ल़ेह-पेन 1:6 - ह्योल्‍मो

⁶ ओहले खुङ फ़ेबेॱया जोम्‍दी ज़्‍य़ूगेमु ल़ेह-पेनया़गी येशूला स्‍युहसीन, “चो़वो छ्येवा ला़ह, च्‍यि राहङगी दि ती़हजीलाॱराङ ओहराङ इस्राएल क्‍याहल-खापला खा फे़ नाङगे?”

ल़ेह-पेन 1:6 ပူးပေါင်းရင်းမြစ်များ

मत्ती 17:11

येशूगी खुङया़ला सुङ नाङसीन, “यिहम्‍बा, तेहम्‍बाराङ थाम्‍ज्‍यीराङ तामया़ च्‍येच्‍येला एलिया ओहङॱराङ कोहकें।

मत्ती 20:21

येशूगी मोहला टी़ह नाङसीन, “म़ेदोङ ले, ङाहगी ख्‍येला च्‍यि पेह कोहएँ?” मोहगी, “राहङगी क्‍याहल्‍बु जे नाङगेमु ङाहगी दि पुह पिन ङ्यी़ राहङगी योबा दाङ योमा ङो़ले तेह ङ्युहङज्‍यु” म़ेदी स्‍युहसीन।

मत्ती 24:3

ओहले येशू जैतून काहङला ज़्‍य़ू नाङगेमु स्‍याहप्‍च्‍यीया़गी खाजुम्‍बा ओहङदी येशूला स्‍युहसीन, “लोबेन ङ्यिहला सुङ नाङदोङ ला़ह, ओ़ह केच्‍या नाहम तेहन्‍दा डुप्‍च्‍ये येहबा? ओहले लोबेन लो़हदी फेप्‍केन दाङ जाम्‍बुलीङ तोङगे ङ्यिहमा लेप्‍च्‍ये पेहसीन म़ेदी ङ्यिहगी काहन्‍डुमु पेहती ह्‍अ कोहज्‍ये?”

मर्कूस 9:12

ओहले येशूगी सुङ नाङसीन, “तेहम्‍बाराङ यिहम्‍बा, एलिया तोहङले ओहङदी थाम्‍ज्‍यीराङ ठाबे ज़ो कोहच्‍ये येह। ओ़ह सोङबे मिहगी स़ेबुगी माहङबुराङ तुहक्‍पुया़ ना़ कोहच्‍ये येह, ओहले मिह थाम्‍ज्‍यीगी खोला ङ्येन्‍ज्‍येन पेहच्‍ये येह माएँ तामया़दी सुङरापला च्‍यिबे प्रुहक्‍यो यिहम्‍बा नि?

लूका 17:20

ङ्यिहमा च्‍यी़ फरिसीया़गी किन्‍ज्‍योगी क्‍याहल्‍सी नाहम ओहङगे म़ेदी येशूला स्‍युहसीन। ओहले येशूगी खुङया़ला सुङ नाङसीन, “किन्‍ज्‍योगी क्‍याहल्‍सीनी थोङगे पेहती मेहयोहङगे।

लूका 19:11

येशू यरूशलेम पोहला लेप नाङग्‍यो येहकें। मिहया़ किन्‍ज्‍योगी क्‍याहल्‍सी ता़ह ग्‍यो़बाराङ ओहङज्‍ये येह माएँ सेमला ने़दी येशूगी स्‍याहल ङ्यिहन्‍गेराङ येहकें। ओहले येशूगी पे च्‍यी़ ज़्‍या़दी खुङया़ला किन्‍ज्‍योगी क्‍याहल्‍सीगी तेहन्‍दाला दि ल़ेहमु पे सुङ नाङसीन,

लूका 22:29

ङाहगी याहपगी ङाहला ठिम ताङगेन्‍गी ओङ नाङसीन ओ़ह ल़ेहमुराङ पेहते ङाहगीॱआङ ख्‍याया़ला ओङ तेर्च्‍ये येह।

यूहन्‍ना 21:21

खोला थोङदी पत्रुसगी येशूला मासीन, “चो़वो, खोती च्‍यि ओहङगे ले लाह?”