ल़ेह-पेन 10:42 - ह्योल्‍मो

⁴² या़हबु लेहङगु स्‍येच्‍ये दाङ किन्‍ज्‍योगी येशूला सोम्‍बो दाङ स्‍यिक्‍यो मिहया़ला ठिम ताङज्‍येला का नाङदी येह म़ेदी पाङबु तेर्च्‍येला ङ्यिहया़ला का नाङसीन।

ल़ेह-पेन 10:42 ပူးပေါင်းရင်းမြစ်များ

लूका 16:28

च्‍यिबे मासीमाना ङाहगी आदा-नो़हया़ पिन ङा येहबा, खोगी खुङया़ला स्‍येच्‍यु मिहन्‍सीमाना खुङया़ॱआङ दि तुहक्‍पुगी ग्‍या़ला ओहङज्‍ये येह।’

लूका 22:22

किन्‍ज्‍योगी थुला ठुङग्‍यो ल़ेहमुराङ किन्‍ज्‍योगी ताङ नाङग्‍योकी मिह स्‍यिॱराङ कोहच्‍ये येह। यिहॱनाङ, खोला ज़ुङ च्‍य़ूएँगी मिहला काहजे छा़ तुहवा!” म़ेदी येशूगी सुङ नाङसीन।

ल़ेह-पेन 1:2

येशू राहङगीराङ दाम नाङग्‍योकी ल़ेह-पेनया़ला नाम्‍पार-ताहक्‍पा थु लाहमले का नाङ सिहन फान्‍ज्‍यो येशू स्‍यिहङगामला फेप नाङग्‍यो थु थाम्‍ज्‍यीराङ तामया़ तोहङमा छ्य़ेला प्री़हदी येह।

ल़ेह-पेन 1:8

यिहॱनाङ नाम्‍पार-ताहक्‍पा थु ख्‍याया़ थो़ला फेप नाङ फान्‍ज्‍यो ख्‍यागी ओङ ज्‍योर्च्‍ये येह। ओ़ह तिङले ख्‍याया़ यरूशलेम क्‍याहसाला, थाम्‍ज्‍यी यहूदीयाला, सामरिया साने़या़ला, ओहले जाम्‍बुलीङ छ्यो़ ज़्‍यिगालाॱराङ ख्‍या ङाहगी पाङबु ओ़हङज्‍ये येह।”

ल़ेह-पेन 17:31

च्‍यिबेमाना जाम्‍बुलीङगी थाम्‍ज्‍यीराङ मिहया़ला ठिम ताङगेन्‍गी ङ्यिहमा किन्‍ज्‍योगी ठाबे जे नाङ सिहन्‍दी येह ओहले ओ़ह ङ्यिहमु किन्‍ज्‍यो राहङगीराङ दाम नाङग्‍योकी मिह ङो़ले ठिम ताङ नाङज्‍ये येह। मिहरोला ठिम ताङ ङ्युहङगेन्‍गी ओङ येह माएँगी दास्‍यी मिह थाम्‍ज्‍यीला तेर्तोङ सुङदी किन्‍ज्‍योगी मिहरोला टोहङग्‍योलेगी सोम्‍बो ज़्‍याङ च्‍य़ू नाङसीन।”

ल़ेह-पेन 24:25

यिहॱनाङ पावलगी, “किन्‍ज्‍योगी छ्य़ेगी काया़ ङ्यिहन्‍दी ल़ेह पेह कोहकें, ओहले राहङगी सेमला थिक-चि ज़्‍या़ कोहकें ओहले किन्‍ज्‍योगी ठिम ताङगे ती़हजी ओहङगेॱराङ येहबा” माएँ ताम स्‍येकेमु फेलिक्‍सगी का क्‍याहल्‍दी मासीन, “टी़हसीन, तिहरीङला देजेराङ येहच्‍यु, ता़ह ख्‍ये डो ख़ूएँ। लोहङ ओहङगे ती़हजीला ख्‍येला येहपाराङ क़े क्‍याहप्‍के।”

ल़ेह-पेन 5:20

“सोङ, छ्योखाङला लाहङदी दि मिहली साम्‍बागी तेहन्‍दाला मिह थाम्‍ज्‍यीलाराङ स्‍येतोङ।”

रोमी 2:16

ङाहगी या़हबु लेहङगुगी ताम प्रा साल्‍ग्‍यो ल़ेहमुराङ दि केच्‍या किन्‍ज्‍योगी येशू मास्‍यीका लाहमले, मिहगी राहङ सेम नाहङला साङदे ज़्‍या़क्‍योकी तामया़ला ठिम ताङ नाङगे ङ्यिहमाला ओहङज्‍ये येह।

२ कोरिन्‍थी 5:10

च्‍यिबेमाना ङ्यिहमा च्‍यी़ ओहराङ थाम्‍ज्‍यीला मास्‍यीकागी ठिम ताङ नाङज्‍ये येह ओ़ह ती़हजीला ओहराङ थाम्‍ज्‍यी मास्‍यीकागी दिनला लाहङ कोहच्‍ये येह। ओहराङगी दि मिहजीला ल़ेह या़हबु, चोक्‍पा च्‍यि च्‍यि पेहक्‍यो येहबा ओ़हला ते़बे सेदो ज्‍योर्च्‍ये येह।

२ तिमोथी 4:1

स्‍यिक्‍यो दाङ सोम्‍बो मिह थाम्‍ज्‍यीला ठिम ताङ नाङगेन मास्‍यीका येशू दाङ किन्‍ज्‍योगी दिनला ङाह ख्‍येला स्‍युक पेहती माएँ। मास्‍यीका येशू फेप नाङदी ओङ छ्य़े नाङगे सोङबे

२ तिमोथी 4:8

ता़ह ङाहगी तेहन्‍दाला टाहङदेनकी पेस्‍यो ज़्‍या़ नाङदी येह, ओ़हदी टाहङबु-ठिम ताङ नाङगेन चो़वोगी ओ़ह ङ्यिहमाला ङाहला नाङज्‍ये येह, ओहले ङाहला च्‍यी़राङ मिहम्‍बा, यिहॱनाङ मिहरो फेप नाङगेन्‍गी लाहम ज्‍यिबुराङ सेम काहसो पेहती कू़हदे तेहकें थाम्‍ज्‍यीलाराङ नाङज्‍ये येह।

१ पत्रुस 4:5

यिहॱनाङ सोम्‍बो मिह दाङ स्‍यिक्‍यो मिहया़ला ठिम ताङ नाङगेन किन्‍ज्‍योगी दिनला दिगी तेहन्‍दाला खुङया़गी चिदुङ तेर कोहच्‍ये येह।

ज्‍याल्‍गा 1:7

त़ेदोङ, मिहरो मुक्‍पाला फेप नाङगेराङ येह, ओहले मिह थाम्‍ज्‍यीगी मिहरोला थोङज्‍ये येह ओहले मिहरोला दुङगी चो़क्‍योया़गीॱआङ थोङज्‍ये येह। थाम्‍ज्‍यी मी़गी मिहरोला थोङज्‍ये येह। ओहले जाम्‍बुलीङकी थाम्‍ज्‍यी क्‍यिहपाया़गी मिहरोगी तेहन्‍दाला ङ्याहङेन पेहच्‍ये येह। दि ल़ेहमुराङ ओहङज्‍यु। आमेन।

ज्‍याल्‍गा 22:12

“त़ेदोङ, ङाह ग्‍यो़बा ओहङगेॱराङ येह, मिह थाम्‍ज्‍यीला खोगी पेहक्‍योगी ल़ेहला ते़बे च्‍याहगा तेर्च्‍ये येह।