Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




३ यूहन्‍ना 1:3 - ह्योल्‍मो

3 ख्‍ये तेहन्‍दामगी लाहमला स्‍य़ूहदी नाहम-माना राहङगी डोलु-तेहलुया़ या़हबु पेहकु दु माएँ ताम किन्‍ज्‍योला यिह-छ्य़े पेहक्‍यो काहजे मिहया़ ङाहसाला ओहङदी स्‍य़ेसीन। दि केच्‍या थ़े ङ्युहङगेमु ङाह ज्‍यिबुराङ क़ेहनाङ लाहङसीन।

အခန်းကိုကြည့်ပါ။ ကော်ပီ




३ यूहन्‍ना 1:3
17 ပူးပေါင်းရင်းမြစ်များ  

ओहले ओ़ह ती़हजीला चो़वो छ्येवा येशूला यिह-छ्य़े पेहकेन मिहया़ खाल टू़हचे जोम्‍दी येहकें। ओहजेला पत्रुसगी खुङगी पाहरक्‍यीला लाहङदी मासीन,


ल़ेह ङ्येहम्‍बागी तेहन्‍दाला चेवागी काहसो मेहबेकें, यिहॱनाङ तेहन्‍दामगी तामला क़ेहनाङ पेहकें।


ओ़ह सोङबे लोहङ येहताङलाॱराङ ओहराङगी मिहया़ला या़हबु पेह कोहएँ ओहले खास पेहतीती मास्‍यीकाला यिह-छ्य़े पेहक्‍योकी खाङबा मे़हमेया़ला या़हबु पेह कोहएँ।


नाहम-माना ख्‍या थाम्‍ज्‍यीगी तेहन्‍दाला सोल्‍वाङ ताप्‍केमु ङाह क़ेहनाङ पेहती सोल्‍वाङ ताप्‍कें,


च्‍यिबेमाना तेहन्‍दाम ङ्यिह ङ्याम्‍बुराङ ज़्‍य़ू नाङदी येह ओहले मिहरो नाहम्‍स्‍यी किन्‍दुॱराङ ओहराङ ङ्याम्‍बु ज़्‍य़ू नाङज्‍ये येह।


ख्‍येगी पुह पोहमोया़ नाहङला लाहलाला किन्‍ज्‍योगी ङ्यिहला नाङग्‍यो काया़ ल़ेहमुराङ तेहन्‍दामगी लाहमला डोलु-तेहलु पेहक्‍यो थोङगेमु ङाहगी सेम ज्‍यिबुराङ काहसो काहल्‍दी येह।


ङाह ओ़हला ओहङगेमु ख्‍या थाम्‍ज्‍यीला खोगी ओहराङला टाह पेहती च्‍यि पेहपा, काह-ठि चोक्‍पा तामया़ मे़बा, ओ़ह ख्‍याया़ला स्‍येकें। ओहजे च्‍यी़राङ मिहम्‍बा, खोगी फि क्‍याहल-खापकी नो़हया़ला टाह पेहकें, ओहले खुङया़ला ओहङॱराङ मी़हच्‍युएँ ओहले खुङया़ला फेप स्‍य़ूहज्‍ये छोल्‍गेया़ला छेन्‍छोकले तेन्‍गे।


ए ङाहगी च्‍याहम्‍बु रो़ह, ख्‍ये थाम्‍ज्‍यीराङ से़हला या़हबु ओहङ ख़ूज्‍यु, ओहले ख्‍येगी नाम्‍स्‍यी ल़ेहमुराङ ज़ुबुॱआङ थाङबु ओहङ ख़ूज्‍यु म़ेदी ङाह किन्‍ज्‍यो ङ्याम्‍बु सोल्‍वाङ ताप्‍को येह।


राहङदी पुह पोहमोया़ तेहन्‍दामकी लाहमला स्‍य़ूहदीॱराङ दु माएँ ताम थ़े ङ्युहङगे ल़ेहमु काहसो लेहमेन ताम च्‍यि ओहङ ख़ूएँ ले?


ए ङाहगी च्‍याहम्‍बु नो़ह, ख्‍येगी ल़ेहया़ कादुप च्‍येती पेहक्‍यो सोङबे, ख्‍येगी ङोहॱराङ मा़हस्‍येबाकी किन्‍ज्‍योला यिह-छ्य़े पेहक्‍यो नो़हया़ला ज्‍यिबुराङ फेन थो़सीन।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