३ यूहन्‍ना 1:1 - ह्योल्‍मो

¹ ङाह छेन्‍छोककी एल्‍डर लाहमले, ङाहगी चेवा पेहक्‍योकी रो़ह गायस ख्‍येला दि यिहगी प्रुहएँॱराङ येहबा, ङाहगी ख्‍येला तेहम्‍बाराङ चेवा पेहती येह।

३ यूहन्‍ना 1:1 ပူးပေါင်းရင်းမြစ်များ

ल़ेह-पेन 11:30

ओहले खुङया़गी डेल्‍बा ती़हदे बारनाबास दाङ शाऊलला तेर्सीन, ओहले खुङ ङ्यी़गी यहूदीया साने़की छेन्‍छोककी एल्‍डरया़ साला ताङ चाहङसीन।

ल़ेह-पेन 19:29

ओहले खुङगी क़ेगी क्‍याहसाला पा़हज्‍या छ्या़सीन ओहले क्‍याहसा काहङ्येॱराङ लोहङटी काहल्‍सीन। मिह मिह-माहङ क्‍याहप्‍ती ओहङसीन ओहले माकेडोनिया लुहङबाले ओहङग्‍यो पावलगी रो़ह ङ्यी़ गायस ताङ अरिस्‍तार्खसला ज़ुङदी टिहती क्‍याहसाकी मिह छो़सा ठोमला ख्‍येर्सीन।

ल़ेह-पेन 20:4

ओहले लो़हदी डोएँमु बेरियागी पुरसकी पुह सोपात्रोस, थेसलोनिकेगी अरिस्‍तार्खस दाङ सिकन्‍दस, डर्बीगी गायस दाङ तिमोथी, ओहले एशिया क्‍याहल-खाप छ्यिम्‍बुकी तुखिकस दाङ त्रोफिमस पावल ङ्याम्‍बुराङ काहल्‍सीन।

रोमी 16:23

ङ्यिह तेहकेन खाङबा ताहक्‍पु गायस ताङ खाङबाला जोम्‍गेन्‍गी छो़बाया़गीॱआङ ख्‍याला टास्‍यी-देले म़ेदी येह। ओहले दि क्‍याहसाकी टाङगा चिदुङ ज़्‍या़गे गोबा नो़ह इरास्‍तस दाङ क्‍वार्टसगीॱआङ ख्‍याया़ला टास्‍यी-देले ताङदी येह।

१ कोरिन्‍थी 1:14

ङाह किन्‍ज्‍योला थुज्‍यी-छ्ये़ फुल्‍गे, ङाहगी ख्‍याया़ नाहङला क्रिस्‍पस दाङ गायसला म़ेदी लेहमेन सुॱलाङ बप्‍तिस्‍मा तेर्ती म़ेह।

१ पत्रुस 5:1

ङाहॱआङ छेन्‍छोककी एल्‍डर यिहन्‍गे सोङबे ङाह ख्‍या एल्‍डरया़ला ओहर-छ्य़े स्‍युहउ येहबा च्‍यिबेमाना मास्‍यीकागी तुहक्‍पु खुर नाङग्‍यो ङाहगी थोङदी येह ओहले मास्‍यीकाकी राहङगी ज़िज्‍यिद तेन नाङगे ङ्यिहमाला ङाहॱआङ मिहरो ङ्याम्‍बु ओहङज्‍ये येह।

१ यूहन्‍ना 3:18

ए ङाहगी पेहजाया़! ओहराङ खा दाङ तामगी ज्‍यीॱराङ चेवा पेहच्‍ये मेहयोहङगे, ओहराङगी चेवादी तेहन्‍दामदी ओहङ कोहएँ। दि ल़ेहमु चेवाती ल़ेह लाहमले च्‍यी़राङ थोङगे यिहम्‍बा।

३ यूहन्‍ना 1:2

ए ङाहगी च्‍याहम्‍बु रो़ह, ख्‍ये थाम्‍ज्‍यीराङ से़हला या़हबु ओहङ ख़ूज्‍यु, ओहले ख्‍येगी नाम्‍स्‍यी ल़ेहमुराङ ज़ुबुॱआङ थाङबु ओहङ ख़ूज्‍यु म़ेदी ङाह किन्‍ज्‍यो ङ्याम्‍बु सोल्‍वाङ ताप्‍को येह।