ल़ेह-पेन 10:43 - ह्योल्‍मो

⁴³ येशूला यिह-छ्य़े पेहकें मिहया़गी येशूगी छेनला तिहक्‍पा ता़हज्‍ये येह म़ेदी थाम्‍ज्‍यी लुहङतेम्‍बाया़गी येशूगी तेहन्‍दाला स्‍येती येह।”

ल़ेह-पेन 10:43 ပူးပေါင်းရင်းမြစ်များ

मर्कूस 16:16

यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।

लूका 24:47

ओहले यरूशलेम यिहन्‍ज्‍यु छ़ूदी थाम्‍ज्‍यीराङ क्‍यिहपाया़ला येशूगी छेनला राहङगी सेमगी स्‍या़बा पेहती तिहक्‍पा पाङसीन माना तिहक्‍पागी स्‍या़बा ज्‍योर्च्‍ये येह माएँ तामगी तेहन्‍दाला स्‍येॱराङ कोहच्‍ये येह।

यूहन्‍ना 1:45

फिलिपगी नथानेलला थू़दी मासीन, “छ्य़े-ठिमला मोशा दाङ लुहङतेम्‍बाया़गी का़हन्‍दी मिहगी तेहन्‍दाला प्री़हदी येहकें, मिहरोला ङ्यिहगी ज्‍याल्‍सीन। मिहरो नि नासरत युहलला ज़्‍यू़गेन्‍गी योसेफकी पुह येशू गा यिहन्‍गे दुबा।”

यूहन्‍ना 20:31

ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

ल़ेह-पेन 15:9

किन्‍ज्‍योगी लेहमेन क्‍यिहपा दाङ ओहराङगी पाहरक्‍यीला ङ्येम्‍बा-ङ्य़ेहरी जे माहनाङ, ओहले खुङया़गी किन्‍ज्‍योला सेमले खाल्‍सीन ओहले मिहरोगी खुङया़गी यिहला चाङमा ज़ो नाङसीन।

ल़ेह-पेन 2:38

ओहले पत्रुसगी मासीन, “ख्‍या थाम्‍ज्‍यीगी सेमगी स्‍या़बा पेहती तिहक्‍पा कोहङदागी तेहन्‍दाला येशू मास्‍यीकागी छेनला बप्‍तिस्‍मा लेहन्‍दोङ, ओहले ख्‍यागी किन्‍ज्‍योगी काबाप नाम्‍पार-ताहक्‍पा थु ज्‍योर्च्‍ये येह।

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’

ल़ेह-पेन 26:22

यिहॱनाङ, ताहन्‍दा थु किन्‍ज्‍योगी ङाहला रो़हराम जे नाङदेराङ येह। ओ़ह सोङगोराङ ङाह देला येहकेन्‍गी छ्यिम्‍बु छ्ये़मु थाम्‍ज्‍यीलाराङ किन्‍ज्‍योगी तेहन्‍दाला लाहङदी स्‍येकेराङ येह। लुहङतेम्‍बाया़ दाङ मोशागी ङे़स्‍यी स्‍य़ेदी नाङग्‍योकी लुहङ म़ेदी ल्‍हाक्‍पुनी ङाहगी लेहमेन च्‍यिॱआङ म़ेदी म़ेह।

ल़ेह-पेन 3:16

येशूला तेहपा पेहक्‍यो सोङबे काङबा कुच्‍या मिहगी स्‍युक ज्‍योर्सीन। येशूगी छेन थे़दी खोगी सेमला तेहपा ओहङसीन ओहले खोगी तेहपागी पेहती ता़ह ख्‍या फे़बेया़गी खोला छाङबुराङ टा़हक्‍यो ज़ी़ नाङदेराङ येह।”

ल़ेह-पेन 3:18

मास्‍यीकागी ओहप-क्‍याल खुर नाङ कोहच्‍ये येह म़ेदी किन्‍ज्‍योगी माहङबुराङ तोहङ यिहन्‍ज्‍यु लुहङतेम्‍बाया़ ङो़ले सुङ नाङग्‍यो स्‍याहल किन्‍ज्‍योगी दि ल़ेहमु जेती तेहन्‍दा डुप्‍च्‍यु नाङसीन।

रोमी 10:11

सुङरापगी दि ल़ेहमु सुङ नाङगे, “मास्‍यीकाला यिह छ्य़ेगे सुज्‍यीॱआङ ङोहजाला छ्यिच्‍ये म़ेह।”

रोमी 3:21

यिहॱनाङ ता़ह छ्य़े-ठिम म़ेहबा पेहतीॱआङ किन्‍ज्‍योगी मिहला टाहङबु सी़ह च्‍य़ू थुप्‍के म़ेदी मिहरोगी तेन नाङदी येह। दि केच्‍या छ्य़े-ठिम दाङ लुहङतेम्‍बाया़गी स्‍येती येह।

