ल़ेह-पेन 11:23 - ह्योल्मो23 एन्टिओखियाला लेप्केमु किन्ज्योगी ओ़ह मिहया़ला थुज्यी ज़ी़दी मेलाम नाङग्यो थोङदी बारनाबास ज्यिबुराङ क़ेहनाङ पेहसीन। ओहले खोगी खुङया़ला चो़वोला राहङ सेम तिहङ यिहन्ज्युराङ यिह छ्य़ेदोङ म़ेदी आ़र क्ये च्य़ूसीन। အခန်းကိုကြည့်ပါ။ |
ल़ेह-पेन 11:23
37 ပူးပေါင်းရင်းမြစ်များ
ओहले खुङ ङ्यी़गी ओ़ह ग्या़ला येहकेन्गी चो़वो छ्येवागी स्याहप्च्यीया़ला यिह-छ्य़ेला सान्दी ज़ोएँॱराङ किन्ज्योला यिह छ्य़ेदी तेहच्येला स्युक क्ये च्य़ूसीन। सेमले खाल्दी थिक-चि पेहती तेहच्येला आ़र क्ये च्य़ूसीन। किन्ज्योगी क्याहल्सीला लेप्कें म़ेदी तोहङले ओहराङगी माहङबुराङ तुहक्पु खुर कोहज्ये येह म़ेदी लोप्ताम क्याहप्सीन।
ओहले ओ़ह ग्या़ले खुङया़ छ्यु-टुहला जा़दे एन्टिओखिया क्याहसाला लो़ह काहल्सीन। ओ़ह एन्टिओखिया क्याहसाला किन्ज्योला यिह-छ्य़े पेहक्यो आदा-नो़हया़गी पावल दाङ बारनाबासला किन्ज्योगी काटीनला च्योल्दी या़हबु लेहङगु स्येच्येला ताङ चाहङग्यो येहकें ओहले खुङ ङ्यी़गी ओ़ह ल़ेहया़ सिहन्दा च्येती खुङ ङ्यि ओ़ह ग्या़लाराङ लो़ह काहल्सीन।
ता़हनी ङाहगी ख्या फे़बेया़ला किन्ज्योगी छ्या़ला च्योल्गो येहबा। किन्ज्योगी ओहराङला थुज्यी ज़ी़ नाङगेन माएँगी सुङ सेमला ज़ुङदी टेहम्बा माहच्येहप्पा पेहती तेहतोङ। ओ़ह सुङगी पेहतीराङ किन्ज्योगी ख्या फे़बेया़ला यिह-छ्य़ेला स्युक क्ये च्य़ू नाङज्ये येह ओहले राहङगी मिहया़ला मेलाम थोप्केन्गी मिहया़ ज़ो नाङज्ये येह।
दि या़हबु लेहङगु ख्या सालाॱआङ ओहङदी येह, ओहले तेहम्बाराङ मिहया़ला मेलाम ख्योङगेराङ जाम्बुलीङ काहङ्येॱराङ टाहम्दी डोॱराङ येहबा। ख्यागी किन्ज्योकी काटीनकी तेहन्दाला तेहन्दामकी ताम थे़क्यो दाङ ङोह स्य़ेक्यो ङ्यिहमा यिहन्ज्यु ता़ह या़हबु लेहङगुगी ख्याया़गी पाहरक्यीलाॱआङ ओ़हठीॱराङ पेहती छ्या़ले जे नाङगेराङ येहबा,
च्यिबेमाना माहङबुराङ तोहङले ङ्य़ेहबा फो़ज्ये सी़ह सिहन्ग्योकी लाहला मिहया़ खाजुम्बाला ख्या फे़बे मे़हमेया़की पाहरक्यीला स्युहसीहन्दी येह। खुङ किन्ज्योला मेहक्याप्केन्गी मिहया़ यिहम्बा, खुङगी ओहराङकी किन्ज्योकी काटीनला ल़ेह ङ्येहम्बा पेहकेन्गी छेन्ज्याया़ जे़दी येह ओहले ओहराङगी च्यिमी च्यी़राङ ताहक्पु दाङ चो़वो, येशू मास्यीकाला मा-लोक पेहकें।
ကြော်ငြာတွေ