ल़ेह-पेन 13:23 - ह्योल्‍मो

²³ राहङगी ज़्‍या़ नाङग्‍योकी ताहम्‍ज्‍या तेहन्‍दा डुप च्‍यु नाङदी किन्‍ज्‍योगी इस्राएली क्‍याहल-खापकी मिहया़गी तेहन्‍दाला क्‍याहल्‍बु दाऊदगी क्‍यिहलेगीराङ थार्पा थोप च्‍य़ू नाङगेन मेहन्‍दा च्‍यी़ ताङ नाङसीन, ओ़हदीॱराङ येशू यिहम्‍बा।

ल़ेह-पेन 13:23 ပူးပေါင်းရင်းမြစ်များ

मत्ती 1:1

अब्राहाम दाङ दाऊदकी छार्क्‍यीन येशू मास्‍यीकाकी क्‍यिहया़–

मत्ती 1:21

मोहगी स़ेबु च्‍यी़ ठुङज्‍ये येह, ओहले ख्‍येगी ओ़ह स़ेबुगी छेन येशू ज़्‍या़दोङ च्‍यिबेमाना येशूगी राहङगी मिहया़ला तिहक्‍पालेगी थार च्‍य़ू नाङज्‍ये येह” म़ेदी सुङ नाङसीन।

मत्ती 21:9

येशूगी तोहङ तिङ ओहङगे मिह मिह-माहङया़गी दि ल़ेहमु म़ेदी क़े तेन्‍सीन, “दाऊदगी स़ेबुला होसन्‍ना ओहङज्‍यु! चो़वो किन्‍ज्‍योगी छेनला फेप नाङगेन्‍दी काहजे सोनाम-साक्‍पु! थाम्‍ज्‍यी म़ेदी थो़ला स्‍यिहङगामला ज़्‍य़ू नाङगेन किन्‍ज्‍योला होसन्‍ना ओहङज्‍यु!”

मत्ती 22:42

“थार्पा नाङगे क्‍याहल्‍बु मास्‍यीकाकी तेहन्‍दाला ख्‍याया़ च्‍यि साम्‍लु ताङगो येहबा? खो सुगी स़ेबु यिहम्‍बा?” खुङया़गी मासीन, “खोनी दाऊदकी स़ेबु यिहम्‍बा।”

लूका 1:69

किन्‍ज्‍योगी ङाहगी तेहन्‍दाला राहङला स्‍याहप्‍तो स्‍युहएँ दाऊदगी क्‍यिह ङो़ले थार्पा थोप च्‍य़ू नाङगेन ओङ छ्यिम्‍बु मेहन्‍दा च्‍यी़ ताङ नाङदी येह,

यूहन्‍ना 4:42

ओहले खुङया़गी ओ़ह पी़हमीला मासीन, “ता़ह ख्‍येगी स्‍य़ेक्‍यो तामगी च्‍यी़राङ पेहती ङ्यिहगी यिह छ्य़ेक्‍यो मिहम्‍बा, यिहॱनाङ ङ्यिह राहङगीराङ मिहरोगी सुङदेन ङ्यिहन्‍ग्‍यो सोङबे तेहम्‍बा-तेहन्‍सुमॱराङ मिहरो जाम्‍बुलीङगी मिहया़ला थार्पा थोप च्‍य़ू नाङगेन्‍दी यिहम्‍बा दु म़ेदी ङ्यिहगी ङोह स्‍य़ेदी येह।”

यूहन्‍ना 7:42

मास्‍यीका नि दाऊदकी क्‍यिह दाङ दाऊदकी युहल बेथलेहेमलेॱराङ फेप नाङज्‍ये येह म़ेदी च्‍यि सुङरापला प्रुहक्‍यो म़ेहबा ले?”

ल़ेह-पेन 13:32

किन्‍ज्‍योगी ओहराङगी आख्‍ये मे़हमेया़ ङ्याम्‍बु ज़्‍या़ नाङग्‍योकी ताहम्‍ज्‍या दाङ या़हबु लेहङगुगी तामया़ ता़ह ङ्यिहगी राहङ फे़बेया़ला स्‍येको येह।

ल़ेह-पेन 2:30

यिहॱनाङ क्‍याहल्‍बु दाऊद लुहङतेम्‍बा यिहन्‍गे, ओहले खोगी छार्क्‍यीनलेगीराङ मेहन्‍दा च्‍यी़ खोगी ज़्‍य़ू-ठिला ज़्‍य़ू च्‍य़ू नाङज्‍ये येह म़ेदी खोला क्‍यी़ह येहकें। च्‍यिबेमाना किन्‍ज्‍योगी खो ङ्याम्‍बु दि ताहम्‍ज्‍या ज़्‍या़ नाङदी येहकें।

ल़ेह-पेन 3:26

ख्‍या फे़बे ऱेह-ऱेहला राहङगी ङ्येहम्‍बा ल़ेहया़ ङो़ले लो़-ख्‍योङदी ख्‍या फे़बेया़ला ओ़ह मेलाम नाङज्‍ये सुङदी किन्‍ज्‍योगी राहङला स्‍याहप्‍तो स्‍युहएँ येशूला थाम्‍ज्‍यी म़ेदी तोहङले ख्‍या फे़बेया़साला ताङ नाङसीन।”

ल़ेह-पेन 4:12

चो़वो येशू च्‍यी़गी मिहम्‍बा लेहमेन सुगीॱआङ थार्पा थोप च्‍य़ू मी़हखुएँ। किन्‍ज्‍योगी येशूगी छेन मिहम्‍बानी जाम्‍बुलीङला लेहमेन च्‍यिॱआङ मिहन नाङदी म़ेह।”

