ल़ेह-पेन 13:12 - ह्योल्‍मो

¹² चो़वो छ्येवागी सुङदेनला दि ल़ेहमु ओङ छ्यिम्‍बु थोङदी सर्गियस पौलुस ह्‍अ ल़ेहसीन, ओहले खोगी चो़वो छ्येवाला सेमले खाल्‍सीन।

ल़ेह-पेन 13:12 ပူးပေါင်းရင်းမြစ်များ

मत्ती 27:54

साङगुल काहल्‍ग्‍यो दाङ ओ़हला काहल्‍ग्‍योगी थाम्‍ज्‍यीराङ से़हया़ थोङदी येशूला सुङदी तेहक्‍यो माक्‍मीया़ दाङ खुङया़गी माक्‍पेन ज्‍यिबुराङ ज्‍यी़सीन। ओहले खुङया़गी, “तेहम्‍बाराङ खोनी किन्‍ज्‍योगी स़ेबुराङ यिहम्‍बा दुबा” म़ेदी मासीन।

लूका 4:22

ओहले मिह थाम्‍ज्‍यीगीराङ येशूला तेपा फुल्‍सीन। येशूगी काटीनगी काहङग्‍योगी स्‍याहल थे़दी खुङ ह्‍अ ल़ेहसीन। ओहले च्‍यी़गी च्‍यी़ला मामा चे़दी, “दिनी योसेफकी पुह मिहम्‍बा ले?”

लूका 7:16

येशूगी याहम्‍जेम्‍बागी छ्या़ले थोङदी मिह थाम्‍ज्‍यीराङ ह्‍अ ल़ेहसीन। ओहले किन्‍ज्‍योला ज्‍यिक्‍पा पेहती त़ेरा फुल्‍दी मासीन “ज्‍यिबुराङ चा़ छ्यिम्‍बुगी लुहङतेम्‍बा च्‍यी़ ओहराङगी पाहरक्‍यीलाॱआङ फेप नाङसीन दु, ओहले किन्‍ज्‍यो राहङगी मिहया़ला थार च्‍य़ूज्‍येला फेप नाङग्‍यो यिहन!”

यूहन्‍ना 7:46

ओहले माक्‍मीया़गी मासीन, “दि मिहगी ल़ेहमु नि नाहरे थु सु मिह च्‍यी़गीॱआङ ताम म़ेदी म़ेह!”

ल़ेह-पेन 13:48

दि ताम थे़दी लेहमेन क्‍यिहपागी मिहया़ क़ेहनाङ पेहती किन्‍ज्‍योगी नाङग्‍योकी या़हबु लेहङगुला ची़नाङ पेहसीन। ओहले नाहमॱआङ स्‍यिज्‍ये म़ेहबागी मिहली ज़ाङबु थोप्‍च्‍येला दाम्‍ग्‍योया़गी चो़वो छ्येवा येशूला यिह-छ्य़े पेहसीन।

ल़ेह-पेन 13:49

चो़वोगी सुङ ओ़ह लुहङबागी थाम्‍ज्‍यीराङ ग्‍या़या़ला टाहम्‍सीन।

ल़ेह-पेन 13:7

ओहले खो साइप्रस छोलिङगी रोमी स्‍युहङ-पेन सर्गियस पौलुसकी खाङबाला डे़देराङ तेहको येहकें। सर्गियस पौलुस रिहक्‍पा छ्यिम्‍बु येहकेन्‍गी मिह येहकें। ओहले खोगी किन्‍ज्‍योगी सुङ ङ्यिहन्‍ज्‍ये सेम पेहती बारनाबास दाङ शाऊलला क़े क्‍याहप्‍च्‍येला ताङ चाहङसीन।

ल़ेह-पेन 13:8

यिहॱनाङ मी़रिप तेन्‍गे एलुमासगी (ग्रीक क़ेलुला एलुमास माक्‍योदी मी़रिप तेन्‍गेन्‍गी मिह यिहम्‍बा) बारनाबास दाङ शाऊलला तुहक्‍पु तेर्ती स्‍युहङ-पेन छ्यिम्‍बुगी येशूला यिह-छ्य़े माहबेच्‍यु म़ेदी लो़ज्‍ये छोल्‍सीन।

