ल़ेह-पेन 13:52 - ह्योल्‍मो

⁵² ओहले स्‍याहप्‍च्‍यीया़दी नाम्‍पार-ताहक्‍पा थुगी काहङदे सेम काहसो पेहती तेहसीन।

ल़ेह-पेन 13:52 ပူးပေါင်းရင်းမြစ်များ

मत्ती 5:12

ओहजेला ख्‍याया़ क़ेहनाङ पेहतोङ, काहसो पेहतोङ च्‍यिबेमाना ख्‍याया़गी तेहन्‍दाला स्‍यिहङगामला च्‍याहगा छ्यिम्‍बुज्‍यी ज़्‍या़दी येहबा। तोहङमा तोहङमागी लुहङतेम्‍बाया़लाॱआङ मिहया़गी दि रोहवा पेहतीराङ तुहक्‍पु तेर्ते येहकें” म़ेदी येशूगी सुङ नाङसीन।

ल़ेह-पेन 11:29

ओहले एन्‍टिओखिया क्‍याहसाला तेहकेन्‍गी चो़वो येशूगी स्‍याहप्‍च्‍यीया़गी यहूदीया लुहङबागी आदा-नो़हया़ला रो़ह पेहच्‍ये म़ेदी काहजे ला़ खाएँ डेल्‍बाया़ ती़हदे ताङज्‍ये सेम पेहसीन।

ल़ेह-पेन 2:4

ओहले खुङ थाम्‍ज्‍यीराङ नाम्‍पार-ताहक्‍पा थुगी काहङसीन ओहले खुङगी नाम्‍पार-ताहक्‍पा थु लाहमलेॱराङ ताम मा ख़ूएँगी ओङ ज्‍योर्ती राहङसा-राहङसा ताम साम्‍बाया़ माज्‍ये छ़ूसीन।

ल़ेह-पेन 2:46

ङ्यिहमा-टाहङमाराङ खुङ छ्योखाङला जोम्‍गो येहकें, ओहले खाङबा-खाङबाला सेम च्‍यी़ डी़दी क़ेहनाङ दाङ ङ्येम्‍ज्‍युङ पेहती डेन साहउ येहकें,

ल़ेह-पेन 4:31

दि रोहवा पेहती सोल्‍वाङ ताप सिहन फान्‍ज्‍यो खुङ छो़दी तेहक्‍यो ग्‍या़ युहङसीन। ओहले खुङ थाम्‍ज्‍यी नाम्‍पार-ताहक्‍पा थुगी काहङसीन ओहले खुङगी किन्‍ज्‍योगी सुङदेन मा़हन्‍ज्‍यीबा पेहती स्‍येती काहल्‍सीन।

ल़ेह-पेन 5:41

ओहले ल़ेह-पेनया़ येशूगी छेनला तुहक्‍पु दाङ स्‍ये़हन्‍डील खुर्च्‍ये सी़हसीन माएँ तामला ज्‍यिबुराङ क़ेहनाङ पेहती छो़बा क्‍याहप्‍क्‍यो ग्‍या़लेगी फिला थेन्‍दी काहल्‍सीन।

रोमी 14:17

च्‍यिबेमाना किन्‍ज्‍योगी क्‍याहल्‍सी माक्‍योदी साहज्‍ये दाङ थुङज्‍ये च्‍यी़राङ मिहम्‍बा, यिहॱनाङ नाम्‍पार-ताहक्‍पा थुला टाहङदेन, स्‍य़िहदे दाङ काहसो यिहम्‍बा।

रोमी 15:13

रेहवा नाङगे किन्‍ज्‍यो थो़ला ख्‍याया़गी यिह छ्य़ेदी येह। मिहरोगीॱराङ ख्‍याया़ला सेम काहसो दाङ स्‍य़िहदे नाङज्‍यु। ओ़हठीॱराङ पेहती नाम्‍पार-ताहक्‍पा थुगी ओङगी ख्‍यागी रेहवा तोहरोङ माहङबु माहङबु पेहती डो ख़ूज्‍यु।

रोमी 5:3

ओहजे च्‍यी़राङ मिहम्‍बा, तुहक्‍पुकी ती़हजीॱलाङ ओहराङ क़ेहनाङ पेहकें च्‍यिबेमाना तुहक्‍पुगी ओहराङला ना़ ख़ूएँकी ओङ तेर्के,

२ कोरिन्‍थी 8:2

ज्‍यिबुराङ तुहक्‍पुगी ती़हजीॱलाङ खुङया़गी सेम काहसो पेहसीन ओहले प्राङबु येहॱनाङ खुङया़गी सेम ज़ाङबु पेहती डेल्‍बा फुल्‍सीन।

गलाती 5:22

यिहॱनाङ नाम्‍पार-ताहक्‍पा थु लाहमले राहङगी डोलु-तेहलु पेहकें मिहया़गी मिहलीला दि ल़ेहमु सेदोया़ थोङगे यिहम्‍बा– मिहला चेवा पेहकें, सेम काहसो पेहकें, स्‍य़िहदेला तेहकें, ना़स्‍यीङ छ्यिम्‍बु पेहकें, निङज्‍यी पेहकें, या़हबु पेहकें, यिह-छ्य़ेबु,

१ थेसलोनिकी 1:6

ख्‍या फ़ेबे-म़ेहमेया़गी ङ्यिह दाङ चो़वोला पे तासीन, च्‍यिबेमाना नाम्‍पार-ताहक्‍पा थुगी नाङग्‍योकी सुङ ख्‍या फ़ेबे-म़ेहमेया़गी ज्‍यिबुराङ तुहक्‍पुगी ती़हजीॱलाङ सेम काहसो पेहती ल़ेहन नाङसीन।

याकूब 1:2

ए ङाहगी आदा-नो़ह दाङ आज्‍यी-नुहमुया़, नामे-नाजो तुहक्‍पु-तुहङालया़ ओहङगेमु सेम काहसो पेहतोङ।

१ पत्रुस 4:13

यिहॱनाङ मास्‍यीकाकी तुहक्‍पु ख्‍यागीॱआङ ङ्याम्‍बुराङ खुर ङ्युहङगेमु क़ेहनाङ पेहतोङ, ओहले मास्‍यीका राहङगी ज़िज्‍यिद छ्यिम्‍बुला फेप नाङगेमु ख्‍याॱआङ क़ेहनाङ दाङ सेम काहसो पेह ख़ूज्‍ये येह।