Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




२ पत्रुस 3:14 - ह्योल्‍मो

14 ओ़ह सोङबे ए च्‍याहम्‍बु रो़हया़, ख्‍या दि तामया़ला कू़हदी तेहकेन्‍गी मिहया़ यिहन्‍गे सोङबे, किन्‍ज्‍योगी ज़ी़लुला राहङ चाङमा पेहती, च्‍यिॱआङ क्‍येन म़ेहबा पेहती ओहले स्‍य़िहदे पेहती तेहच्‍येला ला़ खाजे स्‍युक पेहतोङ।

အခန်းကိုကြည့်ပါ။ ကော်ပီ




२ पत्रुस 3:14
19 ပူးပေါင်းရင်းမြစ်များ  

मिहया़गी ख्‍याया़ला ‘मिहरोनी यिह-तोङे ग्‍या़ला ज़्‍य़ू नाङदी येहबा’ म़ेदी माॱनाङ ओ़हला माहन्‍डो। खुङया़गी ‘त़ेदोङ, मिहरोनी खाङबा नाहङला ज़्‍य़ू नाङदी येहबा’ म़ेदी माॱनाङ खुङगी तामला यिह मा़हछ्ये।


ओहले ओ़ह पोहमो स्‍यार्माया़ ह्‍अप-ह्‍ओप लाहङदी राहङ-राहङगी लोया़ ठाबे पेहसीन।


ओहले ताहक्‍पु कोरा क्‍याहप्‍ती लो़ह ओहङगेमु डु गोबाला दि ल़ेहमु ल़ेह पेह तेहक्‍यो च्‍य़ेह सिहन्‍गेमु खो काहजे सोनाम-साक्‍पु ओहङज्‍ये येह।


“ए चो़वो छ्येवा, राहङगी ज़्‍या़ नाङग्‍योकी ताहम्‍ज्‍या तेहन्‍दा डुप च्‍य़ू नाङसीन, ता़ह राङगी योक्‍पुला सेम लो तेहमु पेहती दि जाम्‍बुलीङ क्‍युर ज़्‍या़दी डो च्‍य़ू नाङदोङ।


ओहराङ चो़वो येशू मास्‍यीका फेप नाङगे ङ्यिहमु ख्‍या ङ्य़ेहबा-छ्यू़बा म़ेहबा ओहङज्‍यु म़ेदी मिहरोगीॱराङ ख्‍याला तिङस्‍यो ङ्यिहमा थु थिक-चि पेहती ज़्‍या़ नाङज्‍ये येह।


ओ़ह सोङबे ङाहगी च्‍याहम्‍बु आदा नो़ह दाङ आज्‍यी-नुहमुया़, ख्‍या सेम माहयाहङबा पेहती थिक-चि पेहती तेहतोङ। चो़वोगी छ्या़लेला ख्‍या नाहम-माना याहरक्‍यी पेहती सोङ। च्‍यिबेमाना ख्‍याया़ला क्‍यी़हराङ येहबा, चो़वोगी तेहन्‍दाला पेहक्‍योगी ख्‍याया़गी तुहक्‍पु नाहमॱआङ थोरो डोज्‍ये म़ेह।


दिठी पेहती ख्‍याया़गी का़हन्‍दी ल़ेह या़हबु येहबा ओ़ह खा फे़ ख़ूज्‍यु, ओहले मास्‍यीका फेप नाङगेन्‍गी ङ्यिहमाला ख्‍याया़ चाङमा दाङ च्‍यिॱआङ क्‍येन म़ेहबा पेहती तेह ख़ूज्‍यु।


ओ़हठी पेहसीनमाना ख्‍या तिहक्‍च्‍येम्‍बा दाङ नोहङग्‍यो मिहया़गी पाहरक्‍यीला च्‍यिॱआङ ङ्य़ेहबा-छ्यू़बा म़ेहबा किन्‍ज्‍योकी पेहजा ल़ेहमुराङ क्‍येन माहफो़बा दाङ चाङमा ओहङज्‍ये येह। खुङया़गी पाहरक्‍यीला ख्‍या नामदी कार्माया़ ल़ेहमुराङ येहसेर क्‍याहप कोहएँ।


यिहॱनाङ ओहराङनी स्‍यिहङगामकी नागरिकता ज़्‍योरक्‍योगी मिह यिहम्‍बा। थार्पा नाङगेन ओहराङगी चो़वो येशू मास्‍यीका स्‍यिहङगामले फेप नाङगे म़ेदी ओहराङ क़ूह तेहकेंॱराङ येहबा।


दिगी पेहती मिहरोकी थाम्‍ज्‍यी नाम्‍पार-ताहक्‍पा मिहया़ ङ्याम्‍बु ओहराङगी चो़वो येशू मास्‍यीका फेप नाङगेमु चो़वो येशूगी ओहराङगी किन्‍ज्‍यो याहपकी दिनला ख्‍या फ़ेबे-म़ेहमेया़गी सेम नाम्‍पार-ताहक्‍पा दाङ च्‍यिॱआङ क्‍येन म़ेहबा पेहती थिक-चि पेहती ज़्‍या़ नाङज्‍यु। आमेन।


