ल़ेह-पेन 15:10 - ह्योल्‍मो

¹⁰ ओ़ह सोङबे स्‍याहप्‍च्‍यीया़गी ताक्‍चाला दि ङ्यास्‍यीङ ज़्‍या़ नाङदी च्‍यिबे किन्‍ज्‍योगी छेता पेहकें? मोशागी नाङग्‍यो छ्य़े-ठिम ओहराङगी चावाया़गीॱआङ ची़ मा़हखुबा येहकें ओहले ओहराङगीॱआङ ची़ मी़हखुएँ।

ल़ेह-पेन 15:10 ပူးပေါင်းရင်းမြစ်များ

मत्ती 23:4

खुङगी लेहमेन मिहया़लादी छ्या़-छ्येपागी खुर्पु च्‍यान्‍दी काल तेर्के, यिहॱनाङ राहङदी खुर्पु खुर्च्‍येनी फारटाङ ज़्‍यो़, लाहक्‍पा जुबीगीॱआङ मे़हन्‍देएँ।

मत्ती 4:7

येशूगी खोला सुङ नाङसीन, “सुङरापला दि ल़ेहमुॱआङ प्री़हदी येह– ‘ख्‍येगी चो़वो छ्येवा राहङगी किन्‍ज्‍योला ङ्याहम-छे माहबे’।”

ल़ेह-पेन 5:9

“ख्‍या ङ्यी़गी चो़वोगी थुला च्‍यिबे ङ्याहम च्‍येच्‍ये छोल्‍गे? त़ेदोङ, ख्‍येगी ख्‍योवाला साला पिहप्‍के मिहया़ नाहरे च्‍यी़राङ कोहला लेप सिहन्‍दी येह। खुङया़गी ख्‍येॱलाङ ओ़ह ल़ेहमुराङ पेहती साला पिहप्‍च्‍ये येह” म़ेदी पत्रुसकी मासीन।

गलाती 4:9

यिहॱनाङ ता़हनी ख्‍यागी किन्‍ज्‍योला ङोह स्‍य़ेदी येहबा पे यिहॱना़: किन्‍ज्‍योगीॱराङ ख्‍याला ङोह ख्‍येन्‍दी येहबा ओ़ह सोङबे ख्‍या च्‍यिबे येहपाराङ ओङ म़ेहबा दाङ तेहन्‍दा म़ेहबा स्‍यिती काम्‍बु तामया़गी तिङदा तिङ डोएँ? ख्‍या येहपाराङ च्‍यिबे ओ़ह से़हया़गी योक्‍पु डोज्‍ये सेम्‍बा पेहकें?

गलाती 5:1

राहङवाङगी तेहन्‍दाला मास्‍यीकागी ओहराङला राहङवाङ जे नाङग्‍यो येह। ओ़ह सोङबे ख्‍या राहङवाङ मिहया़ यिहम्‍बा ओहले ख्‍यागी राहङगी राहङवाङला या़हबु पेहती सी़दे ज़्‍या़दोङ। येहपाराङ छ्य़े-ठिमगी चो़ला ज्‍युल्‍दी तेहती योक्‍पु पेहच्‍ये माहछोल!

हिब्रू 3:9

ओ़ह ग्‍या़ला ख्‍यागी आख्‍ये मे़हमेया़गी लोह ज़्‍यिप-च्‍यु थु ङाहगी पेहक्‍यो ल़ेह थोङदीॱआङ यिह मा़हछ्ये ओहले ङाहला खोक्‍पा तासीन।

हिब्रू 9:9

दिनी ताहन्‍दागी ती़हजीला पे च्‍यी़ ल़ेहमु च्‍यी़राङ यिहम्‍बा। किन्‍ज्‍योला फुल्‍ग्‍यो डेल्‍बा दाङ मार्च्‍येया़गी छ्येपा फुल्‍गे मिहती नोम्‍साङला चाङमा ज़ो मी़हखुएँ म़ेदी दिगी तेन्‍गे।