२ थेसलोनिकी 3:1 - ह्योल्मो1 ज्युक्स्योलला आदा-नो़ह दाङ आज्यी-नुहमुया़, ङ्यिहगी तेहन्दाला सोल्वाङ ताप तेर, दि ल़ेहमु पेहसीनमाना ख्या फे़बे मे़हमेया़गी पाहरक्यीला काहल्ग्यो ल़ेहमुराङ चो़वोकी सुङ ग्यो़बाराङ फेल्दी दिला माहङबुराङ चा़ छ्यिम्बु ओहङज्ये येह। အခန်းကိုကြည့်ပါ။ |
२ थेसलोनिकी 3:1
22 ပူးပေါင်းရင်းမြစ်များ
ज्युक्स्योलला आदा-नो़ह दाङ आज्यी-नुहमुया़, ता़ह ङाहला कोहङबा नाङदोङ। टाहङबु मिहजी ताङदोङ। क़ेहनाङ पेहतोङ! ङाह ख्याला ओहर-छ्य़े स्युहउ येह, च्यी़गी च्यी़ला आ़र क्ये च्य़ूदोङ। च्यी़गी च्यी़ला माक्यो तामया़ ङ्यिहन्दोङ ओहले सेम लो तेहमु पेहती तेहतोङ। ओहले स्य़िहदे दाङ चेवा जे नाङगे किन्ज्यो ख्या ङ्याम्बु ज़्य़ू नाङज्ये येह।
च्यिबेमाना ङ्यिहगी ख्या फ़ेबे-म़ेहमेया़गी पाहरक्यीला लेहङगु या़हबु ख्योङगेमु तामला च्यी़राङ मिहम्बा, यिहॱनाङ नाम्पार-ताहक्पा थु दाङ ओङ लाहमले ख्या फ़ेबे-म़ेहमेया़गी तेहन्दामकी लेहङगु या़हबुया़ यिह छ्य़े ख़ूएँ पेहती ख्योङदी ओहङसीन। ङ्यिह ख्या फ़ेबे-म़ेहमेॱया ङ्याम्बु तेहकेमु ङ्यिहगी ख्या फ़ेबे-म़ेहमेया़गी तेहन्दाला ङ्यिहगी मिहजी काहन्डुमु पेहती ताङबा, ओ़ह राहङया़ला थुयी़राङ येह।
ओ़ह सोङबे दिगी तेहन्दाला ङ्यिहगीॱआङ किन्ज्योला नाहम माॱनाङ थुज्यी-छ्ये़ फुल्गे, च्यिबेमाना ङ्यिहगी ख्या फ़ेबे-म़ेहमेया़ला किन्ज्योगी लुहङ स्येकेमु ख्या फ़ेबे-म़ेहमेया़गी दि लुहङ ङ्यिहती मिहम्बा यिहॱनाङ दि लुहङ किन्ज्योदीॱराङ यिहम्बा म़ेदी ची़सीन। यिहन्ज्येॱआङ दि तेहम्बाराङ किन्ज्योदीॱराङ लुहङ यिहन्गे। ता़ह यिह छ्य़ेगे ख्या फ़ेबे-म़ेहमेया़गी पाहरक्यीला दि लुहङगी छ्या़ले जे नाङगेराङ येहबा।
ता़ह ज्युक्स्योलला आदा-नो़ह दाङ आज्यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्मा च्याहर्ती दि उर्चु पेहको येह, ख्या फ़ेबे-म़ेहमेया़गी ङ्यिह लाहमले किन्ज्योला थु ङ्ये़एँगी डोलु-तेहलुया़ लोप नाङदी येह ओहले लोप्क्यो ल़ेहमुराङ ख्या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्या फ़ेबे-म़ेहमेॱया जेन-जेन या़हबु पेहती फेप नाङदोङ।
ကြော်ငြာတွေ