३ यूहन्‍ना 1:5 - ह्योल्‍मो

⁵ ए ङाहगी च्‍याहम्‍बु नो़ह, ख्‍येगी ल़ेहया़ कादुप च्‍येती पेहक्‍यो सोङबे, ख्‍येगी ङोहॱराङ मा़हस्‍येबाकी किन्‍ज्‍योला यिह-छ्य़े पेहक्‍यो नो़हया़ला ज्‍यिबुराङ फेन थो़सीन।

३ यूहन्‍ना 1:5 ပူးပေါင်းရင်းမြစ်များ

मत्ती 24:45

“रिहक्‍स्‍यी येहकें दाङ यिह-छ्य़ेबु योक्‍पु काहन्‍डुमु मिह यिहम्‍बा यिहन्‍डो? पे यिहॱना़: ताहक्‍पुगी राहङगी खाङबागी थाम्‍ज्‍यीराङ ल़ेहया़ चि क्‍याहप फान्‍ज्‍यो रिहक्‍स्‍यी येहकें दाङ यिह-छ्य़ेबु योक्‍पुगीदी लेहमेन योक्‍पुया़ला ठाबे ती़हजीला तोप्‍च्‍याया़ तेर्के।

मत्ती 25:16

सेर-टाङ कोहर्मु ङा ज्‍योर्केन्‍दीगी लाहम्‍साङराङ काहल्‍दी छोङ क्‍याहप्‍ती लेहमेन सेर-टाङ कोहर्मु ङा ख्‍येप्‍साङ तेन्‍सीन।

लूका 12:42

ओहले येशूगी सुङ नाङसीन, “यिह-छ्य़ेबु दाङ रिहक्‍स्‍यी छ्यिम्‍बु येहकेन्‍गी डु गोबा काहन्‍डुमु मिह यिहन्‍डो? खोला ताहक्‍पुगी राहङ खाङबा मे़हमेया़ला ठाबे ती़हजीला खुङया़गी बोला थोप्‍केन्‍गी साहप्‍च्‍या क्‍य़ेज्‍येला कुलज्‍ये येह।

ल़ेह-पेन 1:15

ओहले ओ़ह ती़हजीला चो़वो छ्येवा येशूला यिह-छ्य़े पेहकेन मिहया़ खाल टू़हचे जोम्‍दी येहकें। ओहजेला पत्रुसगी खुङगी पाहरक्‍यीला लाहङदी मासीन,

रोमी 12:13

किन्‍ज्‍योगी दाम नाङग्‍योकी मिहया़ला कोम्‍बु डोएँमु रो़ह पेहतोङ, ओहले खाङबाला ओहङग्‍यो टोहम्‍बोया़ला ता़हनाङ-ताहम्‍जी पेहतोङ।

गलाती 6:10

ओ़ह सोङबे लोहङ येहताङलाॱराङ ओहराङगी मिहया़ला या़हबु पेह कोहएँ ओहले खास पेहतीती मास्‍यीकाला यिह-छ्य़े पेहक्‍योकी खाङबा मे़हमेया़ला या़हबु पेह कोहएँ।

कलस्‍सी 3:17

ख्‍याया़गी च्‍यि पेहॱनाङ च्‍यि माॱनाङ ना थाम्‍ज्‍यी चो़वो मास्‍यीकागी छेनलाराङ पेहतोङ ओहले मिहरो लाहमलेॱराङ किन्‍ज्‍यो याहपला थुज्‍यी-छ्ये़ फुल्‍दोङ।

हिब्रू 13:2

राहङ खाङबाला ओहङग्‍यो टोहम्‍बोया़ला या़हबु पेहती फेप स्‍यी़हदोङ, च्‍यिबेमाना दि ल़ेहमु पेहती लाहलागी ङोह मा़हस्‍येबा पेहती स्‍यिहङगामकी स्‍याहप्‍च्‍यीया़ॱलाङ फेप स्‍युहक्‍यो येहकें।

३ यूहन्‍ना 1:10

ङाह ओ़हला ओहङगेमु ख्‍या थाम्‍ज्‍यीला खोगी ओहराङला टाह पेहती च्‍यि पेहपा, काह-ठि चोक्‍पा तामया़ मे़बा, ओ़ह ख्‍याया़ला स्‍येकें। ओहजे च्‍यी़राङ मिहम्‍बा, खोगी फि क्‍याहल-खापकी नो़हया़ला टाह पेहकें, ओहले खुङया़ला ओहङॱराङ मी़हच्‍युएँ ओहले खुङया़ला फेप स्‍य़ूहज्‍ये छोल्‍गेया़ला छेन्‍छोकले तेन्‍गे।

३ यूहन्‍ना 1:3

ख्‍ये तेहन्‍दामगी लाहमला स्‍य़ूहदी नाहम-माना राहङगी डोलु-तेहलुया़ या़हबु पेहकु दु माएँ ताम किन्‍ज्‍योला यिह-छ्य़े पेहक्‍यो काहजे मिहया़ ङाहसाला ओहङदी स्‍य़ेसीन। दि केच्‍या थ़े ङ्युहङगेमु ङाह ज्‍यिबुराङ क़ेहनाङ लाहङसीन।