२ थेसलोनिकी 1:9 - ह्योल्‍मो

⁹ ओहले खुङया़ला था़ म़ेहबा तोङदी डोएँगी ङ्य़ेहबा फो़ज्‍ये येह, ओहले चो़वो ङ्याम्‍बुकी छोक्‍पा दाङ मिहरोकी ओङ छ्यिम्‍बु ज़िज्‍यिद लाहमले खा फ़ेदी तेह कोहच्‍ये येह।

२ थेसलोनिकी 1:9 ပူးပေါင်းရင်းမြစ်များ

मत्ती 16:27

च्‍यिबेमाना मिहगी स़ेबु राहङगी याहपकी ज़िज्‍यिद नोम्‍दे स्‍यिहङगामकी स्‍याहप्‍च्‍यीया़ ङ्याम्‍बु फेप्‍नाङगेमु मिह थाम्‍ज्‍यीलाराङ राहङ-राहङगी पेहक्‍यो ल़ेहला ते़बे च्‍याहगा नाङज्‍ये येह।

मत्ती 22:13

ओहले क्‍याहल्‍बुगी राहङगी योक्‍पुया़ला सुङ नाङसीन, ‘दि मिहला काङबा लाहक्‍पा ताहम्‍दी फिला ना़-जुबेला क्‍युर चोहङ। खो ओ़हला सो मुहर्ती, ङी़हदी तेहच्‍यु’!”

मत्ती 24:30

“ओ़ह तिङले नामला मिहगी स़ेबु फेप नाङगेन्‍गी ताक्‍छेन थोङज्‍ये येह। मिहगी स़ेबुला ओङ छ्यिम्‍बु दाङ ज़िज्‍यिद ङ्याम्‍बु नामगी मुक्‍पाला फेप्‍केनॱराङ जेक्‍यो थोङदी जाम्‍बुलीङगी क्‍यिहपा थाम्‍ज्‍यीगी मिहया़ ङुहप्रा तिहङरा पेहच्‍ये येह।

मत्ती 25:41

“ओ़ह तिङले खोगी राहङगी योमा ङो़ले तेहक्‍यो मिहया़ला दि ल़ेहमु सुङ नाङज्‍ये येह, ‘ए किन्‍ज्‍योगी मे़मु सू़हक्‍यो मिहया़, देलेगी ग्‍यो़बाराङ थेन्‍दी सोङ! ती़ह गो-छ्येवा दाङ खोगी स्‍याहप्‍च्‍यीया़गी तेहन्‍दाला ठाबे पेह ज़्‍या़क्‍यो नाहमॱआङ मिहस्‍यीएँगी मेहला सोङ!

मत्ती 25:46

ओहले खुङया़गीदी नाहम्‍स्‍यी किन्‍दुॱराङ ङ्य़ेहबा खुर कोहच्‍ये येह, यिहॱनाङ टाहङबु मिहया़गीदी नाहमॱआङ मिहस्‍यीएँगी मिहली ज़ाङबु ज्‍योर्च्‍ये येह।”

मत्ती 26:24

सुङरापला प्रुहक्‍यो ल़ेहमुराङ मिहगी स़ेबुनी डोॱराङ कोहएँ। यिहॱनाङ काहजे छा़ तुहवा ओ़ह मिहला, का़हन्‍दीगी मिहगी स़ेबुला ज़ुङ च्‍य़ूगे। खोनी तोहरोङ क्‍येॱराङ मा़हक्‍येबा येहना या़हबु ओहङज्‍ये येहकें!”

मत्ती 7:23

ओहजेला ङाहगी ख्‍याया़ला माज्‍ये येह, ‘ए ल़ेह ङ्येहम्‍बा पेहकेनया़, ख्‍याया़ला ङाहगी ङोह मे़हस्‍ये। देलेगी थेन्‍दी सोङ’!”

लूका 13:27

ओहजेला खाङबा ताहक्‍पुगी, ‘ए ल़ेह ङ्येहम्‍बा पेहकेनया़, ख्‍या सु यिहम्‍बा, ख्‍या का़हले ओहङबा ङाहगीनी ङोह मे़हस्‍येएँ। देलेगी थेन्‍दी सोङ!’ म़ेदी माज्‍ये येह।

यूहन्‍ना 5:14

याहम्‍बी तिङले येशूगी खोला छ्योखाङला थू़दी सुङ नाङसीन, “त़ेदोङ, ता़ह ख्‍ये टा़ह सिहन्‍दी येह। येहपाराङ तिहक्‍पा माहबे, मिहन्‍सीमाना ख्‍येला तोहङले म़ेदीॱआङ चोक्‍पा ओहङज्‍ये येह।”

फिलिप्‍पी 3:19

ता़ह खुङ ज्‍युक्‍स्‍योलला ङ्याल्‍वाला छ्यिच्‍ये येह च्‍यिबेमाना फोवाराङ खुङदी ल्‍हा यिहम्‍बा। खुङ राहङगी ङोहजागी तामया़ला छ्य़ेन्‍दो तेन्‍गे। ओहले खुङ जाम्‍बुलीङगी दि ल़ेहमुराङ से़हया़ थो़ला सेम च्‍याङगे।

