२ थेसलोनिकी 1:5 - ह्योल्मो5 किन्ज्योकी टाहङबु ठिमकी दास्यी दिराङ यिहम्बा ख्या फ़ेबे-म़ेहमेॱया किन्ज्योगी क्याहल्सीला स्य़ूहज्येला सी़ह ख़ूज्यु, ओ़हगी तेहन्दाला ख्या नाहरे तुहक्पु खुर्केॱराङ येहबा। အခန်းကိုကြည့်ပါ။ |
२ थेसलोनिकी 1:5
28 ပူးပေါင်းရင်းမြစ်များ
यिहॱनाङ पावल दाङ बारनाबासकी आप छ्य़ेदी मासीन, “थाम्ज्यी म़ेदी तोहङले किन्ज्योगी या़हबु लेहङगु राहङ फे़बेया़ला स्येॱराङ कोहच्ये येहकें, यिहॱनाङ राहङ फे़बेया़गी सेन्ज्ये थुराङ जे मेहनाङ दु। नाहमॱआङ स्यिज्ये म़ेहबागी मिहली ज़ाङबु ज्योर्च्येला राहङ फे़बेया़गीराङ का़ नाङसीन। ओ़ह सोङबे ता़ह ङ्यिह लेहमेन क्यिहपागी मिहया़साला डोएँ।
ओहले खुङ ङ्यी़गी ओ़ह ग्या़ला येहकेन्गी चो़वो छ्येवागी स्याहप्च्यीया़ला यिह-छ्य़ेला सान्दी ज़ोएँॱराङ किन्ज्योला यिह छ्य़ेदी तेहच्येला स्युक क्ये च्य़ूसीन। सेमले खाल्दी थिक-चि पेहती तेहच्येला आ़र क्ये च्य़ूसीन। किन्ज्योगी क्याहल्सीला लेप्कें म़ेदी तोहङले ओहराङगी माहङबुराङ तुहक्पु खुर कोहज्ये येह म़ेदी लोप्ताम क्याहप्सीन।
ङाहगी आदा-नो़ह दाङ आज्यी-नुहमुया़, ख्या फ़ेबे-म़ेहमेया़गीॱआङ मास्यीका येशूला यिह छ्य़ेक्यो यहूदीया लुहङबाला येहकेन्गी किन्ज्योकी छेन्छोकया़की पे ताएँ काहल्सीन, च्यिबेमाना यहूदीया़की छेन्छोकगी इस्राएली लाहमले काह-ठि पेहती तुहक्पु खुर्पा, ओ़ह ल़ेहमुराङ पेहती ख्या फ़ेबे-म़ेहमेया़गीॱआङ राहङदीराङ क्यिहपाकी मिहया़ ङो़ले तुहक्पु खुर नाङसीन।
ओ़ह सोङबे किन्ज्योगी का़हन्दी मिहलीगी तेहन्दाला ख्या फ़ेबे-म़ेहमेया़ला क़े क्याहप नाङग्यो यिहम्बा, ओ़ह मिहलीला ते़बे राहङगी मिहजी ताङज्येला सी़हएँगी मिहया़ ज़ो नाङज्यु ओहले राहङ फ़ेबे-म़ेहमेया़गी सेमला या़हबु ऩेक्योगी थाम्ज्यीराङ से़हया़ दाङ तेहपागी छ्या़लेया़ किन्ज्योकी ओङगी जेतीॱराङ तेहन्दा डुप च्य़ू नाङज्यु।
ओ़ चो़वो छ्येवा, राहङगी ज्यिक्पा मिहखुर्केन्गी मिह सुॱआङ येहटो ले? राहङ छेनकी ज़िज्यिद सुगी मे़हपेहटो ले? च्यिबेमाना राहङ च्यी़राङ नाम्पार-ताहक्पा ज़्य़ू नाङदी येह। क्यिहपा थाम्ज्यी ओहङदी राहङला ज्याल्ज्ये येह। च्यिबेमाना राहङगी छ्या़लेया़ टाहङदेन दु म़ेदी ता़ह मिहया़गी थोङ सिहन्दी येह।”
ကြော်ငြာတွေ