स्‍य़िहदेकी किन्‍ज्‍यो राहङगीराङ ख्‍या फ़ेबे-म़ेहमेया़ला सेम तिहङ यिहन्‍ज्‍युराङ चाङमा ज़ो नाङज्‍यु, ओहले ख्‍या फे़बे मे़हमेया़की थाम्‍ज्‍यी सेम, सो दाङ ली़ह ओहराङकी चो़वो येशू मास्‍यीका फेप नाङगे ङ्यिहमा थु च्‍यिॱआङ क्‍येन म़ेहबा पेहती ज़्‍या़ नाङज्‍यु।


ङाह ख्‍येला दि का तेर्को येह, ख्‍येगी ओहराङगी चो़वो येशू मास्‍यीका माहफेप थु ख्‍येगी दि काया़ या़हबु पेहती ची़दोङ ओहले सुगीॱआङ ख्‍येला फातुर च़ू माहङ्युहङज्‍यु।


ओ़हठीॱराङ पेहती मिह माहङबुगी तिहक्‍पाया़ खुर नाङज्‍येला मास्‍यीकागी लेहमा च्‍यी़ राहङगी राहङला मार्च्‍ये फुल नाङसीन। ओहले मास्‍यीका येहपाराङॱआङ लेहमा च्‍यी़ फेप नाङज्‍ये येह। ओहजे काहङला मिहया़गी तिहक्‍पाया़ ता़ह च्‍य़ू नाङज्‍येला मिहम्‍बा यिहॱनाङ सेम काहसो पेहती मिहरो फेप नाङगेन्‍गी फेप-लाहम कू़हदी तेहकेनया़ला थार्पा नाङज्‍येला फेप नाङज्‍ये येह।


तुहक्‍पुला छ्यिक्‍यो ह्‍युग्‍मो दाङ टो़टेया़ला रो़हराम पेहकेन ओहले जाम्‍बुलीङकी चोक्‍पा से़हया़ यिहन्‍ज्‍यु राहङ था़-रिहङबु तेहकेंॱराङ किन्‍ज्‍यो याहपला थु ङ्य़ेबु ओहङगेन्‍गी चाङमा दाङ नाम्‍पार-ताहक्‍पा छ्य़े यिहम्‍बा।


ओ़ह तुहक्‍पुया़ ख्‍यागी च्‍यिबे खुर कोहक्‍यो मासीमाना ओ़ह तुहक्‍पुया़ लाहमले ख्‍यागी किन्‍ज्‍योला यिह छ्य़ेक्‍योदी तेहम्‍बाराङ यिहम्‍बा दु म़ेदी ताहक्‍स्‍यार ओहङज्‍येगी तेहन्‍दाला यिहम्‍बा। तोङदी डोएँगी सेरलानी मेहला सा़दी या़हबु चोक्‍पा खा फ़ेदी ताहङमा ज़ोएँ मासीमाना ख्‍याया़गी यिह-छ्य़ेनी ओ़ह म़ेदीॱआङ माहङबु चा़ छ्यिम्‍बु यिहम्‍बा। ओ़ह सोङबे दि यिह-छ्य़ेला क्‍ये़ह चाङमा ज़ोज्‍येला ङ्याहम च्‍येकें। दिगी पेहती येशू मास्‍यीका फेप नाङगे ङ्यिहमाला ख्‍या तेच्‍या, ज़िज्‍यिद दाङ चा़ सी़हएँगी मिहया़ ओहङ ख़ूज्‍यु।


ए ङाहगी च्‍याहम्‍बु रो़हया़, ख्‍याया़ला प्रुहक्‍योगी दि ङाहगी यिहगी ङ्यिपु यिहम्‍बा, ओहले दि यिहगी ङ्यिकालाराङ काहजे तामया़ टेहम्‍बा साल च्‍य़ूदी ख्‍याया़की सेम चाङमाला स्‍युक क़े च्‍य़ूज्‍ये छोल्‍दी येहबा।


दिगी तेहन्‍दाला खोगी दि ल़ेहमुराङ तामया़ राहङगी यिहगीया़ला प्री़हदी येहकें। खोगी प्रुहक्‍योगी लाहला तामया़ ङोह स्‍य़ेज्‍येला याहम्‍बीज्‍यी खेन्‍दा-का़हबु येहबा, ओहले मे़हस्‍येगे मिहया़ दाङ राहङगी सेम टिहला मे़हज्‍याएँ मिहया़गी दि तामया़ला लेहमेन छ्य़ेया़ला ल़ेहमु फार्च्‍या-फिर्च्‍या ज़ोएँ। दि ल़ेहमु पेहती खुङ राहङगी राहङला ङ्य़ेहबा फो़ च्‍य़ूगे।


ओहले मास्‍यीकाला दि ल़ेहमु रेहवा पेहकेनया़गी राहङला मास्‍यीकाला ल़ेहमुराङ चाङमा पेहती ज़्‍या़गे।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