ल़ेह-पेन 14:16 - ह्योल्मो16 ताहङबोगी मिहया़लानी किन्ज्योगी खुङया़ला राहङगी सेमला ने़जेबा पेह च्य़ूदी येहकें। အခန်းကိုကြည့်ပါ။ |
ल़ेह-पेन 14:16
10 ပူးပေါင်းရင်းမြစ်များ
च्यिबेमाना किन्ज्योगी, तिहक्पा कोहङदा तेर्केन्की मार्च्ये फुल्ज्येला मास्यीकाला ताङ नाङसीन। ओ़ह सोङबे येशूगी राहङगी कु-ठा़ ओहराङगी तेहन्दाला स्याहल च्य़ू नाङसीन म़ेदी यिह छ्य़ेगे मिह थाम्ज्यीगी तिहक्पाकी कोहङदा ज्योर्च्ये येह। दि छ्या़ले किन्ज्योगी राहङगी टाहङदेन तेन्ज्येला जे नाङसीन च्यिबेमाना मास्यीका फेप नाङगे म़ेदी तोहङले किन्ज्योगी राहङगी थुयाल ना़दी ज़्य़ू नाङदी येहकें ओहले तोहङले मिहया़गी पेहक्यो तिहक्पाया़ला नाङदा जे माहनाङ।
ओ़ह ती़हजीला ख्याया़ मास्यीका यिहन्ज्यु खा फ़ेदी तेहती येहकें। ख्याया़ किन्ज्योगी दाम नाङग्योकी क्यिहपा इस्राएलीया़ ङ्याम्बु डोलु तेहलुॱराङ म़ेहबा येहकें ओहले मिहरोगी ताहम्ज्या ज़्या़ नाङदी थि नाङग्यो ताहम्ज्याला ख्याया़ छ्यि-क्याहपा मिहया़ येहकें। ख्याया़ दि जाम्बुलीङला रेहवाराङ म़ेहबाकी मिहया़ ल़ेहमु येहकें ओहले ख्यागी किन्ज्योला ङोहॱराङ स्य़ेदी म़ेहबा येहकें।
काहल्ग्यो ङ्यिहमाया़ला लेहमेन क्यिहपागी मिहया़गी ल़ेहमु पेहती ख्याया़गी छ्येउ-छ्येंमु पेहको येहकें, ज़ुबुकी तेहन्दाला चोक्पा-चोक्पा सेमया़ थोउ येहकें, छ्याङसीवा येहकें, खाम्साङ-ङ्याहम्साङ पेहको येहकें, कुहन्डुमकी-निङगु थुङगेन्गी डेनया़ ज़्या़गो येहकें, ओहले नाम्दो लाहङज्ये ल़ेहमु कुया़ला छ्येपा फुल्दी तेहको येहकें।
ကြော်ငြာတွေ