रोमी 5:1

ओ़ह सोङबे ओहराङ यिह-छ्य़े लाहमले किन्‍ज्‍योकी दिनला टाहङबु सी़ह ख़ूसीन। ओहले ओहराङकी चो़वो येशू मास्‍यीका लाहमले ओहराङ किन्‍ज्‍यो ङ्याम्‍बु थिन ख़ूसीन।

रोमी 6:23

च्‍यिबेमाना तिहक्‍पागी ले़गादी स्‍यिवा यिहम्‍बा, यिहॱनाङ किन्‍ज्‍योगी आहन्‍डाराङ नाङग्‍यो काबाप मास्‍यीका येशू ओहराङ चो़वोला था़ म़ेहबागी मिहली ज़ाङबु यिहम्‍बा।

रोमी 8:1

ओ़ह सोङबे मास्‍यीका येशूला येहकेन मिह थाम्‍ज्‍यीला किन्‍ज्‍योगी ङ्य़ेहबा काल नाङज्‍ये म़ेह।

रोमी 8:34

ता़ह खुङला सुगी ङ्य़ेहबा काल ख़ूज्‍ये? मास्‍यीका येशू टोहङ नाङसीन यिहॱनाङ टोहङग्‍योया़ नाहङला मिहरो येहपाराङ सोम्‍बो ज़्‍याङ नाङसीन, ओहले ताहन्‍दा मिहरो किन्‍ज्‍योकी योबा ङो़ले ज़्‍य़ू नाङदी येहबा, ओहले मिहरोगी ओहराङगी तेहन्‍दाला किन्‍ज्‍यो ङ्याम्‍बु ओहर-छ्य़े स्‍युह नाङगे।

गलाती 3:22

सुङरापगी ओहराङला “जाम्‍बुलीङ रेबेॱराङ तिहक्‍पाकी ओङ चो़ला छ्यिती येहबा ओ़ह सोङबे ओहराङगी येशू मास्‍यीकाला तेहपा पेहती च्‍यी़राङ किन्‍ज्‍योकी तोहदामया़ यिह-छ्ये़ लाहमले ज्‍योर ख़ूएँ” म़ेदी सुङ नाङगे।

एफिसी 1:7

किन्‍ज्‍योगी काटीन था़ म़ेहबा येहकें सोङबे मास्‍यीकाकी ठा़ लाहमले ओहराङगी येशूला थार्पा ज्‍योर सिहन्‍दी येहबा ओहले ओहराङगी पेहक्‍यो तिहक्‍पाया़ थाम्‍ज्‍यीराङ ता़ह सिहन्‍दी येह।

कलस्‍सी 1:14

किन्‍ज्‍योगी राहङगी स़ेबु लाहमले ओहराङला थार्पा नाङसीन ओहले ओहराङगी तिहक्‍पाया़ कोहङदा नाङसीन।

हिब्रू 13:20

ता़ह ल़ूहया़गी चा़ छ्येस्‍यो कोहरोवा ओहराङ चो़वो येशूला था़ म़ेहबा ताहम्‍ज्‍याकी ठा़ लाहमले स्‍यिवालेगी सोम्‍बो ज़्‍याङ च्‍य़ू नाङगे स्‍य़िहदे नाङगे किन्‍ज्‍योगी

१ पत्रुस 1:11

लुहङतेम्‍बाया़गी दि काह-ठि पेहती ओहले नाहम ओहङगे यिहम्‍बा म़ेदी ङोह स्‍ये़ज्‍ये छोल्‍ग्‍यो येहकें। खुङ नाहङला येहकेन्‍की मास्‍यीकाकी थुगी मास्‍यीकाकी तुहक्‍पुया़ दाङ ओ़ह तिङले ओहङगेन ज़िज्‍यिदकी तेहन्‍दाला तोहङलेराङ खुङया़ला तेन नाङग्‍यो येहकें।

ज्‍याल्‍गा 19:10

ओहले ओ़ह स्‍यिहङगामकी स्‍याहप्‍च्‍यीला छ्या़ छाल्‍ज्‍येला ङाह मिहरोगी स्‍याहपला खेप्‍चु क्‍याहप्‍सीन। यिहॱनाङ मिहरोगी ङाहला दि ल़ेहमु सुङ नाङसीन, ख्‍येगी ङाहला दि ल़ेहमु पेहच्‍ये मेहयोहङगे। ङाहॱआङ येशूगी तेहन्‍दाला पाङबु तेर्केन्‍गी ख्‍ये दाङ ख्‍येगी नो़हया़ ङ्याम्‍बु-ङ्याम्‍बुराङकी रो़ह दाङ योक्‍पुज्‍यीराङ यिहम्‍बा। किन्‍ज्‍योला छ्या़ छाल्‍दोङ! च्‍यिबेमाना चो़वो येशू मास्‍यीकागी तेन नाङग्‍यो तेहन्‍दामगीॱराङ लुहङतेम्‍बाया़ला स्‍युक क्‍ये च्‍य़ूएँ।