी़हमी-पेहजाया़दी मरियम मग्‍दलिनी ओहले फेमा याकूब दाङ योसेफगी आमा मरियम दाङ सलोमी यिहन्‍गे।

ल़ेह-पेन 12:17

ओहले पत्रुसगी, “ख्‍या मे़हमेया़ खाजुम तेह” म़ेदी ला़हदाप पेहसीन। ओहले चो़वो छ्येवागी खोला चोन-खाङले तेन नाङग्‍योकी ताम थाम्‍ज्‍यीराङ स्‍येसीन। ओहले, “याकूब दाङ लेहमेन आदा नो़हया़ॱलाङ दि ताम स्‍ये तेर” म़े ज़्‍या़दी खो ओ़ह ग्‍या़ले तेन्‍दी काहल्‍सीन।

ल़ेह-पेन 15:14

किन्‍ज्‍योगी राहङगी छेनकी तेहन्‍दाला लेहमेन क्‍यिहपाया़ नाहङले क्‍यिहपा च्‍यी़ दाम नाङसीन माएँ ताम सिमोनगी स्‍ये सिहन्‍दी येह।

ल़ेह-पेन 2:14

ओहले पत्रुस ल़ेह-पेन च्‍यू़ज्‍यी ङ्याम्‍बु लाहङदी मिह थाम्‍ज्‍यीगी थे़गेन पेहती मासीन, “ए यहूदीयागी रो़हया़ दाङ यरूशलेमला ज़्‍य़ू नाङगेन्‍गी आदा-नो़हया़, देला च्‍यि काहल्‍ग्‍यो माएँ ताम ङाह ख्‍याला ङोह स्‍य़े च्‍य़ूएँ। ता़ह ङाहगी माज्‍ये पेहक्‍योगी ताम या़हबु पेहती सेन नाङदोङ।

ल़ेह-पेन 2:22

“इस्राएली आदा-नो़हया़, ङाहगी ताम सेन नाङदोङ। किन्‍ज्‍योगी येशू लाहमले ख्‍या फे़बेया़गी पाहरक्‍यीला ओङ छ्यिम्‍बुगी छ्या़लेया़ जे-नाङदी याहम्‍जेन छ्येवागी ताक्‍छेनया़ तेन नाङग्‍योदीनी ख्‍या फे़बेया़ला थुयी़राङ येहबा। ओ़ह ताक्‍छेनया़ लाहमले किन्‍ज्‍योगी नासरतकी येशूला राहङगीराङ ताङग्‍यो यिहम्‍बा म़ेदी दास्‍यी नाङसीन।

ल़ेह-पेन 2:29

“ए आदा-नो़हया़, ओहराङगी चावा दाऊदकी तेहन्‍दाला ङाह ख्‍या फे़बेया़ला या़हबु पेहती प्रा साल ख़ूएँ। दाऊद टोहङसीन ओहले मिहया़गी खोगी फुङबु फुक्‍पाला तो़हसीन, ओहले ओ़ह फुक्‍पा तिहरीङ थु ङ्यिह ङ्याम्‍बुराङ येहबा।

ल़ेह-पेन 21:18

ओहले नाहङबार च्‍युङ पावल ङ्यिह ङ्याम्‍बुराङ याकूबसाला काहल्‍सीन। ङ्यिह याकूबगी खाङबाला लेप्‍केमुनी ओ़हला थाम्‍ज्‍यी एल्‍डरया़ छो़दी तेहक्‍यो दुबा।

ल़ेह-पेन 22:1

“क़ेहङगेन दाङ आदा-नो़हया़, राहङ फे़बेया़गी दिनला ङाहगी राहङगी तेहन्‍दाला मा कोहएँगी ताम सेन नाङदोङ!” म़ेदी पावलगी मासीन।

ल़ेह-पेन 7:2

ओहले स्‍तिफनासगी ल़ेहन क्‍याहप्‍ती मासीन, “ए आदा-नो़ह दाङ आबाया़, ङाहगी माक्‍योगी ताम या़हबु पेहती सेन नाङदोङ! ङ्यिहगी चावा अब्राहाम हारान माएँ ग्‍या़ला तेहके म़ेदी तोहङले मेसोपोटामिया क्‍याहल-खापला ज़्‍य़ू नाङगेमु ज़िज्‍यिदगी किन्‍ज्‍योगी खोला ज्‍याल्‍गा नाङदी येहकें।

गलाती 1:19

यिहॱनाङ ओ़हला ङाहगी चो़वो छ्येवागी नो़ह याकूबला मिहम्‍बा लेहमेन ल़ेह-पेन सुॱलाङ माह-थु।

गलाती 2:12

याकूबगी ताङग्‍यो मिहया़ ओहङगे म़ेदी तोहङले खोगी लेहमेन क्‍यिहपाकी मिहया़ ङ्याम्‍बु तेहती साहउ येहकें। यिहॱनाङ खुङया़ ओहङ सिहन फान्‍ज्‍योनी खो लेहमेन क्‍यिहपाकी मिहया़ ङ्याम्‍बु खा फ़ेदी तेहसीन, च्‍यिबेमाना खो स्‍या-ताक पेह कोहएँ म़ेदी माएँ मिह बा़लया़ ङ्याम्‍बु ज्‍यी़दी येहकें।

गलाती 2:9

याकूब, केफास दाङ यूहन्‍ना छेन्‍छोककी गो-छ्येवा गोबाया़ यिहन्‍गे ओहले खुङ फे़बेया़गी किन्‍ज्‍योगीॱराङ ङाहला काटीन नाङग्‍यो दु माएँ ताम ङोह स्‍य़े फान्‍ज्‍यो खुङ फे़बेया़गी बारनाबास दाङ ङाहला रो़ह म़ेदी ची़नाङ पेहसीन। ओहले ङ्यिह फे़बेया़दी लेहमेन क्‍यिहपाकी मिहया़की पाहरक्‍यीला ल़ेह पेहकें काहल्‍सीन ओहले खुङ फ़ेबेया़ती यहूदीया़की पाहरक्‍यीला ल़ेह पेहकें काहल्‍सीन।

याकूब 1:1

किन्‍ज्‍यो दाङ चो़वो येशू मास्‍यीकाला स्‍याहप्‍तो स्‍युहएँगी स्‍याहप्‍च्‍यी ङाह याकूबगी दि यिहगी जाम्‍बुलीङगी माहङबु ग्‍या़ ग्‍या़ला फेतोर कोहतोर काहल्‍ग्‍यो इस्राएलगी छाङ च्‍यिङ्यी़ला प्रुहउ येहबा। ख्‍या थाम्‍ज्‍यीला ङाहती टास्‍यी-देले येहबा।

याकूब 1:19

ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, दि केच्‍या टेहम्‍बा साल्‍दी ज़्‍या़दोङ। ख्‍या ङ्यिहन्‍ज्‍येला ग्‍यो़बा ओहले ताम माज्‍ये दाङ स्‍यिहताङ पेहच्‍येलाती कुहल्‍बा ओहङ कोहएँ।