ल़ेह-पेन 10:37 - ह्योल्‍मो

³⁷ यूहन्‍नागी बप्‍तिस्‍मागी तेहन्‍दाला लोप्‍च्‍युङ नाङ फान्‍ज्‍यो गालील साने़ यिहन्‍ज्‍यु छ़ूदी यहूदीया लुहङबा काहङ्येॱराङ काहल्‍ग्‍योगी तामया़ राहङ फे़बेया़ला थुयी़राङ येह।

ल़ेह-पेन 10:37 ပူးပေါင်းရင်းမြစ်များ

मत्ती 2:1

हेरोद क्‍याहल्‍बुगी ती़हजीला यहूदीयाकी बेथलेहेम माएँ युहलला येशू ठुङ नाङसीन ओहजेला स्‍यारलेगी नामयी ताएँ मिहया़ येशूला छोल्‍दी यरूशलेमला ओहङसीन।

मत्ती 3:6

ओहले राहङ-राहङगी तिहक्‍पा स्‍या़बा डुप्‍केनया़ला यूहन्‍नागी यर्दन चाङबुला बप्‍तिस्‍मा तेर्सीन।

लूका 23:5

यिहॱनाङ खुङया़गी क़े तेन्‍दी मासीन, “दि मिहगी गालील साने़लेगी छ़ूदी थाम्‍ज्‍यीराङ यहूदीया ओहले दि ग्‍या़ थु खोगी लोप्‍च्‍युङया़ तेर्ती मिहया़ला गो़ कोर च्‍य़ूएँराङ येहबा।”

लूका 4:14

ओहले येशू नाम्‍पार-ताहक्‍पा थुगी ओङ ज्‍योर्ती गालीलला लो़ह फेप नाङसीन। ओहले येशूगी तेहन्‍दाला साहर-सुहरकी थाम्‍ज्‍यीराङ दे-खामया़ला फेल्‍सीन।

ल़ेह-पेन 10:36

किन्‍ज्‍योगी इस्राएलीया़ला ताङ नाङग्‍योकी लेहङगु, येशू मास्‍यीका लाहमले प्रा साल नाङग्‍योकी स्‍य़िहदेगी या़हबु लेहङगु राहङ फे़बेया़ला थुयी़ येह। (मिह-रो़हराङ मिह थाम्‍ज्‍यीगी चो़वो छ्येवा यिहम्‍बा।)

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।

ल़ेह-पेन 2:22

“इस्राएली आदा-नो़हया़, ङाहगी ताम सेन नाङदोङ। किन्‍ज्‍योगी येशू लाहमले ख्‍या फे़बेया़गी पाहरक्‍यीला ओङ छ्यिम्‍बुगी छ्या़लेया़ जे-नाङदी याहम्‍जेन छ्येवागी ताक्‍छेनया़ तेन नाङग्‍योदीनी ख्‍या फे़बेया़ला थुयी़राङ येहबा। ओ़ह ताक्‍छेनया़ लाहमले किन्‍ज्‍योगी नासरतकी येशूला राहङगीराङ ताङग्‍यो यिहम्‍बा म़ेदी दास्‍यी नाङसीन।

ल़ेह-पेन 26:26

दि ताम थाम्‍ज्‍यी क्‍याहल्‍बु अग्रिपासला थुयी़ येह, ओहले ङाह क्‍याहल्‍बुला दि तामया़ मा़हन्‍ज्‍यीबा पेहती मा ख़ूएँ। ओहले क्‍याहल्‍बुगी दि तामया़ या़हबु पेहती सेन नाङदी येह च्‍यिबेमाना दि तामया़ ग्‍या़ च्‍यी़ला काहल्‍ग्‍योगी ताम मिहन।

ल़ेह-पेन 28:22

यिहॱनाङ ङ्यिहला राहङगी ताम ङ्यिहन्‍ज्‍ये सेम्‍बा येहबा च्‍यिबेमाना राहङगी छो़बागी तेहन्‍दाला काहने थेतेराङ ताम लोहङटी पेहक्‍योदी ङ्यिहॱलाङ क्‍यी़ह येह” म़ेदी मासीन।