रोमी 1:3

ओ़ह या़हबु लेहङगुदी किन्‍ज्‍योगी स़ेबु ओहराङ चो़वो येशू मास्‍यीकाकी तेहन्‍दाला यिहम्‍बा। ओहले मिहरो मिहगी मिहली नोम्‍दी क्‍याहल्‍बु दाऊदगी क्‍यिहला ठुङ नाङसीन।

रोमी 11:26

दि ल़ेहमु पेहती थाम्‍ज्‍यी इस्राएलीया़गी थार्पा थोप्‍च्‍ये येह, दिगी तेहन्‍दाला छ्य़ेला दि ल़ेहमु प्री़हदी येहबा: थार्पा नाङगेन्‍दी सियोन लाहमले फेप नाङज्‍ये येह, याकूबकी क्‍यिहया़ला ल़ेह चोक्‍पालेगी सेम ग्‍युर च्‍य़ू नाङज्‍ये येह।

तीतस 1:4

ङ्यिह यिह-छ्य़े च्‍यी़ला येहकेन्‍गी ङाहती तेहन्‍दामगी पुह तीतसला दि यिहगी प्रुहएँॱराङ येहबा। किन्‍ज्‍यो याहप दाङ ओहराङला थार्पा नाङगेन्‍गी मास्‍यीका येशूगी ख्‍याया़ला काटीन दाङ स्‍य़िहदे नाङज्‍यु।

२ पत्रुस 1:1

येशू मास्‍यीकाकी योक्‍पु दाङ ल़ेह-पेन सिमोन-पत्रुस लाहमले, ओहले ओहराङगी किन्‍ज्‍यो दाङ थार्पा नाङगेन येशू मास्‍यीकाकी टाहङदेन लाहमले ङ्यिहती ल़ेहमुराङ चा़ छ्यिम्‍बु तेहपा ज्‍योर्केनया़ला:

२ पत्रुस 1:11

दि ल़ेहमु पेहती ओहराङकी चो़वो दाङ थार्पा नाङगेन येशू मास्‍यीकाकी नाहम्‍स्‍यी किन्‍दु लिहकेन्‍गी क्‍याहल-खाप नाहङला ख्‍याया़ला ज्‍यिबुराङ चा़ छ्यिम्‍बु जेती फेप स्‍युह नाङज्‍ये येह।

२ पत्रुस 2:20

यिहॱनाङ का़हलेॱआङ खुङया़गी ओहराङगी चो़वो दाङ थार्पा नाङगेन येशू मास्‍यीकाला ङोह स्‍य़ेदीॱआङ जाम्‍बुलीङकी चोक्‍पा लाहमला छ्यि च्‍य़ूगे ल़ेहया़लेगी स्‍योर सिहन्‍दी तिङले येहपाराङ तिहक्‍पाला छ्यिती ओ़हगी ओङला छ्यिसीमाना, खुङया़गी गादी तोहङमादी म़ेदीॱआङ जेन माहङबु चोक्‍पा ओहङज्‍ये येह।

२ पत्रुस 3:18

यिहॱनाङ ओहराङ चो़वो दाङ थार्पा नाङगेन येशू मास्‍यीकाकी काटीन दाङ येहन्‍देनला याहरक्‍यी पेहती सोङ। मिह-रो़हलाॱराङ ताहन्‍दा दाङ नाहम-माना ज़िज्‍यिद ओहङज्‍यु। आमेन।

२ पत्रुस 3:2

काहल्‍ग्‍यो ती़हजीला नाम्‍पार-ताहक्‍पा लुहङतेम्‍बाया़गी नाङग्‍योकी लुहङ दाङ ख्‍या फे़बेया़की ल़ेह-पेनया़गी सुङ नाङग्‍योकी ओहराङ चो़वो दाङ थार्पा नाङगे मास्‍यीकाकी काया़ ख्‍याया़गी टेहम्‍बा साल कोहएँ।

१ यूहन्‍ना 4:14

किन्‍ज्‍यो याहपगी राहङगी स़ेबुला जाम्‍बुलीङला थार्पा नाङज्‍येला ताङ नाङग्‍यो ङ्यिहगी थोङसीन ओहले ताहन्‍दा ङ्यिह दिगी पाङबु तेर्के।

यहूदा 1:25

ओ़ह च्‍यिमे च्‍यी़राङ किन्‍ज्‍यो, ओहराङला थार्पा नाङगेन येशू मास्‍यीका ओहराङ चो़वो लाहमले ज़िज्‍यिद, ची़नाङ, स्‍युक, ओङ काल्‍बा-काल्‍बा तोहङ यिहन्‍ज्‍यु ताहन्‍दा दाङ छे दाङ छे ओहङज्‍यु। आमेन।

ज्‍याल्‍गा 22:16

“ङाह येशूगी ङाहती स्‍यिहङगामकी स्‍याहप्‍च्‍यीला छेन्‍छोकला येहकेन्‍की मिह थाम्‍ज्‍यीगी दि तामया़ क्‍यी़ह ज्‍योर्च्‍यु म़ेदी ङाहगी खोला ख्‍येसाला ताङ चाहङदी येह। क्‍याहल्‍बु दाऊदकी चाङर्यी दाङ छार्क्‍यीनॱआङ ङाहराङ यिहन ओहले येहपा छ्या़गे थोराङ कार्च्‍येनॱआङ ङाहराङ यिहन।”