२ थेसलोनिकी 2:12 - ह्योल्‍मो

¹² ओ़ह सोङबे खुङया़गी तेहन्‍दामकी स्‍याहलला यिह मा़हछ्ये, यिहॱनाङ चोक्‍पा ल़ेहया़ पेहच्‍येलाॱराङ खुङया़ला या़हबु ऩेसीन। ओ़ह सोङबे खुङया़ला ङ्य़ेहबा फो़सीन।

२ थेसलोनिकी 2:12 ပူးပေါင်းရင်းမြစ်များ

मर्कूस 14:11

यहूदागी ताम थे़दी पूजाहारी छ्यिम्‍बुया़ ज्‍यिबुराङ क़ेहनाङ लाहङदी खोला टाङगा तेर्के म़ेदी ताहम्‍ज्‍या ज़्‍या़सीन। ओ़ह ती़हजी यिहन्‍ज्‍यु यहूदागी येशूला ज़ुङ च्‍य़ूज्‍येला लाहम ताज्‍ये छ़ूसीन।

मर्कूस 16:16

यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।

यूहन्‍ना 3:36

का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

रोमी 1:32

दि ल़ेहमु ल़ेह पेहकेन मिहया़ स्‍यिज्‍ये सी़हएँदी ओहङगे माएँदी किन्‍ज्‍योकी छ्य़े-ठिम ङोह स्‍य़ेदी स्‍य़ेदीॱआङ खुङगी दि ल़ेहमु ल़ेहया़ च्‍यी़राङ पेहकें मिहम्‍बा, यिहॱनाङ दि ल़ेहमु ल़ेह पेहकें मिहया़ ङ्याम्‍बु निङ थाक्‍पा यिहन्‍ज्‍युराङ डी़गे।

रोमी 12:9

ख्‍याया़गी निङज्‍यी पेहक्‍योदी मिहया़ला तेन्‍ज्‍येगी तेहन्‍दाला मिहम्‍बा यिहॱनाङ ओ़ह निङज्‍यी तेहन्‍दाम ओहङ कोहएँ। ल़ेह चोक्‍पाया़ क्‍युर्ती या़हबु ल़ेहला स्‍य़ूहदोङ।

रोमी 2:8

लाहला मिहया़गी राहङला च्‍यी़राङ निङज्‍यी पेहकें, तेहन्‍दामला मी़हचीएँ ओहले ल़ेह ङ्येहम्‍बाया़ पेहती डोएँ। ओ़ह ल़ेहमु मिहया़ किन्‍ज्‍योकी राहङगी मेह पाहरक्‍यो ल़ेहमु थुयालला छ्यिच्‍ये येह।

१ कोरिन्‍थी 13:6

ल़ेह ङ्येहम्‍बागी तेहन्‍दाला चेवागी काहसो मेहबेकें, यिहॱनाङ तेहन्‍दामगी तामला क़ेहनाङ पेहकें।

१ थेसलोनिकी 5:9

च्‍यिबेमाना किन्‍ज्‍योगी ओहराङ थो़ला राहङगी थुयाल पुङ नाङज्‍येला दाम नाङग्‍यो मिहम्‍बा यिहॱनाङ चो़वो येशू मास्‍यीका लाहमले थार्पा नाङज्‍येला तोहङलेराङ दाम नाङग्‍यो यिहम्‍बा।

२ थेसलोनिकी 2:10

तोङदी डोएँया़ला चिहन क्‍याहप्‍च्‍येला खो थाम्‍ज्‍यी ती़हया़ ङ्याम्‍बु ओहङज्‍ये येह, च्‍यिबेमाना खुङया़गी तेहन्‍दामकी स्‍याहलला चेवा माहबे ओहले खुङया़गी थार्पाॱआङ ज्‍योर मा़हखु।

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।

३ यूहन्‍ना 1:11

ए ङाहगी च्‍याहम्‍बु नो़ह, चोक्‍पा तामया़ला पे ताॱराङ माहता, यिहॱनाङ या़हबु तामया़ला पे त़ेदोङ। का़हन्‍दीगी या़हबु पेहकें, ओ़ह किन्‍ज्‍योदी यिहम्‍बा, ओहले का़हन्‍दीगी चोक्‍पा पेहकें, खोगी किन्‍ज्‍योला ङोह स्‍य़ेक्‍यो मेहयोहङगे।