ल़ेह-पेन 15:35

पावल दाङ बारनाबासती लोप्‍च्‍युङ तेर्केॱराङ चो़वोगी सुङ स्‍येती लेहमेन मिहया़ ङ्याम्‍बु एन्‍टिओखियाला तेहसीन।

ल़ेह-पेन 15:36

ङ्यिहमा तोबा तिङले पावलगी बारनाबासला, “डो, ओहराङगी लेहङगु स्‍ये ज़्‍या़क्‍योगी क्‍याहसाया़ला काहल्‍दी येहपाराङ लेहमा च्‍यी़ थु डोएँ। ओहले ओ़हला तेहकेन्‍गी चो़वो छ्येवा येशूला यिह-छ्य़े पेहकेन्‍गी आदा-नो़हया़ काहन्‍डुमु दुबा म़ेदी ङ्याहम च्‍येच्‍ये” म़ेदी मासीन।

ल़ेह-पेन 18:12

ओहले गलियोन मिहन थो़क्‍योगी रोमी मिह च्‍यी़ अखैया लुहङबाला स्‍युहङ-पेन छ्यिम्‍बु काहल्‍सीन। ओहजे काहङला यहूदी थाम्‍ज्‍यी रुहप्‍ती पावलला ज़ुङसीन। ओहले ठिम-खाङला ख्‍येर्ती मासीन,

ल़ेह-पेन 19:10

ओहले लोह ङ्यी़ थु ओ़हठी पेहतीराङ तेहसीन ओहले दि ल़ेहमु पेहती एशिया क्‍याहल-खाप छ्यिम्‍बुला तेहकेन्‍गी यहूदी दाङ ग्रीक क्‍यिहपागी मिह थाम्‍ज्‍यीगी चो़वोगी सुङ ङ्यिहन्‍सीन।

ल़ेह-पेन 19:20

दिठी पेहती चो़वोगी सुङ स्‍युक छ्यिम्‍बु पेहती टाहम्‍दी काहल्‍सीन।

ल़ेह-पेन 19:38

डेमेत्रियस दाङ खोगी ल़ेह पेहकें रो़हया़ला स्‍यिहताङ येहसीमाना खुङ ठिम ताङगे खाङबाला काहल्‍दी ताम मा ख़ूज्‍ये येह।

ल़ेह-पेन 19:7

खुङ मेहन्‍दा च्‍यिङ्यी़जे येहकें।

ल़ेह-पेन 28:7

ओ़ह छोलिङकी पब्‍लियस मिहन थो़क्‍यो गोबागी खाङसा-स्‍यिहङसा ओ़ह ग्‍या़ पोह पोहलाराङ येहकें। पब्‍लियसकी ङ्यिहला खोगी खाङबाला फेप स्‍युहसीन। ओहले ङ्यिह खोगी खाङबाला डोम्‍बो पेहती स्‍याहक्‍पु सुम थु तेहसीन।

ल़ेह-पेन 6:10

यिहॱनाङ नाम्‍पार-ताहक्‍पा थुगी स्‍तिफनासला दि ल़ेहमु रिहक्‍स्‍यी नाङसीन खोगी ताम माएँमु सुगीॱआङ ल़ेहन क्‍याहप मा़हखु।

ल़ेह-पेन 8:25

राहङगी पाङबु दाङ किन्‍ज्‍योगी सुङ स्‍ये फान्‍ज्‍यो पत्रुस दाङ यूहन्‍ना यरूशलेम ङो़ले लो़ह काहल्‍सीन। ओहले लो़हदी ओहङगेमु खुङया़गी सामरिया साने़की युहलया़ला स्‍य़ूहदी या़हबु लेहङगुगी तामया़ स्‍येसीन।