12 यिहॱनाङ तुखिकसला ङाहगी एफिससला ताङदी येह।
खुङया़ एफिसस क्याहसाला लेप्सीन, ओहले पावलगी खुङया़ला ओ़हला क्युर ज़्या़सीन। पावलदी एफिससगी छो़खाङला स्य़ूहदी यहूदीया़ ङ्याम्बु स्येपा तुहर्च्ये छ़ूसीन।
पावलगी खुङ ङ्याम्बु दि ल़ेहमु म़ेदी कोहङबा स्युहसीन “किन्ज्योगी थुला ठुङदी येहसीमाना ङाह ख्या फे़बेया़साला लो़ह ओहङगे” म़ेदी पावल छ्यु-टुहला जा़दे एफिसस क्याहसाले काहल्सीन।
अपोल्लोस कोरिन्थी क्याहसाला येहकेंमु पावल ग्या़ माहङबुराङ कोरा क्याहप्ती एफिसस क्याहसाला लेप्सीन। एफिसस क्याहसाला लेप्सीम्बाराङ पावलगी चो़वो येशूला यिह-छ्य़े पेहकेन्गी लाहला स्याहप्च्यीया़ला थ़ूसीन।
ता़ह ज़ी़-नाङदोङ, राहङ फे़बेया़गी पाहरक्यीला ङाहगी किन्ज्योगी क्याहल्सीगी तेहन्दाला प्रा साल्दी ओहङदीराङ येहबा, ता़ह ओहराङ नाहमॱआङ थु मिहङ्युहङ म़ेदी ङाहला क्यी़ह येहबा।
ओहले लो़हदी डोएँमु बेरियागी पुरसकी पुह सोपात्रोस, थेसलोनिकेगी अरिस्तार्खस दाङ सिकन्दस, डर्बीगी गायस दाङ तिमोथी, ओहले एशिया क्याहल-खाप छ्यिम्बुकी तुखिकस दाङ त्रोफिमस पावल ङ्याम्बुराङ काहल्सीन।
ङाह काह-ठि येहबा ओहले ङाह च्यि पेहकेनॱराङ येहबा माएँ ताम ख्याया़लाॱआङ क्यी़ह ओहङज्यु म़ेदी ङाहगी च्याहम्बु नो़ह ओहले चो़वोला स्याहप्तो स्य़ूहज्येला ज्यिबुराङ यिह-छ्य़ेबु तुखिकसगी ङाहगी तेहन्दाला थाम्ज्यीराङ तामया़ ख्याया़ला स्येच्ये येह।
ङ्यिह काह-ठि दु माएँ ताम ख्याया़ला क्यी़ह ओहङज्यु ओहले ख्याती सेमला आ़र क्ये ख़ूज्यु माएँ नोम्साङ पेहती ङाहगी खोला ख्यासाला ताङग्यो यिहम्बा।
ङाहगी तेहन्दाला रेबेॱराङ तामया़ ङाहती च्याहम्बु नो़ह तुखिकसगी ख्याया़ला स्येच्ये येह। खोॱआङ यिह-छ्य़ेबु दाङ ओहराङ ल़ेहमुराङ चो़वोला स्याहप्तो स्युहएँगी योक्पु यिहम्बा।
ङाह माकेडोनियाला डोएँमु ख्येला ओहर-छ्य़े स्युहक्यो ल़ेहमुराङ ख्ये एफिससलाॱराङ तेहतोङ, ओहले चिहन क्याहप्ती लोप्च्युङ लोप्कें मिहया़ला ओ़ह ल़ेहमु माहबे म़ेदी का़दोङ।
ङाहगी अर्तिमास क्यिनी तुखिकसला ख्येसाला ताङलुङ मे़हबाराङ, ख्येती निकोपोलिसला काह-ठि पेहती यिहॱनाङ ङाहला थुज्येला स्यो, च्यिबेमाना ङाहगी ओ़ह ग्या़लाराङ सेर-काहङ तेहच्ये म़ेदी नोम्साङ ताङदी येहबा।
