ल़ेह-पेन 12:25 - ह्योल्‍मो

²⁵ बारनाबास दाङ शाऊल राहङगी ल़ेह सिहन्‍दा च्‍ये फान्‍ज्‍यो यरूशलेमले लो़ह काहल्‍सीन। खुङया़ मर्कूस माएँ यूहन्‍नाला राहङ ङ्याम्‍बुराङ ख्‍येर्ती यरूशलेमले एन्‍टिओखिया क्‍याहसाला लो़ह ओहङसीन।

ल़ेह-पेन 12:25 ပူးပေါင်းရင်းမြစ်များ

ल़ेह-पेन 12:12

दि ताम ह्‍अ कोह फान्‍ज्‍यो खो मर्कूस माएँ यूहन्‍नागी आमा, मरियमगी खाङबाला काहल्‍सीन। ओ़हला मिह माहङबुराङ जोम्‍दी किन्‍ज्‍योला सोल्‍वाङ ताप तेहती येहकें।

ल़ेह-पेन 15:35

पावल दाङ बारनाबासती लोप्‍च्‍युङ तेर्केॱराङ चो़वोगी सुङ स्‍येती लेहमेन मिहया़ ङ्याम्‍बु एन्‍टिओखियाला तेहसीन।

ल़ेह-पेन 15:37

ओहले बारनाबासकी मर्कूस माएँ यूहन्‍नालाॱआङ ङ्याम्‍बुराङ ख्‍येर्ती डोज्‍ये सेम पेहसीन।

ल़ेह-पेन 4:36

ता़ह साइप्रस क्‍याहल-खापगी लेवी माएँ क्‍यिहपागी योसेफ, खोला ल़ेह-पेनया़गी बारनाबास माएँ मिहन ज़्‍या़क्‍यो येहकें, (दि माक्‍यो तेहन्‍दादी लेहमेन मिहला निङरु दाङ स्‍युक क्‍ये च्‍य़ूएँगी मिह यिहम्‍बा।)

कलस्‍सी 4:10

ङाह ङ्याम्‍बुराङ चोन-खाङला येहकेन अरिस्‍तार्खसगी ख्‍याया़ला टास्‍यी-देले ताङदी येह। बारनाबासकी नो़ह मर्कूसगीॱआङ ख्‍याला टास्‍यी-देले ताङदे येह। (खोगी तेहन्‍दाला ङाहगी ख्‍याया़ला तोहङलेराङ मा सिहन्‍दी येह, खो ओहङसीमाना खोला फेप स्‍यी़हदोङ।)

२ तिमोथी 4:11

ङाह ङ्याम्‍बुनी नाहरे लूका च्‍यी़राङ येहबा। मर्कूसला ख्‍ये ङ्याम्‍बुराङ ख्‍योङदी स्‍यो, च्‍यिबेमाना खोगी ङाहगी ल़ेहला माहङबुराङ रो़हराम पेह ख़ूज्‍ये येह।

फिलेमोन 1:24

ओ़ह ल़ेहमुराङ पेहती ङाह ङ्याम्‍बु-ङ्याम्‍बुराङ ल़ेह पेहकेन्‍गी रो़ह मर्कूस, अरिस्‍तार्खस, डेमास दाङ लूकागीॱआङ टास्‍यी-देले ताङदी येह

१ पत्रुस 5:13

ख्‍याया़ ङ्याम्‍बु-ङ्याम्‍बुराङ किन्‍ज्‍योगी दाम नाङग्‍यो बेबिलोनकी छेन्‍छोक दाङ ङाहगी पुह मर्कूसगीॱआङ ख्‍याया़ला टास्‍यी-देले ताङदी येहबा।