ल़ेह-पेन 14:19 - ह्योल्मो19 ओहले एन्टिओखिया दाङ आइकोनियन क्याहसाले यहूदी बा़ल च्यी़ ओहङदी मिह मिह-माहङया़ला ख्येर क्याहप्ती पावलला तोहगी क्याहप च्य़ूसीन, ओहले ता़ह पावल स्यि येहटो म़ेदी खुङगी पावलला टिहते ख्येर्ती क्याहसाकी फिला क्युर चाहङसीन। အခန်းကိုကြည့်ပါ။ |
ल़ेह-पेन 14:19
26 ပူးပေါင်းရင်းမြစ်များ
ओहले ओ़ह ग्या़ले खुङया़ छ्यु-टुहला जा़दे एन्टिओखिया क्याहसाला लो़ह काहल्सीन। ओ़ह एन्टिओखिया क्याहसाला किन्ज्योला यिह-छ्य़े पेहक्यो आदा-नो़हया़गी पावल दाङ बारनाबासला किन्ज्योगी काटीनला च्योल्दी या़हबु लेहङगु स्येच्येला ताङ चाहङग्यो येहकें ओहले खुङ ङ्यी़गी ओ़ह ल़ेहया़ सिहन्दा च्येती खुङ ङ्यि ओ़ह ग्या़लाराङ लो़ह काहल्सीन।
च्यि खुङ मास्यीकाला स्याहप्तो स्युहएँगी स्याहप्च्यीया़ यिहम्बा? ङाह तोहरोङ खुङ म़ेदी या़हबु स्याहप्तो स्युहएँगी मिह यिहम्बा– ङ्योम्बाठीॱराङ ङाह ताम माएँराङ येहबा। ङाहगी ज्यिबुराङ कादुप च्येसीन। चोन-खाङला ङाह लेहमा माहङबुराङ छ्यिसीन। टाहङजीराङ म़ेहबा थु ङाहगी ताक्स्यु साहसीन। स्यिवाकी खाला ङाह लेहमा माहङबुराङ छ्यिसीन।
ङाह कोर्याङला डोएँमु लेहमा माहङबुराङ चाङबुगी ज्यिक्पा, च्याहक्पाया़गी ज्यिक्पा, राहङदीराङ क्यिहपागी मिहया़गी ज्यिक्पा, लेहमेन क्यिहपागी मिहया़गी ज्यिक्पा, क्याहसाकी ज्यिक्पा, रिह काम्बुगी ज्यिक्पा, छो-क्याहम्जोकी ज्यिक्पा, चिहन क्याहप्के नो़हया़ लाहमले ओहङगेन्गी ज्यिक्पाला छ्यिसीन।
ङाहगी आदा-नो़ह दाङ आज्यी-नुहमुया़, ख्या फ़ेबे-म़ेहमेया़गीॱआङ मास्यीका येशूला यिह छ्य़ेक्यो यहूदीया लुहङबाला येहकेन्गी किन्ज्योकी छेन्छोकया़की पे ताएँ काहल्सीन, च्यिबेमाना यहूदीया़की छेन्छोकगी इस्राएली लाहमले काह-ठि पेहती तुहक्पु खुर्पा, ओ़ह ल़ेहमुराङ पेहती ख्या फ़ेबे-म़ेहमेया़गीॱआङ राहङदीराङ क्यिहपाकी मिहया़ ङो़ले तुहक्पु खुर नाङसीन।
ကြော်ငြာတွေ