२ तिमोथी 2:4 - ह्योल्‍मो

⁴ माक्‍मीला बार्ती काहल्‍ग्‍योगी माक्‍मी लेहमेन तामया़ला याहङदी मेहतेहकें, च्‍यिबेमाना खोला बार्ती पेह तेर्केन मिहला क़ेहनाङ लाहङ च्‍य़ूज्‍ये खोगी सेम्‍बा ओहङगे।

२ तिमोथी 2:4 ပူးပေါင်းရင်းမြစ်များ

लूका 8:14

ओहले छेर्मा तोहङबो नाहङला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍ज्‍येनी ङ्यिहन्‍गे, यिहॱनाङ जाम्‍बुलीङगी तुहङाल दाङ क्‍युह-नोहर ओहले ङ्याहम्‍साङ-खाम्‍साङगी पेहती यिह-छ्य़ेला छारॱराङ मी़हच्‍युएँ ओहले खुङ लाहमले च्‍यिॱआङ सेदो मे़हयाहगेन।

२ कोरिन्‍थी 5:9

ओ़ह सोङबे ङ्यिह स्‍या दाङ रेहकोगी ज़ुबुला येहॱनाङ, यिहक्‍तेन ज़ुबुला येहॱनाङ मिहरोला थु ङ्य़ेबु ज़ोएँदीॱराङ ङ्यिहगी चा़ छ्यिम्‍बु ल़ेह यिहम्‍बा।

गलाती 5:1

राहङवाङगी तेहन्‍दाला मास्‍यीकागी ओहराङला राहङवाङ जे नाङग्‍यो येह। ओ़ह सोङबे ख्‍या राहङवाङ मिहया़ यिहम्‍बा ओहले ख्‍यागी राहङगी राहङवाङला या़हबु पेहती सी़दे ज़्‍या़दोङ। येहपाराङ छ्य़े-ठिमगी चो़ला ज्‍युल्‍दी तेहती योक्‍पु पेहच्‍ये माहछोल!

१ थेसलोनिकी 2:4

यिहॱनाङ लेहङगु या़हबु चि क्‍याहप्‍च्‍येला किन्‍ज्‍योगी ओहराङला यिह-छ्य़ेबु ज़ी़ नाङसीन। ओ़ह सोङबे मिहया़ला क़ेहनाङ लाहङ च्‍य़ूज्‍येला मिहम्‍बा, यिहॱनाङ ओहराङगी सेम ज़ी़ नाङगेन किन्‍ज्‍योकी थु काहसो ज़ोज्‍येला ङ्यिह किन्‍ज्‍योला थु-ङ्ये़हएँकी तामया़ माउ येह।

२ तिमोथी 4:10

च्‍यिबेमाना डेमासकी दि ताहन्‍दाकी जाम्‍बुलीङला चेवा पेहती ङाहला क्‍युर्ती खो थेसलोनिकेला काहल्‍दी येह। क्रेसेन्‍स गलातीयाला काहल्‍दी येहबा, ओहले तीतसती दलमातियाला काहल्‍दी येहबा।

२ पत्रुस 2:20

यिहॱनाङ का़हलेॱआङ खुङया़गी ओहराङगी चो़वो दाङ थार्पा नाङगेन येशू मास्‍यीकाला ङोह स्‍य़ेदीॱआङ जाम्‍बुलीङकी चोक्‍पा लाहमला छ्यि च्‍य़ूगे ल़ेहया़लेगी स्‍योर सिहन्‍दी तिङले येहपाराङ तिहक्‍पाला छ्यिती ओ़हगी ओङला छ्यिसीमाना, खुङया़गी गादी तोहङमादी म़ेदीॱआङ जेन माहङबु चोक्‍पा ओहङज्‍ये येह।