ल़ेह-पेन 13:47 - ह्योल्‍मो

⁴⁷ चो़वो छ्येवागीराङ ङ्यिहला दि ल़ेहमु पेहतोङ सुङदी का नाङदी येह– ‘जाम्‍बुलीङगी फार्केन सुहर थु मिहया़गी थार्पा ज्‍योर्च्‍यु म़ेदी ङाहगी ख्‍याया़ला लेहमेन क्‍यिहपागी मिहया़गी पाहरक्‍यीला क्‍या-साङे डो च्‍य़ूज्‍येला ताङग्‍यो यिहन’।”

ल़ेह-पेन 13:47 ပူးပေါင်းရင်းမြစ်များ

मत्ती 28:19

ओ़ह सोङबे ता़ह ख्‍याया़ काहल्‍दी थाम्‍ज्‍यीराङ क्‍यिहपाया़ला स्‍याहप्‍च्‍यी जे़दोङ। खुङया़ला किन्‍ज्‍यो याहप, स़ेबु दाङ नाम्‍पार-ताहक्‍पा थुगी छेनला बप्‍तिस्‍मा तेर,

मर्कूस 16:15

ओ़ह तिङले येशूगी खुङया़ला सुङ नाङसीन, “जाम्‍बुलीङ थाम्‍ज्‍यीला काहल्‍दी मिह थाम्‍ज्‍यीलाराङ या़हबु लेहङगु स्‍येतोङ!

लूका 2:32

मिह-रो़हराङ लेहमेन क्‍यिहपागी मिहया़ला राहङगी लाहम तेन नाङगेन येहसेर यिहम्‍बा, ओहले मिह-रो़हराङ राहङगी इस्राएली क्‍यिहपाया़गी तेहन्‍दाला ज़िज्‍यिद यिहम्‍बा।”

लूका 24:47

ओहले यरूशलेम यिहन्‍ज्‍यु छ़ूदी थाम्‍ज्‍यीराङ क्‍यिहपाया़ला येशूगी छेनला राहङगी सेमगी स्‍या़बा पेहती तिहक्‍पा पाङसीन माना तिहक्‍पागी स्‍या़बा ज्‍योर्च्‍ये येह माएँ तामगी तेहन्‍दाला स्‍येॱराङ कोहच्‍ये येह।

ल़ेह-पेन 1:8

यिहॱनाङ नाम्‍पार-ताहक्‍पा थु ख्‍याया़ थो़ला फेप नाङ फान्‍ज्‍यो ख्‍यागी ओङ ज्‍योर्च्‍ये येह। ओ़ह तिङले ख्‍याया़ यरूशलेम क्‍याहसाला, थाम्‍ज्‍यी यहूदीयाला, सामरिया साने़या़ला, ओहले जाम्‍बुलीङ छ्यो़ ज़्‍यिगालाॱराङ ख्‍या ङाहगी पाङबु ओ़हङज्‍ये येह।”

ल़ेह-पेन 22:21

ओहले चो़वोगी सुङ नाङसीन, ‘ख्‍ये सोङ, ङाहगी ख्‍येला लेहमेन क्‍यिहपागी मिहया़साला था़-रिहङबु रिहङबु थु ताङज्‍ये येह’!”

ल़ेह-पेन 26:23

थार्पा नाङगेन क्‍याहल्‍बु मास्‍यीकागी तुहक्‍पु खुर्ती टोहङ कोहच्‍ये येह, ओहले चो़वो टोहङग्‍योलेगी सोम्‍बो ज़्‍याङ नाङगेया़ नाहङले थाम्‍ज्‍यी म़ेदी तोहङस्‍यो ओहङज्‍ये येह ओहले चो़वोगी राहङगी क्‍या-साङेगी तेहन्‍दाला यहूदीया़ दाङ लेहमेन क्‍यिहपागी मिहया़ॱलाङ स्‍ये नाङज्‍ये येह, दि तामया़नी लुहङतेम्‍बाया़गीॱआङ सुङनाङ सिहन्‍दी येहकें।”

ल़ेह-पेन 9:15

यिहॱनाङ चो़वो छ्येवागी हननिया़ला सुङ नाङसीन, “ख्‍ये सोङ, च्‍यिबेमाना लेहमेन क्‍यिहपाया़ला, क्‍याहल्‍बुया़ला ओहले इस्राएली छार्क्‍यीनया़गी दिनला ङाहगी मिहन ङोह स्‍य़े च्‍य़ूज्‍येला ङाहगी खोला दाम्‍दी येह।