१ थेसलोनिकी 5:3

ओहले मिहया़गी “थाम्‍ज्‍यी ग्‍या़या़ला स्‍य़िहदे येह, ओहले ओहराङला च्‍यि से़हदीॱआङ ज्‍यिक्‍पा म़ेह” म़ेदी म़े तेहकेमु ओ़ह ती़हजीलाराङ याहङमे-याहङला पी़हमी-पेहजाला पेहजा क्‍येएँमु नाहजा क्‍याहप्‍क्‍यो ल़ेहमुराङ खुङया़ थो़ला तुहक्‍पु बाप ओहङज्‍ये येह ओहले खुङया़ सुॱआङ थार ख़ूज्‍ये म़ेह।

२ थेसलोनिकी 2:8

ओ़ह तिङले तिहक्‍पागी मिह थेन ओहङज्‍ये येह, ओहले खोला चो़वो येशूगी राहङगी स्‍याहलकी उगी तोङ च्‍य़ू नाङज्‍ये येह, मिहरो फेप नाङगेन क्‍या-साङे येहसेरगी खोला तोङ च्‍य़ू नाङज्‍ये येह।

तीतस 2:13

ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।

हिब्रू 10:29

ख्‍याया़ राहङगीराङ नोम्‍साङ ताङदोङ: किन्‍ज्‍योकी स़ेबुला राहङ काङबा चो़ला ज़्‍या़गे ओहले तिहक्‍पालेगी नाम्‍पार-ताहक्‍पा ज़ो नाङगे किन्‍ज्‍योकी ताहम्‍ज्‍या थिउ-निउ पेहकें मास्‍यीकाकी ठा़ला च्‍यि ल़ेहमुज्‍यीॱआङ मे़हनेगे ओहले काटीन नाङगेन्‍गी नाम्‍पार-ताहक्‍पा थुला स्‍ये़हन्‍डील पेहकें मिहला जेन काहजे छ्यिम्‍बु ङ्य़ेहबा फो़रो?

२ पत्रुस 2:17

ओ़ह ल़ेहमु मिहया़नी काम्‍ग्‍योकी छ्यु क्‍येज्‍युया़ ल़ेहमु यिहम्‍बा। खुङ ल्‍हा़बा लुङजीया़गी क्‍या़दी ख्‍येर्केन्‍गी नाम मेहक्‍याहप्‍केन्‍गी मुक्‍पाया़ ल़ेहमुराङ यिहम्‍बा। खुङया़गी तेहन्‍दाला साप्‍स्‍यी तिहङकी ना़-जुबे सी़दे ज़्‍या़दी येहबा।

२ पत्रुस 3:7

यिहॱनाङ ओ़ह सुङगीॱराङ किन्‍ज्‍योला मे़हक्‍याप्‍के मिहया़ला ठिम ताङ नाङज्‍येला तोङ च्‍य़ू नाङगेन्‍गी ङ्यिहमा थु ताहन्‍दाकी नाम दाङ जाम्‍बुलीङगी मेहकी तेहन्‍दाला सी़दे ज़्‍या़ नाङदी येह।

यहूदा 1:13

खुङ छो-क्‍याहम्‍जोकी ज्‍यी़ज्‍ये ल़ेहमु छ्यु-पाहलापया़ ल़ेहमुराङ यिहम्‍बा ओहले राहङगी नाम्‍दो लाहङज्‍ये ल़ेहमु से़हया़ छो-क्‍याहम्‍जोगी पोहवाल ल़ेहमुराङ पेहती तेन्‍गे। खुङ राहङगी लाहमला मा़हस्‍युहबा पेहती काहने थेतेराङ कोरा क्‍याहप्‍ती डोएँगी नामगी कार्माया़ ल़ेहमु यिहम्‍बा। खुङगी तेहन्‍दाला नाहम्‍स्‍यी किन्‍दु ज़ी़ज्‍ये ल़ेहमु ना़-जुबे ग्‍या़ सी़दे ज़्‍या़क्‍यो येहबा।

ज्‍याल्‍गा 20:11

ओहले ङाहगी कार्पु छ्यिम्‍बु ज़्‍य़ू-ठि च्‍यी़ दाङ ओ़ह ज़्‍य़ू-ठि खाला ज़्‍य़ू नाङगेन्‍दीला थोङसीन। मिहरो दिनले जाम्‍बुलीङ दाङ नाम प्रे़हदी काहल्‍सीन, ओहले खुङया़ला का़हॱलाङ ग्‍या़ माहन्‍ज्‍योर।

ज्‍याल्‍गा 20:14

दि तिङले स्‍यिवा दाङ साप्‍स्‍यी तिहङ ती़हदी तेहक्‍योगी मेहबुङ नाहङला क्‍युर चाहङसीन। दि मेहबुङगी छो़दी ङ्यिपा स्‍यिवा यिहम्‍बा।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”

ज्‍याल्‍गा 22:15

यिहॱनाङ ख्‍यिदी ल़ेहमु छारा पेहताङ येहकेनया़, ङेहन क्‍याहप्‍केनया़, छ्येउ-छ्येंमु पेहकेनया़, मिह सेकेंनया़, कुला छ्येपा फुल्‍गेनया़, चिहन क्‍याहप च्‍य़ूगेनया़ क्‍याहसा फिला ओहङज्‍ये येह।”