ल़ेह-पेन 12:3 - ह्योल्‍मो

³ दि ल़ेहला यहूदीया़ क़ेहनाङ पेहक्‍यो थोङदी हेरोद क्‍याहल्‍बुगी पत्रुसॱलाङ ज़ुङज्‍ये छोल्‍सीन। ओ़ह ती़हजीला यहूदीया़की थार्पा छ्येपा येहकें।

ल़ेह-पेन 12:3 ပူးပေါင်းရင်းမြစ်များ

मत्ती 26:17

ता़ह खमिर मा़हलुबागी खुरा साहएँ थार्पा ती़हसाङगी तोहङस्‍यो ङ्यिहमु स्‍याहप्‍च्‍यीया़ येशूसाला ओहङदी, “राहङगी तेहन्‍दाला थार्पा ती़हसाङगी साहप्‍च्‍याया़ का़हला ठाबे पेहतोङ लाह?” म़ेदी टी़हसीन।

यूहन्‍ना 12:43

खुङया़गी किन्‍ज्‍यो लाहमले म़ेदीॱआङ मिहया़गी क्‍या़क्‍योदी या़हबु ने़उ येहकें।

यूहन्‍ना 19:11

ओहले येशूगी सुङ नाङसीन, “किन्‍ज्‍योगी याहर यिहन्‍ज्‍यु माहनाङबा यिहनानी राहङदी ङाह थो़ला च्‍यिॱआङ ओङ मेहयोङज्‍ये येहकें। ओ़ह सोङबे ङाहला राहङगी छ्या़ला चि क्‍याहप्‍केन्‍दीला तोहरोङ माहङबु तिहक्‍पाकी फातुर फो़ज्‍ये येह।”

यूहन्‍ना 21:18

तेहम्‍बाराङ ङाह ख्‍येला माएँ, ख्‍ये स्‍यारा येहकेंमु राहङगी कारा राहङगीराङ च्‍यिङगो येहकें, ओहले का़हला सेम थेप्‍कें ओ़हलाराङ डोउ येहकें। यिहॱनाङ केहपु काहल फान्‍ज्‍यो ख्‍येगी राहङगी लाहक्‍पा क्‍याङज्‍ये येह, ओहले लेहमेन मिहगी ख्‍येला कारा च्‍यिङ तेर्च्‍ये येह, ओहले ख्‍येला सेम मेहथेप्‍केन ग्‍या़ला ख्‍येर्च्‍ये येह।”

ल़ेह-पेन 12:4

ओहले हेरोद क्‍याहल्‍बुगी पत्रुसला ज़ुङदे चोन-खाङला लू़सीन, ओहले थार्पा छ्येपा तिङले खोला मिहया़गी दिनला ख्‍योङज्‍ये साम्‍लु ताङदे खोला सुङज्‍येला माक्‍मी मेहन्‍दा च्‍यी़रुला मिह ज़्‍यि ज़्‍यिगी छो़बा जे़दे चि क्‍याहप्‍सीन।

ल़ेह-पेन 2:14

ओहले पत्रुस ल़ेह-पेन च्‍यू़ज्‍यी ङ्याम्‍बु लाहङदी मिह थाम्‍ज्‍यीगी थे़गेन पेहती मासीन, “ए यहूदीयागी रो़हया़ दाङ यरूशलेमला ज़्‍य़ू नाङगेन्‍गी आदा-नो़हया़, देला च्‍यि काहल्‍ग्‍यो माएँ ताम ङाह ख्‍याला ङोह स्‍य़े च्‍य़ूएँ। ता़ह ङाहगी माज्‍ये पेहक्‍योगी ताम या़हबु पेहती सेन नाङदोङ।

ल़ेह-पेन 20:6

ओहले ङ्यिहदी थार्पा छ्येपा सिहन फान्‍ज्‍यो फिलिप्‍पी क्‍याहसाले छ्यु-टुहला जा़सीन। ओहले ङ्यिहमा ङा तिङले त्रोआस क्‍याहसाला लेप्‍ती रो़हया़ला थ़ूसीन। ओहले ङ्यिह ओ़हला स्‍याहक्‍पु तिहन थु तेहसीन।

ल़ेह-पेन 24:27

ओहले लोह ङ्यी़ तिङले फेलिक्‍सकी छापला पर्किअस फेस्‍तस माएँ स्‍युहङ-पेन छ्यिम्‍बु च्‍यी़ ओहङसीन। ओहले फेलिक्‍सगी यहूदीया़ला क़ेहनाङ लाहङ च्‍य़ूज्‍येला पावलला चोन-खाङलाराङ ज़्‍या़सीन।

ल़ेह-पेन 25:9

ओहले फेस्‍तसगी यहूदीया़ला क़ेहनाङ लाहङ च्‍य़ूज्‍येला पावलला मासीन, “ख्‍येला ङाह यरूशलेमला ताङ चाहङगे ओहले दि तामगी तेहन्‍दाला ख्‍येगी ठिम ओ़हलाराङ ताङ तेर्कें, मेहयोहङगे ले?” म़ेदी टी़हसीन।

ल़ेह-पेन 4:13

पत्रुस दाङ यूहन्‍ना माहङबु मा़हटाहबा मिह यिहन्‍गे यिहॱनाङ खुङ ङ्यी़गी मा़हन्‍ज्‍यीबा पेहती ताम मासीन। दि थोङदी मिह थाम्‍ज्‍यी ह्‍अ ल़ेहसीन। ओहले खुङया़गी पत्रुस दाङ यूहन्‍ना येशू ङ्याम्‍बुराङ तेहक्‍यो दु म़ेदी क्‍यी़ह ज्‍योर्सीन।

गलाती 1:10

ङाहगी मिहया़ला क़ेहनाङ लाहङ च्‍य़ूज्‍ये छोल्‍ग्‍यो यिहनॱराङ मिहन ङाहगीनी किन्‍ज्‍योकी थु गा काहसो डो च्‍य़ूज्‍ये छोल्‍ग्‍यो यिहम्‍बा। का़हलेॱआङ ङाहगी तोहरोङॱआङ मिहया़ला क़ेहनाङ लाहङ च्‍य़ूज्‍ये छोल्‍ग्‍यो यिहन्‍सीन मानानी ङाह मास्‍यीकाकी लाबु डोज्‍ये म़ेहबा येहकें।

१ थेसलोनिकी 2:4

यिहॱनाङ लेहङगु या़हबु चि क्‍याहप्‍च्‍येला किन्‍ज्‍योगी ओहराङला यिह-छ्य़ेबु ज़ी़ नाङसीन। ओ़ह सोङबे मिहया़ला क़ेहनाङ लाहङ च्‍य़ूज्‍येला मिहम्‍बा, यिहॱनाङ ओहराङगी सेम ज़ी़ नाङगेन किन्‍ज्‍योकी थु काहसो ज़ोज्‍येला ङ्यिह किन्‍ज्‍योला थु-ङ्ये़हएँकी तामया़ माउ येह।