२ तिमोथी 2:24 - ह्योल्मो24 चो़वोला स्याहप्तो स्युहएँ मिहनी जिङज्ये मेहयोहङगे, खो मिह थाम्ज्यीला निङज्यी पेहकेन, लोप ख़ूएँ ओहले ना थाम्ज्यीला ना़स्यीङ छ्यिम्बु पेह ख़ूएँदी ओहङ कोहकें। အခန်းကိုကြည့်ပါ။ |
२ तिमोथी 2:24
31 ပူးပေါင်းရင်းမြစ်များ
ओहले दि तामगी पेहती ओ़ह छो़बाला लोहङटी छ्यिम्बु काहल्सीन। ओहले फरिसी छो़बागी लाहला छ्य़े-ठिम ताङगे लोबेनया़गी लाहङदी सदुकीया़ला ज्यिबुराङ टाह पेहती मासीन, “ङाहगीनी दि मिहगी च्यिॱआङ ङ्य़ेहबा पेहक्यो मेहथोङ दु। का़हलेॱआङ नाम्स्यी दाङ स्यिहङगामकी स्याहप्च्यीगी दि मिहला दि ल़ेहमु सुङ नाङग्यो यिहन्सीमानानी च्यि काहल्बा ले?”
च्यिबेमाना ङ्यिहती मा़ क्याहप्केन्गी छेन्ज्याया़ दि जाम्बुलीङदी मिहम्बा, यिहॱनाङ किन्ज्योगी नाङग्यो छेन्ज्याया़ लाहमले ती़हया़गी ओङला तोङ च्य़ूज्ये येह ओहले मे़हकोहएँकी ताम लोहङडीया़लाॱआङ फाम च्य़ूज्ये येह। ओहले दि छेन्ज्याया़गी टाहया़ तेहकेन्गी थाम्ज्यीराङ ग्या़या़ रोम्ज्ये येह।
छेन्छोककी गोबागी किन्ज्योकी छ्या़लेया़ ची़ लेहन्ग्यो ओहङगे। ओ़ह सोङबे खो च्यिॱआङ क्येन म़ेहबाकी मिह ओहङ कोहकें। ओहले खोगी छ्य़ेन्दो तेन्ज्ये मेहयोहङगे, ग्यो़बाराङ स्यिहताङ पेहच्ये मेहयोहङगे, छ्याङसीवा ओहङज्ये मेहयोहङगे, मिहया़ ङ्याम्बु ठ़ूस्यी सिहङदा पेहच्ये मेहयोहङगे ओहले क्युहला ह्अम्बा पेहच्ये मेहयोहङगे।
यिहॱनाङ याहर किन्ज्यो लाहमले ओहङग्योगी रिहक्स्यीनी तोहङस्यो क़ेह-चाङमा ओहङगे खोगी स्य़िहदेला यिह छ्य़ेएँ, ओ़ह रिहक्स्यी ज्योर्केन मिह थेका दाङ मिह थाम्ज्यी ङ्याम्बु थिन्गे, खो निङज्यीगी काहङग्यो ओहङगे, खोगी नाहम-माना या़हबु ल़ेह पेहकें, खोगी सुलाॱआङ ङ्येम्बा-ङ्य़ेहरी मेहबेकें, खो यिहन्दो तेन्गे मेहयोहङगे।
ए च्याहम्बु रो़हया़, ओहराङ थाम्ज्यीगी ज्योरक्योकी थार्पाकी तेहन्दाला ख्या फ़ेबे-म़ेहमेया़ला दि यिहगी प्रुहज्येला ङाहला ज्यिबुराङ या़हबु ने़क्यो येहकें यिहॱनाङ ताहन्दा ओ़हगी छापला किन्ज्योकी स़ेबु-स़ेमुया़ला नाहम्स्यी किन्दुकी तेहन्दाला चि क्याहप नाङग्योकी तेहपाला सी़दे ज़्या़दोङ म़ेदी मा कोहच्ये ल़ेहमु च्यी़ गा ङाहगी सेमला ऩेसीन।
ကြော်ငြာတွေ